Kolosi 2:8 - U Bulunagana U Niga

⁸ Kaba haneiam, ta katuun ena gamo ranei limiou tu ranga pinopino. Hanei sil raiam u katuun te hihatuts ner a niatei turu tuburen bate poeier e lama tere Sunahan. Nori e hihatuts ner a mankana i puta, u spirit na lo na i manasa, kaba ema ranga uanei tere Kristo.

Kolosi 2:8 Iomraidhean Croise

Matiu 10:17

Haneiam, u katuun ena pile kap rariou limiou bate lu mera rilimiou turu kout, ba nori tena lahus raroua limiou turu luman lotu i taren.

Matiu 16:6

Be Iesu e poeiena i taren, “Alimiou go tarakap hanigaiam bate hanei silemou u is turu Parasi na u Sadiusi.”

Matiu 7:15

Be Iesu e rangana me poeiena, “Hanei sil raiam u propet u gamogamo. Nori e hererari u muki u hie, kaba nori e gamor bate kato here nari a peisaren u sipsip u alena.

Aposol 17:18

Nonei e hiararanga gono has mer u tson hihatuts turu huol u mar hihatuts ti ngöe ii u Epikurian na u Stoik. Ba palai e poeier, “Aha nonei te ranga nena a katuun a borera teka?” Ba palai e poeier, “Nonei e ranga toum nena a tana got halhal.” Nori i mar ranga uu teka, taraha e Pol e hatei raien e Iesu me poeiena nonei e takei poutsia tara tou mate.

Aposol 17:32

U katuun i hengo hakapi u raranga tere Pol. Ba pöata ti hengo naien a katuun e takei poutsia tara tou mate, ba palai e gol hahamana naren. Kaba palai i pei, “Alam e ngilin hengoem u raranga i tamölö tara tana pöata.”

U pas te koloto menai e Pol turu kristenira i Rom 16:17

A matsi hahatoulana, alia e ranga hatagala mera goulimiou, hanei sil raiam u katuun te roron lu kata rer u katuun ba nori tema hamana hanigari. Nori ema hanigeri u hihatuts tu luema limiou i tamulam, möa tu hasukusuku mia i taren.

1 Korin 10:12

A katuun te poeiena e kukute hatagalena a markato a niga ega hanei sil tego kato homi uaien.

1 Korin 8:9

Kaba hakats hanigaiam a niatei i tamilimiou ena mots kato homiena a katuun, ba u hakats i tanen tema tagala balanei banonei te rus uana tara markato a omi.

2 Korin 10:5

Alam e kato ba nem a mamanaka te hatu kap nena na te hipus nena tegi atei sil menai u katuun e Sunahan. Alam e palis hasem u hakhakats turu katuun te omi korur bate kukuteier u ranga tere Kristo.

Galesia 1:14

Alia u tagala sil korui a markato turu tubur u Jiu, bate kato salsaluhe raiegu u katuun ti totou posa gono merai lia ti kukuti u lotu turu Jiu.

Galesia 4:3

Na ti markato has uu ra i mamuna te lama e Iesu Kristo, ara i here rai u katunun kukui puku te ka puta ria tara mamanaka i puta.

Galesia 4:9

Kaba i romana alimiou e pei miou e Sunahan e atei sil ranou limiou na limiou e atei silemiou e Sunahan. Ga taraha tsiponi ba limiou te habirits kopis silemiou a man namnamei a man omina i puta ti möa ta man nitagala i taren? Ba limiou te katsin katunun kukui puku lel mia i taren?

Galesia 5:15

Kaba te kato here rami limiou u muki bate hiakatokato homi miou, alimiou go hanei iam! Alimiou ena mots hiakatokato homi nitöamiou, ba tema hiakaka haniga mi.

Epesis 2:2

Alimiou u kukuteiam a markato a omina i puta, bate hengoemiou a tsunonona tara man spirit a man omina iasa, nonei a spirit a omi te hakui rena u katuun te hipus naier e Sunahan.

Epesis 4:20

Kaba e Kristo ema mar hatuts merai limiou teka.

Epesis 5:6

Hanei sileiam tego gamo merai ta katuun alimiou u ranga pinopino. Nonei a mamanaka teka te kato haraharahena e Sunahan, be Sunahan te hahuna ranou u mar katuun temar hipus uaier teka.

Pilipai 3:2

Hanei sil raiam u katuun u omi te kato homieier u tuenrei, na te kato here rari u muki, bate poeier alimiou go hapöiam.

Kolosi 2:18

A palair u katuun e poeier nori e pan ria i matana e Sunahan bate poeier, nori i sinasohi a manka teka tegi haka puta menaira a peisarara bate hatsunono raier u angelo. Alimiou goma hengo ramien te pei mena rien alimiou e kato homimiou. Nori e kato hapan pinopinoer a peisaren te hakats mena rien a markatona i puta.

Kolosi 2:20

Alimiou u mate gono meiam e Kristo, ga e hana ba limiou te kukute noahasemiou a man markatona i puta?

Kolosi 2:22

A manka teka ema ka nitöa noi. E möa. Nori e ba hakapa rariou. Na man lo na man hihatuts teka, u katuun tuun ti hakeien.

Kolosi 2:23

A markato teka e tara here nei e kamena a niatei a niga, taraha nonei e kato hatagala sil rena u katuun tegi lotu hatagala uaien bate haka puteier a peisaren bate kato hakamitser a peisaren. Kaba a markato teka ema taguhe nei a katuun tega hapouts menaien u ngil u omi i peisanen.

1 Timoti 6:20

O Timoti, tara kapiin a manka hoboto ti hale ii lö. Ka halehana ban u ranga pinopino tema hapane nei e Sunahan, na turu rangan raharaha turu katuun te gamor bate poeier e ka mer a niatei.

2 Timoti 3:13

U katuun u omi na u katuun u gamogamo e omi koru riou bate omi susul lasir. Na nori e gamo rariou a palai, ba nori tena gamo lel has riou.

Hibru 13:9

U hihatuts tema atei sileri te las ba ranoui limiou a maroro tere Sunahan egima kukute ii. A torimilimiou ema antunan lu nanei ta nitagala tara mamana mar lo na tara kannou. A man lo teka ema taguhu ranei u katuun te kukutie ren. E möa. A tori milimiou ega tagala mei a nihitaguhu tere Sunahan.

Hibru 3:12

A matsi hahatoulana, haneiam. Möa tu ka meiam u tori u omi te hahamanana bate laba namiou e Sunahan te töatöa nitöana.

1 Pita 1:18

Alimiou e atei silemiou a ka te sakahis ba ria limiou tara man markato a man omi ti lue mia limiou turu tubumilimiou. E Sunahan ema sakahis rai limiou a moni tuun te tatei taiana.

2 Pita 3:17

Kaba a matsi hahatoulana i tar, alimiou u atei sil hakapeiam a ka teka. Na limiou go haneiam, u katuun u omi e tatei gamo rari limiou a man markato a man tutu ba limiou tema tuol hatagala lel moi turu nihamana i tamilimiou

2 Jon 1:8

Alimiou go haneiam, ma hapolase mi a manka man niga ti kui hatagala sili ra. Alimiou go kato nitöa sileiam tego lu mena milimiou a manka man niga te hopö kap berai limiou e Sunahan.