U Bulungana u Niga tere Iesu Kristo te kolotein e Luk 15:10 - U Bulunagana U Niga

¹⁰ Be Iesu e poeiena, “Na lia e ranga mera goulimiou, e markato has uana iesana, u angelo tere Sunahan e sasaala koru has meriou a töa katuun a omi te palis banena a man markato a man omi i tanen.”

U Bulungana u Niga tere Iesu Kristo te kolotein e Luk 15:10 Iomraidhean Croise

Matiu 10:32

Be Iesu e poeiena, “Esi te hatei ranei u katuun nonei e pala uana i tar, ba lia te hatei hase gou e Tamar i Kolö nonei a katuun i tar.

Matiu 18:10

Be Iesu e poeiena, “Alimiou go haneiam möa tu sigaleiam ta töa tara galapien teka. Na lia e hatei ragou limiou, u angelo i taren e tarakapin töa raren te ka rien tere Tamar i Kolö.

Matiu 18:14

Nonei tema ngil benei e Tamamilimiou i Kolö ta töa tara galapien u tetenei teka ega taia.”

U Bulungana u Niga tere Iesu Kristo te kolotein e Luk 12:8

E Iesu e ranga lel me poeiena, “Alia e ranga mera goulimiou: esi te hatei na noa lia turu katuun, alia tu butun Katunuma ena hatei has ragou u angelo tere Sunahan nonei a katuun i tar.

U Bulungana u Niga tere Iesu Kristo te kolotein e Luk 12:9

Kaba esi te holis nena nonei a katuun i tar i matar u katuun, balia tena holis has nagoen romana i matar u angelo tere Sunahan.

U Bulungana u Niga tere Iesu Kristo te kolotein e Luk 13:5

E möa has. Na lia e hatei ragou limiou, tema palis ba namoui limiou a man markato a man omi i tamilimiou, ba limiou hoboto te mate has mou!”

U Bulungana u Niga tere Iesu Kristo te kolotein e Luk 15:11

Be Iesu e poeiena, “A töa katuun e ka mei a huol a pien tson i tanen.

U Bulungana u Niga tere Iesu Kristo te kolotein e Luk 15:7

Be Iesu e poeiena, “Na lia e ranga mera goulimiou, e markato has uana iesana, i Kolö e sasaala koru has meriou a töa katuun a omi te palis ba nena a man markato a man omi i tanen. Na nisasaala teka e pan bala nanou a markato te sasaala mena rouien a 99 tara katuun a niga.”

U Bulungana u Niga tere Iesu Kristo te kolotein e Luk 15:9

Pöata te sabe poutse nouen a moni, ba nonei te ngö gögono rena u hahikapien i tanen na u katuun te sukusukur bate poeiena, ‘Sasaala gono memoulia. Taraha? Alia e sabe poutse gula a moni tu hatie lia.’”

U Bulungana u Niga tere Iesu Kristo te kolotein e Luk 7:47

Alia e hatei goulö, u pannen u ngil te hatara nanen e hatei nena a markato a omi a parpara i tanen e luba hakapa nalila. Kaba a katuun ti luba nai a markato a omi a tetenei ema ngil bala korue nei e Sunahan.”

Aposol 11:18

Pöata ti hengoien u ranga tere Pita, ba nori e haniga korue ren. Ba nori e soloseier e Sunahan me poeier, “U mana, e Sunahan e haniga hasir u katuun tema Jiu ri tegi habirits ba menaien a man markato a man omi ba nori te töatöa has riou!”

Aposol 5:19

Kaba tara bong ba angelo tara Tsunono e kalatena a tamana tara luman karabus me halakasa rena u aposol me poeiena i taren, “Na tuol mia iahana Luman Lotu Pan bate hatei rami u katuun u raranga hoboto tara markato a tsimus teka.”

2 Korin 7:10

A nitaatagi na nimatsingolo te roron halanena e Sunahan e kato rena u katuun bate habirits ba ner a markato a omi be Sunahan te lu pouts ranen. A nitaatagi teka ema kato homie nei a katuun. Kaba a nitaatagi na i puta turu tsiktsiki teka e habutena romana a tou mate.

Pilimon 1:15

Nonei toum romana a ka te laba sil memei lö e Onesimus tara tsitabubun pöata, balö te lupoutse men batena kanitöa memen.

Hibru 1:14

U angelo u saha u mar katuun? Nori hoboto a man namnamei te kui beier e Sunahan. Nonei e hala sil rameien tegi taguhu meraien u katuun te katsin lu pouts rena e Sunahan.