U Bulungana u Niga tere Iesu Kristo te kolotein e Luk 16:15 - U Bulunagana U Niga

¹⁵ Be Iesu e poeiena i taren, “Alimiou e kato here nami a peisa milimiou u katuun u niga i matar u katuun, kaba e Sunahan e atei silena u hakhakats i tamilimiou e omina. Taraha? A ka te panna i matar u katuun e here nei a ka pinopino i matana e Sunahan.

U Bulungana u Niga tere Iesu Kristo te kolotein e Luk 16:15 Iomraidhean Croise

Matiu 23:5

“A mamanaka te roron katoe ren e kato silerien tegi tara meraien u katuun. Hena, nori e roron hakits naria a matsi bokis i poleren na i limaren te kamena u raranga tere Sunahan iahanen. Na nori e kato hanigan töa ner a man runguna a man hasobö a man ngahangaha i taren bate tataabala koruna.

Matiu 6:16

“Na pöata te agono mialö, alö goma mataloho ii. Te kato uar u katuun u gamogamo te matalohor bate kato siler u katuun egi tari te agono uaren. Alia e hatei hamana nitöa ragou limiou, nori i lu hakapa ban töani u hamatana i taren.

Matiu 6:2

“Hena, te hala namia lö a moni turu katuun te moar ta moni, alö goma katoeien i matar u katuun, te markato uar u katuun u gamogamo iahana luman lotu na i kalana. Nori e kato meri a ka teka i matar u katuun tegi solosei meraien. Na lia e hatei hamana nitöa ragou limiou, nori i lu hakapi u hamatana i taren.

Matiu 6:5

“Na tara pöata te singo mia limiou, alimiou goma hererami u katuun u gamogamo. Te ngiler u katuun egi tara raien tara pöata te singo rien tara man luman lotu na tara man la hagiono i maroro. Alia e hatei hamana nitöa ragou limiou, nori i lu hakapi u hamatana i taren.

U Bulungana u Niga tere Iesu Kristo te kolotein e Luk 10:29

Kaba a tson hihatuts tara Lo e ngil u katuun egi pei nonei a katuun a matskö, ba nonei e rangatena e Iesu, “Esi nonei a katuun tego ngili lia?”

U Bulungana u Niga tere Iesu Kristo te kolotein e Luk 11:39

Ba Tsunono e poeiena i tanen, “Alimiou u Parasi e roron kato hagogose miou a murina kap na pelete, kaba i torimilimiou, alimiou u gulgulka na e saputu memiou a mamana a markato a omi.

U Bulungana u Niga tere Iesu Kristo te kolotein e Luk 18:11

A Parasi e tuol pepeisa me mar singo uana teka, ‘O Sunahan, alia e haniga uagu i tamölö te namala kato homi uagi lia te kato uaier a palair u katuun. Alia ema kopkop gi, nema gamogamo gi, nema tsikolo gi. Na lia ema kato homi has uagi te markato uana a lulu takis i tioum.

U Bulungana u Niga tere Iesu Kristo te kolotein e Luk 18:14

Be Iesu e poeiena, “Alia e ranga mera goulimiou, a katuun teka te matsköna i matana e Sunahan tara pöata te la pouts uaien i han, kaba a Parasi e möa. A katuun te hala seiena a peisanen ena hala putei riou. Na katuun te hala puteiena a peisanen ena hala seie riou.”

U Bulungana u Niga tere Iesu Kristo te kolotein e Luk 18:21

Ba katuun e poeiena, “Alia u kukuti a man lo teka e taniama tu tetenei noa ma lia.”

U Bulungana u Niga tere Iesu Kristo te kolotein e Luk 18:9

E Iesu e hatei hasiin u haharuei teka turu katuun ti pei nori te matskör bate sigala raier a palair u katuun.

U Bulungana u Niga tere Iesu Kristo te kolotein e Luk 20:20

Nori i tara kap nitöa nen me hol raier u katuun u gamogamo me hala hamous rari men tegimi tara kap menaien. U katuun teka i gamo me katoeier u harangata u parpara tere Iesu. Nori i ngil e Iesu ega kato tu ranga tegi kout meien bate hala naren tara nitagala tere gamman.

