U Bulungana u Niga tere Iesu Kristo te kolotein e Luk 10:2 - U Bulunagana U Niga

² Be Iesu e poeiena i taren, “A kui e tangoho hakapa kaba e möa ta katuun ta para tega hagali a kannou. Alimiou go singo uaiam tara Tsunono bate hala renama u katuun batena hagale rima a kannou a tangoho.

U Bulungana u Niga tere Iesu Kristo te kolotein e Luk 10:2 Iomraidhean Croise

Matiu 20:1

Be Iesu e poeiena, “A Nipepeito tere Sunahan e here nei a katuun terena kuin grep te la bongbong silena tegona sake menaien ta katuun tegona kui ia tara kuin grep i tanen.

U Bulungana u Niga tere Iesu Kristo te kolotein e Mak 13:34

“E kato uana romana tara katuun te la uana i lehana, ba nonei te hataratara kap ranei u katunun kukui puku i tanen a manka, bate hala raneien a man tötöa a man toukui i taren. Ba nonei te hateiena a katunun taratarakap tara tamana tego pepeitokap haniga menaien.

U Bulungana u Niga tere Iesu Kristo te kolotein e Mak 16:15

Ba nonei e poeiena i taren, “La uaiam turu han hoboto i puta batena rarariemiou u Bulungana u Niga turu katuun hoboto.

U Bulungana u Niga tere Iesu Kristo te kolotein e Mak 16:20

Bu katunun tsitsilo e lar mena habulungana ner U Bulungana na tara Nitöatöa turu han hoboto. Ba Tsunono e kato sila nana a man mirakol i taren te harötein a man raranga i taren e manana.

U Bulungana u Niga tere Iesu Kristo te kolotein e Luk 9:1

E Iesu e ngö gögoneir a maloto na huol a aposol i tanen me hala raneien a nitagala pan tegi tatei tsuga ba meraien u liliahanei u omi hoboto na tegi kato haniga pouts has merai u katuun ti ka mei a man siki.

Aposol 11:19

U kristen ti sata noahasia ti titi hatu hamateia e Stiven na ti kato homi merai u katuun ti hamana uu tere Iesu. A tou la kalakala i taren e noan töa ma i Pinisia na i Saiprus na i Antiok. Nori i hala puku naia u Bulungana u Niga turu Jiu.

Aposol 13:2

Tara pöata ti singou u kristen tara Tsunono me agono has ner a kannou, ba u Namnamei u Göagono e poeiena, “Alimiou go hopö kap gono memi ere Banabas mere Sol a toukui tu ngö meraien lia egi katoeien.”

Aposol 13:4

Ba u Namnamei u Göagono e hala ranen ba nori e gala uaier tara taun i Selusia, tina osaien tara tolaala me lauar tara tolo pan a solonen i Saiprus.

Aposol 20:28

Alimiou go tara kap haniga naiam a peisa milimiou na u katuun hoboto tere Iesu, te here rari u sipsip. U Namnamei u Göagono e hopö kap raiou limiou u katunun taratarakap i taren. Taraha, nonei e ngilena alimiou go taratara kap haniga raiam u katuun tere Sunahan. A Pien Tson i tanen e sakahis hakapa raien u rahatsing i tanen.

Aposol 22:21

Ba Tsunono e poeiena i tar, ‘La, alia e hala halehana menagi lö turu katuun tema Jiu ri.’”

Aposol 8:4

U kristen ti sata i la uu turu han hoboto me hahatei laner u Bulungana u Niga.

1 Korin 12:28

Na e Sunahan e halani a mamana mar toukui tara man tötöa tara hun katuun i tanen. Tara makum tutuun nonei e hatuolir u aposol, na tara hahuoluna a makum nonei e hatuolir u propet, na tara a hatopisana makum nonei e hatuolir u tson hihatuts, na pala te antunan katoner u mirakol, na u katuun te antunan kato haniga pouts raier u katuun, na u katuun te taguhu raier a palai, na niatei na tara toukui na tara tson mammam, na tai te antunan ranga nena u mamana u mar ranga.

