U Bulungana u Niga tere Iesu Kristo te kolotein e Luk 11:2 - U Bulunagana U Niga

² Be Iesu e poeiena i taren, “Pöata te singo mia limiou, alimiou go mar singo uaiam teka: ‘O Tamamulam, a solomölö egi hagöagoni. Alö go mi tsunone rilam.

U Bulungana u Niga tere Iesu Kristo te kolotein e Luk 11:2 Iomraidhean Croise

Matiu 10:32

Be Iesu e poeiena, “Esi te hatei ranei u katuun nonei e pala uana i tar, ba lia te hatei hase gou e Tamar i Kolö nonei a katuun i tar.

Matiu 3:2

Ba nonei e poeiena, “Alimiou go palis ba naiam a man markato a man omi. A Nipepeito tere Sunahan e sukusuku hakapa.”

Matiu 5:16

Na u ualesala i tamilimiou ega kato has uu iesana bate alesala uana turu katuun. Ba nori te tare riou a markato a niga i tamilimiou bate soloseier e Tamamilimiou i Kolö.”

U Bulungana u Niga tere Iesu Kristo te kolotein e Luk 11:1

E Iesu e singoia tara töa makum ba pöata te singo hakapaien, ba töa katunun tsitsilo i tanen e poeiena i tanen, “Tsunono, hatuts ramei lam temar singo uaier, temar hatuts merai e Jon u katunun tsitsilo i tanen.”

U pas te koloto menai e Pol turu kristenira i Rom 1:7

Alia te koloto uagu i tamilimiou hoboto u katuun te ngil koru raiena e Sunahan te ka mia tara taun i Rom. E Sunahan e ngö sil railimiou tego katuun uaiam limiou i tanen pepeisa. Ne Sunahan e Tamarara na e Iesu Kristo a Tsunono, e tatei taatagi rariou limiou na e tatei hala has rari limiou a masalohana.

U pas te koloto menai e Pol turu kristenira i Rom 8:15

U Namnamei te hala rai limiou e Sunahan, ema kato ranei limiou u katunun kukui puku ba limiou te matout miou. E möa. Nonei u Namnamei te kato ranou limiou ba limiou te galapien uamiou tere Sunahan. Ba limiou temar ngö tala memien teka, “O Tamar, o Tamar.”

1 Korin 1:3

A nikalala na masalohana tere Sunahan e Tamarara, na Tsunono e Iesu Kristo e tatei kagono me ranou limiou.

2 Korin 1:2

A nikalala na masalohana tere Sunahan e Tamarara, na Tsunono e Iesu Kristo e tatei kagono meranou limiou.

Galesia 1:4

E Kristo e mate sil tego luba menaien a man markato a man omi i tarara, na tego purese pouts meraien ra tara markato a omina i puta. Nonei e markato uu temar ngil uu e Sunahan e Tamarara.

Epesis 1:2

E Tamarara e Sunahan na e Iesu Kristo a Tsunono e tatei taatagi ranou limiou bate hala has ranei limiou a masalohana.

Pilipai 1:2

E Sunahan e Tamarara na e Iesu Kristo a Tsunono e tatei taatagi rariou limiou na e tatei hala has rari limiou a masalohana.

Pilipai 4:20

Aragi solosei nitöani e Sunahan e Tamarara tara mamana pöata hoboto. U mana.

Kolosi 1:2

U pas teka e koloto menari i tamilimiou u katuun te hamana mia tere Kristo i Kolosi. E Tamarara e Sunahan e tatei taatagi ranou limiou na e tatei hala has ranoui limiou a masalohana.

1 Tesalonaika 1:1

Alam ere Pol mere Sailas na e Timoti e koloto menami u pas teka i tamilimiou hoboto, u kristenira tara taun i Tesalonaika te pala uar tere Sunahan e Tamarara, na u katuun has tere Iesu Kristo a Tsunono. Sunahan e tatei taatagi ranou limiou bate hala has ranoui limiou a masalohana.

1 Tesalonaika 1:3

Pöata te singo mialam tere Tamarara e Sunahan, alam ema mala solopalemi te hamana haniga uami limiou na te kato haniga has uami limiou. Na lam ema solopala hasemi te ngil mera milimiou a palair u katuun bate taguhu ramen. Na te hamana hatagala uami limiou tena la pouts nama romana e Iesu Kristo a Tsunono i tarara.

2 Tesalonaika 2:16

E Sunahan e Tamarara e tatei taatagi ranoura bate tami nitöana i tarara bate taguhu ranoura tegi hamana sil menaira a ka a nigana i murimuri. Nori mere Iesu Kristo a Tsunono i tarara e tatei kato hatamie ier a torimilimiou bate kato hatagala ranou limiou ba limiou te katoemiou a man toukui a man niga hoboto na man raranga man niga has.

Revelesin 11:15

Ba hatohitina angelo e pihena a tuhil i tanen. Ba u raranga u panina i Kolö e poeiena: “A Tsunono i tarara na e Mesaia i tanen e tsunono hamanasa ner u han hoboto i puta, ba nonei te tsunono nitöa nou tara mamana pöata!”

Revelesin 15:4

O Tsunono, u katuun hoboto e matoute rioulö bate soloseie riou lö. Alö a töa te göagonom na te niga nitöam. U han hoboto emi hatsunono roua i tamölö, taraha a markato a matskö i tamölö i haröto hakapein.”

Revelesin 19:6

Ba lia e hengoegu a ka te ling here ii u ranga tara hun katuun pan. E olongo here ii u tasi na e tsipöho here hasi u gururu. Ba nori e poeier: “Soloseiem e Sunahan a Tsunono i tarara te tagala saluhena, na te tsunono panina.

Revelesin 20:4

Ba lia e taregu a man gumgum a man göagono na u katuun ti gum ia i taren. I hala rai a nitagala tegi ona meraien u katuun. Ba lia e tara hasegu a namnameir u katuun ti ngats pagoteir. U katuun teka i roron habulunganein u raranga hamana te rangein e Iesu na u raranga tere Sunahan, na nori ima hatsunone ii a ka a omi a töatöa na u kesa i tanen. Nori ima hatiti hasna ii a hatöatongo tara ka a omi a töatöa i poleren na i limaren. Ba nori e töatöa poutsur me tsunono gono meier e Kristo e antunaia turu 1,000 u hiningal.