U Bulungana u Niga tere Iesu Kristo te kolotein e Luk 20:47

Nori e roron katoeier u singona turu lotu u ngahangaha turu rung tuun, bate lu tsipon beri a peisaren a manka turu amoaba. Kaba nori e lueier romana a nihahuna pan koru.”

U Bulungana u Niga tere Iesu Kristo te kolotein e Jon 2:25

E möa ta katuun ga hatei ien ime te markato uana a torir u katuun. Taraha, nonei e atei sil aha te kaia i torir u katuun hoboto.

U Bulungana u Niga tere Iesu Kristo te kolotein e Jon 21:17

Ba e Iesu e rangata hatopiseiena e Pita me poeiena, “O Saimon, a pien tere Jon, alö e ngil hase moulia?” Ba torina e Pita e tiama koru tala mei te rangata hatopisa uu e Iesu me poeiena, “Alö e ngile moulia?” Ba nonei e poeiena tere Iesu, “O Tsunono, alö e atei silem a mamanaka hoboto, na lö e atei sil hasem alia e ngil korue goulö.” Be Iesu e poeiena i tanen, “Hanouri u sipsip i tar.

Aposol 1:18

A moni tara markato a omi te katoeien, i holei a töa makumun tsiktsiki. Ba I murinen be Judas e rusuna ba torinen e tabutuna me talous hakapana.

Aposol 1:24

Ba nori e singo uar tere Sunahan me poeier, “O Tsunono, alö a töa te atei silem a torir u katuun hoboto. Haröto ramei lam esi te ngile mölö tara huol a katuun teka.

Aposol 15:8

E Sunahan e atei silena a torir u katuun hoboto, bate haröto ranei ra nonei e haniga has rena a pala tema Jiu ri. Nonei e hala raneien u Namnamei u Göagono i tanen, e kato has uana temar hala mera neien ra.

U pas te koloto menai e Pol turu kristenira i Rom 3:20

A katuun te kukutiena a mamanaka te ranga nena a Lo ema matskö neia i matana e Sunahan, taraha a Lo e haröto nena a katuun te kato homina.

U pas te koloto menai e Pol turu kristenira i Rom 8:27

Be Sunahan, te atei silena a ka te kana i torina katuun, e atei sil hasena u hakats turu Namnamei, taraha u Namnamei e kukutiena u ngil tere Sunahan tara pöata te singo bera nen u katuun tere Sunahan.

1 Korin 4:5

Na limiou goma ona rami u katuun i mamuna a pöata tena la nama romana a Tsunono. Nonei te ona hamatsköe nou a manka te mousna turu kuhil bate hakei nouen turu ualesala, bate haröto has nanou u hakats turu katuun. Be Sunahan te hala ranoui u katuun hoboto u rangan haniga i taren.

1 Pita 3:4

A nitaratara a niga i tamilimiou ega butuma i torimilimiou i iogana te ka mena milimiou a markato a niga bate tuatamimia turu katuun. A markato teka ema tatei hula palis nei. E ka nitöana, na e Sunahan e haniga korue nen.

1 Pita 5:5

Na e markato has uana iesana, alimiou u katuun u hitots ego hala puteiam a peisa milimiou turu katuun u kapan. Na limiou hoboto ego hateteneiam a peisa milimiou bate hiatagtaguhumiou. Taraha, u Buku u Göagono e poeiena, “E Sunahan e tokitoki rena u katuun te hangiser, kaba nonei e taguhu rena u katuun te hateteneier a peisaren.”

Revelesin 2:23

Alia e atung hamate has ragou u katuun te kukutier a tahol teka. Ba u katuun hoboto te lotu ria tara solona e Kristo te atei sile riou alia e tara bubutegu a bakuna a katuun na i torinen has. Ba lia te hala ragi limiou romana a man tötöa u hamatana e popona tara manka tu katoeiam limiou.