U Bulungana u Niga tere Iesu Kristo te kolotein e Luk 11:26 - U Bulunagana U Niga

²⁶ Ba nonei ena peigi renama a tohit a liliahanei a omi te omi bala naien. Ba nori e la rima memi tasu ria nonei tara katuun. I murimuri nonei e omi bala koru nanou te mar ka mam uaien.”

U Bulungana u Niga tere Iesu Kristo te kolotein e Luk 11:26 Iomraidhean Croise

Matiu 12:45

Ba liliahanei a omi e lana mena lu lelena a tana tohit a liliahanei, ti omi koru naien. Ba nori emi karia iahana katuun teka. Ba nonei e omi bala koru lel tala nena temar omi tutuun uaien. Te markato has uariou u katuun u omi ra i romana.”

Matiu 23:15

“Alimiou u tson ateira tara lo na u Parasi, alimiou u gamogamo! Alimiou e roron la koru uamiou turu tsiktsikina i lehana na i tasi, tego kato menami ta töa ta katuun, a katunun tsitsilo i tamilimiou. Kaba pöata te lu sabe tsipone mia limiou a töa, ba limiou te kato tsipone mien a katuun a omi koru tena hahune ria romana i hel. Na limiou e katoe men ba nonei te omi bala koru len ranou limiou.

U Bulungana u Niga tere Iesu Kristo te kolotein e Luk 11:25

Ba nonei e la poutsuna mena sabiena a luma e gogoso na e tara hanigana.

U Bulungana u Niga tere Iesu Kristo te kolotein e Luk 11:27

Tara pöata te ranga hakapa naia e Iesu a ka teka, ba töa tahol e ranga seina i gusura u katuun me poeiena i tanen, “A tahol te poseiou lö na te hasuseiou lö ega sasaala!”

U Bulungana u Niga tere Iesu Kristo te kolotein e Jon 5:14

Ba i murinen be Iesu ena sabiena a katuun teka iahana a Luman Lotu Pan me poeiena i tanen, “Tara, alö e niga pouts talam. Alö goma katokato lelei ta markato ta omi bate möa nou ta ka ta omi koru tega butuia i tamölö.”

1 Jon 5:16

Te tare mialö a töa katuun tara pala te hamana ria tere Iesu e kato homina ba limiou te singo silemen tere Sunahan, be Sunahan te hale noien a nitöatöa. Kaba te kato homi koru nen bate laba nena a nitöatöa tere Sunahan, alia ema ranga nagi alimiou ego singo sileiam a katuun teka tere Sunahan.