U Bulungana u Niga tere Iesu Kristo te kolotein e Luk 18:16 - U Bulunagana U Niga

¹⁶ Kaba e Iesu e ngö merai a galapien i tanen me poeiena turu katunun tsitsilo, “Haka raiam a galapien egi la uama i tar. E möa tego hapiou mera mien limiou. Taraha? A Nipepeito tere Sunahan e ka uana turu mar katuun teka.

U Bulungana u Niga tere Iesu Kristo te kolotein e Luk 18:16 Iomraidhean Croise

Matiu 19:14

Be Iesu e poeiena, “Haka baraiam a galapien gi la uama i tar, ma hapiou rami, taraha a Nipepeito tere Sunahan e ka uana turu mar katuun teka.”

U Bulungana u Niga tere Iesu Kristo te kolotein e Luk 18:15

U katuun e mi piou raia a galapien u göama tere Iesu ba nonei e sebele ranen. Ba u katunun tsitsilo e tarer a ka teka me ranga hapiou raren.

U Bulungana u Niga tere Iesu Kristo te kolotein e Luk 18:17

Alia e hatei hamana ragou limiou, a katuun tema hengo hanige nei u raranga tere Sunahan temar hengo haniga uana a pien, nonei ema antunan tasu noi tara Nipepeito tere Sunahan.”

Aposol 2:39

U Bulungana u Niga teka e la uana i tamilimiou na tara galapien has i tamilimiou i murimuri. Na nonei e la has uana turu katuun hoboto te ka ria turu han i lehana na turu katuun hoboto te ngö rena e Sunahan.”

1 Korin 14:20

A matsi hatoulana, möa tu hakats here mi a pien. Kato here rami a galapien u tetenei te tutu ba ner a markato a omi. Kaba tara man palaina manka, mar hakats uaiam te hakats uana a katuun pan.

1 Korin 7:14

Taraha, a tson tema hamana nei e kato hagöagono sila naria tara tahol te hamanana na tahol tema hamana nei e kato hagöagono sila naria tara tson te hamanana. A galapien i tamilimiou ena mots ma gogoso ri, kaba tara markato teka ba galapien i tamilimiou te göagono hasir.

1 Pita 2:2

Alimiou go ngil korueiam u raranga u gogoso na u niga tere Sunahan, temar bes sil mena nei a pien ti hagou posei a sus. Nonei u raranga teka e taguhu ranou limiou bate katuun hatagala susul uamiou tara markato turu Namnamei, be Sunahan te lu pouts ranou limiou.