1 Korin 15:10

Kaba tara nihitaguhu tere Sunahan ba lia temar butu uagu teka, na nikalala i tanen ema la pukpuku nei. Alia e kui hatagala bala regu a palair u aposol hoboto, kaba ema lia nei. E Sunahan te ka gono menou lia.

2 Korin 6:1

Te kui gono tala memia lam e Sunahan, alam e ranga hatagala koru mera moulimiou, goma hapolase mi e Sunahan te taatagi koru raiou limiou.

Pilipai 2:21

A palair u katuun hoboto e hakats las ner a nikaka peisa i taren, batema hakats sileri a manka tere Iesu Kristo.

Pilipai 2:25

Kaba lia e hakats negu e hahankana tegi hala mam pouts menai e Epaprodaitus i tamilimiou. Nonei a hahatoulana i tarara ti hala nemuma limiou tegomi taguheiou lia. Nonei e kui hatagala gono meiou lia turu Bulungana u Niga.

Pilipai 2:30

Taraha, nonei e kui bei e Kristo e antunaia te sukusukun mate uaien. Nonei e kato sil tega kato hakapa menaien a toukui tima antunan kato hakapa bemi limiou alia.

Kolosi 1:29

Nonei te sioung sila gialia bate kui hatagala koru megu a nitagala i tanen te kana i tar bate las hatagala korue noulia.

Kolosi 4:12

Epapras e hala has mena nei u hanhaniga i tanen i tamilimiou. Nonei e pala has uana i tamilimiou na nonei a katunun kui has tere Iesu Kristo. Nonei e singo hatagalan töa sil ranou limiou, ba limiou te katoe miou a ka te ngilena e Sunahan.

1 Tesalonaika 2:9

A matsi hahatoulana, hakats kap naiam alam i kuin moni hatagala koru mei a lan na bong. Alam uma ngilin hala railimiou ta nitiama tara pöata tu habulungana nailam u Bulungana U Niga tere Kristo i tamilimiou.

1 Tesalonaika 5:12

Kaba lam e hatei ramou limiou a matsi hahatoulana, hapan raiam a pal kapan i tamilimiou. A Tsunono e hopö kap raien tegi hatuts meraien limiou na tegi haröto meraien limiou a maroro a niga.

2 Tesalonaika 3:1

A matsi hahatoulana, alimiou go singo bera moulam ba u raranga tara Tsunono te tasata boroboro nou bate pan noua i matar u katuun u parpara, te kato has uaien i tamilimiou.

1 Timoti 4:10

Tara a nimanamana nen, ara e kui hatagala sil noahasera a ka a niga teka, taraha ara e hakera u nihamana i tarara tere Sunahan te töatöana. Nonei te taguhu rena u katuun hoboto bate lu pouts rena u katuun te hamana uaier i tanen.

2 Timoti 4:5

Kaba lö go tara kap hanigein a peisa mölö tara saha ka te hakamitse noulö. Alö go ranga hatei lan u Bulungana u Niga bate kuieiem a mamana toukui hoboto te katunun kui ua mölö tere Sunahan.

Pilimon 1:1

Alia e Pol, alia e karabus silegu tu kui menai lia a toukui tere Iesu Kristo. Alam mere Timoti, e toularara e koloto menami u pas teka i tamölö. O Pilimon, alö a hahikapien i tamulam tu kui gono meraioulam.

Hibru 3:6

Kaba e Kristo, a Pien Tson tere Sunahan, e tara kap haniga rena u katuun tere Sunahan. Na tegi hamana haniga uu ra i tanen bate hamana silera a manka man niga i tanen, ara u katuun hamana i tanen.

Revelesin 2:1

A katuun tu tari lia e pei hasi i tar, “Alö go koloto menai u raranga teka tara angelo tara hun katuun tere Kristo te ka ria i Epesis: “U ranga teka nonei u raranga tara katuun te pile nena a tohit a pitopito turu ualima u pal matou i tanen, na te hula hahis hasna i gusuna u tohit u lam goul.