U Bulungana u Niga tere Iesu Kristo te kolotein e Luk 1:32 - U Bulunagana U Niga

³² Pöata te pan noien romana ba nori te ngöe roien a Pien tere Sunahan iasa Koru. E Sunahan a Tsunono te hale noien a nitsunono tere tubunen e Devit.

U Bulungana u Niga tere Iesu Kristo te kolotein e Luk 1:32 Iomraidhean Croise

Matiu 1:1

Nonei teka u tubur e Iesu Kristo. E Iesu e tubunen e Devit, na e Devit a hatutubunei tere Abraham.

Matiu 12:42

Na turu lanin hahuna, a tetahol panina i Siba e tuol noa turu kout bate hatei nena a markato a omi turu katunura i romana. Taraha, nonei e lama i lehana koru tegomi hengo menaien u hihatuts u niga tere King Solomon. Na lia e hatei ragou limiou, a katuun te pan bala nena e Solomon e kana teka.”

Matiu 28:18

Be Iesu e la hasukusuku uama i taren me poeiena, “E Sunahan e halei lia a nitsunono hobotona i Kolö na i puta.

Matiu 3:11

“Alia e baptais ragi limiou u ramun tuun, e hatara nena alimiou u habirits ba hakapa naiam a man markato a man omi i tamilimiou. Kaba a katuun te la hamurimuri nama romana i tar e pan bala koru nanou lia. Nonei a tsunono pan, na lia a katuun papala koru ema antunan söata nagi u sendol i tanen. Nonei te baptais ranoui limiou u Namnamei u Göagono na u tula.

U Bulungana u Niga tere Iesu Kristo te kolotein e Mak 14:61

Kaba e Iesu e kakamoto mema ranga nei. Ba tsunono pan turu pris e rangata lele nen, “Alö e Mesaia, a Pien Tson tere Sunahan?”

U Bulungana u Niga tere Iesu Kristo te kolotein e Mak 5:7

Ba nonei e ku hapanina me poeiena, “O Iesu, a Pien Tson tere Sunahan Iasa Koru, alö e katsin he mi lia? Alia e singo hataatagi koru gia i tamölö i matana e Sunahan, alö goma hahune ii lia.”

U Bulungana u Niga tere Iesu Kristo te kolotein e Luk 1:15

Taraha? Nonei ena katuun pan noa i matana a Tsunono. Ba nonei tema tatei ue noi u uain na u ramun u hiski. Na nonei e saputu menou romana u Namnamei u Göagono i mam has tegi posa menaien!

U Bulungana u Niga tere Iesu Kristo te kolotein e Luk 1:35

Ba angelo e poeiena i tanen, “U Namnamei u Göagono e la uanama romana i tamölö ba nitagala tere Sunahan temi sapute noulö. Ba pien a göagono te pose moulö te ngöe roui a Pien Tson tere Sunahan.

U Bulungana u Niga tere Iesu Kristo te kolotein e Luk 1:76

Be Sakaria e pei hasena tara pien, “Alö a tsi pien i tar, alö e ngöe roui a propet tere Sunahan iasa Koru. Taraha? Alö tena peits moa tara Tsunono tego hamatskö menai a maroro tega sila men.

U Bulungana u Niga tere Iesu Kristo te kolotein e Luk 3:16

Be Jon e poeiena i taren hoboto, “Alia e baptais ragi limiou u ramun tuun, kaba a töa katuun te pan bala nanou lia ena la nama romana. Alia ema antunan hakoul has nagoi u sendol i tanen. Nonei te baptais ranoui limiou romana u Namnamei u Göagono na u tula.

U Bulungana u Niga tere Iesu Kristo te kolotein e Luk 6:35

Kaba limiou go ngil raiam u pakö i tamilimiou bate kato haniga ramen. Alimiou go hala pukpukuiam, kaba ma hakats nami tego lu pouts menami ta ka. Ba limiou te lue miou romana u hamatana pan, bate haröto has namiou alimiou a galapien tere Sunahan Iasa Koru. Taraha? Nonei e niga has na turu katuun u omi tena mala haniga uari tere Sunahan.

U Bulungana u Niga tere Iesu Kristo te kolotein e Jon 12:34

Ba u katuun e poeier i tanen, “U Buku u Göagono e poeiena, e Mesaia te hopö kapiin e Sunahan tega butun katuun uen, e töatöa nitöana romana. E hana balö te poeiem, ‘E si te butun katunuma egi na hakuteia tara kuruse’? E si nonei te butun katunuma?”

U Bulungana u Niga tere Iesu Kristo te kolotein e Jon 6:69

Na lam e hamanam na e atei sil hasem alö a Pien a Göagono te tula nema e Sunahan.”

Aposol 16:17

Pöata te kukuteien e Pol na lam, nonei e ku nitöani, “A pal tson teka u katunun kui tere Sunahan iasa koru. Nori e haröto rari limiou a maroro te lu sila namia limiou a nihitaguhu tere Sunahan.”

Aposol 2:30

Nonei a propet, na nonei e atei sil e Sunahan e haleien u raranga te mana uu iasa. E Sunahan e ranga hatagala hamana mam noani tega hatuol menaien ta töa tara hun katuun tere Devit turu gumgum u kapan.

Aposol 2:36

“Bora, hatei raiam a tei Israel: E Sunahan e katoeien a Tsunono na Mesaia, nonei e Iesu a katuun ti hahalosi ra ti nila namia limiou tara kuruse.”

Aposol 7:48

“Kaba e Sunahan Iasa Koru ema tatei ka neia tara luma ti kui u katuun. E markato uana temar ranga uu a propet:

U pas te koloto menai e Pol turu kristenira i Rom 1:4

Na e Sunahan e hatei hasiin e Iesu nonei a Pien a Göagono i tanen ti hatakei pouts menaien tara tou mate tara nitagala pan i tanen.

Revelesin 3:7

Na nonei a katuun tu tari lia e pei hasi, “Alö go koloto menai u raranga teka tara angelo tara hun katuun tere Kristo te ka ria i Piladelpia: “U ranga teka nonei u raranga tara katuun te göagonona na te manana na te pile nena a nitsunono tere Devit. A ka te kalate nen, e möa tegi tatei hapili menaien. Na ka te hapilie nen, e möa tegi tatei kalata menaien.