U Bulungana u Niga tere Iesu Kristo te kolotein e Luk 16:11 - U Bulunagana U Niga

¹¹ Sanena limiou goma taratara kap haniga nami a manka na i puta teka, gesi te hataratara kap ranei romana limiou a manka man niga hamana? E möa tala.

U Bulungana u Niga tere Iesu Kristo te kolotein e Luk 16:11 Iomraidhean Croise

Matiu 6:24

“A katuun ema antunan kui neia tara huol a tsunono. Taraha, nonei e rama nanou a töa bate ngilena a tabi. Alö ema antunan kui hoboto bemi e Sunahan na moni.

U Bulungana u Niga tere Iesu Kristo te kolotein e Luk 12:33

Hahol naiam a manka i tamilimiou bate hala namiou a moni turu katuun ti möa ta ka. Alimiou go kui hatagala sileiam a manka tema tatei omiri, a manka man niga na i Kolö te ka nitöana, na u katuun u kopkop ema antunan lue rien romana, ne möa ta kokoros tega kato homieien.

U Bulungana u Niga tere Iesu Kristo te kolotein e Luk 16:12

Na sanena limiou goma taratara kap haniga nami a manka tara tana katuun, gesi te hala ranei romana limiou a manka hamatskö i tamilimiou? E möa has.

U Bulungana u Niga tere Iesu Kristo te kolotein e Luk 16:9

Be Iesu e poeiena, “Na lia e ranga mera goulimiou, alimiou go lueiam a moni i tamilimiou bate taguhu ramiou u katuun ba nori te kapiena rariou limiou. A moni e taia nou romana, kaba pöata te mate moa limiou, ba limiou te ngö mera roi i Kolö.

U Bulungana u Niga tere Iesu Kristo te kolotein e Luk 18:22

Pöata te hengoeia e Iesu a ka teka, ba nonei e poeiena i tanen, “A töa patu a ka tego kati lö. Alö go haholin a manka hoboto i tamölö bate hala rami u katuun ti möa ta ka. Ba lö te ka memou romana a mamanaka a niga i Kolö. Ba lö te töan kukutie mumou lia.”

Epesis 3:8

Alia e ka puta koru gia turu katuun hoboto tere Sunahan. Kaba e Sunahan e taatagi naiou lia me hale ne lia a toukui tego hahatei merai lia alimiou u katuun tema Jiu ri a manka a man kapan te nigana tere Kristo, bate haröto has ragi u katuun hoboto temar butu hamana uanou u raranga te hamouseier tere Sunahan. E Sunahan te habuti a mamanaka, e hamous u raranga teka tara man pöata i manasa noa.

Jemis 2:5

Hengoiam, a matsomi i tar. E Sunahan e hopö kapir u katuun papala tara han i puta, u katuun te hamana haniga uaier tere Sunahan. Be Sunahan te poeiena u mar katuun teka te ngile nen, e lue riou a Nipepeito tere Sunahan.

Revelesin 3:18

Alia e ranga koru mera goulimiou, alimiou go hole mia ta goul i tar, a goul ti hagogoseia turu tula, ba limiou te töan ka memou a manka man niga hamana. Hol hase iam tu hasobö tu hiaka bate hasei kap nami u beloso i tamilimiou. Ba limiou te hol hase miou tu meresin i tar bate hake mien i matamilimiou, ba limiou te töan tara pouts mou.