U Bulungana u Niga tere Iesu Kristo te kolotein e Luk 16:17 - U Bulunagana U Niga

¹⁷ U kolö na u puta e antunan tia nou romana, kaba a tsi töa a tsi makum tara Lo ema antunan tia noi.

U Bulungana u Niga tere Iesu Kristo te kolotein e Luk 16:17 Iomraidhean Croise

Matiu 5:18

Na lia e hatei hamana ragou limiou, u kolö na u puta e tatei kapa nou, kaba e möa ta tsi töa ta tsi makumun raranga tega tia iou tara man Lo, e antunana tara pöata te butu hakapa noa a mamanaka.

U Bulungana u Niga tere Iesu Kristo te kolotein e Luk 21:33

U kolö na u puta ena taiar romana, kaba u raranga i tar ema antunan taia nei romana.”

U pas te koloto menai e Pol turu kristenira i Rom 3:31

Ge hana, ara e kato homiera a Lo tere Mosis te kukute mena reira a markatona turu nihamana? E moa koru. U nihamana i tarara te tupa mera neira tara saha ka te ngilena a Lo.

1 Pita 1:25

Kaba u raranga tara Tsunono e ka nitöana.” Na u raranga teka nonei u Bulungana u Niga ti habulungana naia i tamilimiou.

2 Pita 3:10

Kaba u Lan Pan tara Tsunono e songots butu hasingoto tuun nama romana, temar butu hasingoto uana a katuun a kopkop. Nonei turu Lan, u kolö e taia mena romana u gururu u kapan, na manka i kolö e kulupu hakapa riou, na han i puta na mamanaka te kana i tanen e ats hakapa nitöa riou.

Revelesin 20:11

Na lia u tari u gumgum u hiaka u göagono te gum ia e Sunahan. U kolö na u puta e hatalis ban a matanen, me möa lenina ta makum i taren.

Revelesin 21:1

Ba lia e taregu u kolö na u puta u tsimus. U kolö na u puta tutuun i tia hakapa, na e möa lel has tu tasi.

Revelesin 21:4

Ba nonei te hasokolei ranouen. E möa lel ta tou mate na ta nitaatagi na tu tabe na tu kamits. A nikaka mam e tia hakapa.”