Kolosi 2:2 - U Bulunagana U Niga

² Alia e kato silegu alimiou go sasaalaiam bate hiakaka haniga hoboto miou bate hatagala hase miou u hiangilngil i tamilimiou. Na limiou go atei sil haniga haseiam a manka te hamane milimiou na ka te hamousi e Sunahan i manasa, nonei e Kristo.

Kolosi 2:2 Iomraidhean Croise

Matiu 11:25

Nonei tara pöata teka be Iesu e poeiena, “O Tamar, alö e Tsunono pan mia i Kolö na i puta. Alia e haniga uagu i tamölö te hamous mena milö a manka teka turu katuun te poeier e ka mer a niatei, bate haröto namen turu katuun papala tema atei balari.

Matiu 11:27

“A mamanaka hoboto teka e Tamar te hale meien lia. Na e möa ta taina ta katuun tega atei sileiou lia, a Pien Tson tere Sunahan. E Tamar puku lahas. Na e möa has ta katuun tega atei sil e Tamar. Alia puku lahas a Pien Tson i tanen te atei silegen, na eresi tu onarilia te haröto ragoui lia e Tamar.

Matiu 13:11

Be Iesu e ranga palis ranen, “Alimiou e atei silemiou u ranga momous tara nipepeito kapanina i Kolö. Kaba nori ema ateiri.

U Bulungana u Niga tere Iesu Kristo te kolotein e Luk 1:1

O Tiopilus a tsi tsunono, u katuun u parpara i koloto hakapein u raranga te hatei nena a manka te katoeia e Iesu Kristo i gusurara.

U Bulungana u Niga tere Iesu Kristo te kolotein e Jon 10:30

E Tamar na lia a töa puku a katuun.”

U Bulungana u Niga tere Iesu Kristo te kolotein e Jon 10:38

Kaba te katoegien lia, noahasina tema hamane milimiou alia, hamana mia tara toukui i tar ba limiou te atei sile mou e Tamar e kana i tar na lia e ka has gia i tanen.”

U Bulungana u Niga tere Iesu Kristo te kolotein e Jon 16:15

A mamanaka hoboto tere Tamar, a mamanaka hoboto has i tar. Nonei te pei begu lei lia, ‘Nonei e lue nou a manka i tar bate haröto ranoien limiou.’”

U Bulungana u Niga tere Iesu Kristo te kolotein e Jon 17:3

Nonei teka a maroro tara nitöatöa te ka nitöana: u katuun te atei sile riou lö a Sunahan te mana nitöana, na lia e Iesu Kristo tu hala nema lö.

U Bulungana u Niga tere Iesu Kristo te kolotein e Jon 5:17

Kaba e Iesu e palis raien me poeiena, “Te kato haniga poutse gula lia a katuun e haröto nena e Tamar e kui noana na lia e kui noa hasegu a toukui teka.”

U Bulungana u Niga tere Iesu Kristo te kolotein e Jon 5:23

Ba u katuun te tatei hapaner a Pien temar hapan has meraien e Tamaren. E si tema hapane nei a Pien ema hapan hase nei e Tamanen te tula namen.”

U Bulungana u Niga tere Iesu Kristo te kolotein e Jon 6:69

Na lam e hamanam na e atei sil hasem alö a Pien a Göagono te tula nema e Sunahan.”

Aposol 4:32

A pala ti hamana i ka mei u töa puku u tori na u töa puku u hakats. E möa ta töa i taren tega ranga bate poeiena, “A manka teka, a manka pepeisa i tar.” E möa. Kaba mamanaka hoboto i taren era manka hobotoien.

U pas te koloto menai e Pol turu kristenira i Rom 15:13

E Sunahan e tatei hala ranei ra u raranga hamana tegi hamana sil menaien ra. Nonei e tatei kato hasasaala ranou limiou bate hala ranei limiou a masalohana te hamana uami limiou i tanen. Ba u Namnamei i tanen te hala ranoui limiou a nitagala tego hamana nitöa uamia limiou turu raranga hamana i tanen.

U pas te koloto menai e Pol turu kristenira i Rom 16:25

Aragi solosei e Sunahan! Nonei te antunan hatagalena u nihamana i tamilimiou ba limiou te hamana mia i tanen, te hengo mena milimiou u Bulungana u Niga te rararie gulia, na turu raranga te hatei nena e Iesu Kristo. Nonei u raranga teka e solon mous i manasa.

U pas te koloto menai e Pol turu kristenira i Rom 2:4

E Sunahan e roron tuatami koruna turu katuun, na ema roron raharaha boroboro nei na ema roron hahuna boroboro has ranei u katuun, taraha nonei e ngilena alimiou go habirits ba naiam a man markato a man omi i torimilimiou. Na limiou goma sigalemi a markato tere Sunahan na egoma hakats papala namien.

1 Korin 14:31

Alimiou hoboto e tatei ranga namiou u raranga hamatskö tere Sunahan, kaba a töa e ranga mamina ba tai te ranga lenina ba limiou te tatei lu hobotemiou a niatei na nitagala.

1 Korin 2:12

Ara ima lue ii u namnamei tara han i puta teka. E möa. Ara i lui u Namnamei te lama tere Sunahan tegi tatei atei sil menai ra a manka te hala raira e Sunahan.

Galesia 3:28

Na te katuun uami limiou tere Kristo, e möa lel ta toun Grik na ta Jiu, na ta katunun kukui puku na ta katuun tegoma kukui puku ii, na ta tson na ta tahol. Alimiou hoboto te hamana mia tere Iesu Kristo e here talemi a töa katuun.

Epesis 1:7

Pöata te mateia e Kristo, bu rahatsing i tanen e sakahis ranoura be Sunahan e luba nena a man markato a man omi i tarara. A nitaatagi i tanen e pan koru, ba nonei e hitaguhu haniga koruna i tarara.

Epesis 3:16

Alia e singo silegu e Sunahan ega hala sila nama a nitagala i tanen i tamilimiou turu Namnamei i tanen, ba u namnamei i tamilimiou te tatei tagala hapopona tara nikapan i tanen.

Epesis 3:3

Nonei e haröte ii lia u ngilngil i tanen ti hamous mameien. Na lia u koloto hakapa berai limiou a tsi tabubun raranga tara ka teka.

Epesis 6:22

Nonei koru a ka te hala sile gouien lia i tamilimiou, tegona hatei meraien limiou ime te marka uamu lam na tegona hatagala has menaien a torimilimiou.

Pilipai 2:1

Alimiou e goma tatei solopalemi te ka gono mena reira e Kristo bate hatagalena a torirara, bara te tatei hiangilngilira, bate tatei ka haniga gono mera u Namnamei tere Sunahan, bate hiataatagira.

Pilipai 3:8

A manka hoboto te butuia i tar e here tala nei a manka pinopino te hakats menagi lia e Iesu Kristo a Tsunono i tar. Alia e atei sil talegu e Iesu, na nonei te niga bala nena a mamanaka hoboto. Alia e ngil korue gen bate ngöe gi a mamanaka ti ngil korui lia i manasa a bita pinopino. Ba lia te pile kap hakarapoto nagou e Kristo.

Kolosi 1:26

Nonei u bulungana te solon hamous ba rien u katuun, kaba nonei e haröto nanen turu katuun i tanen i romana.

Kolosi 1:27

E Sunahan e hanigein tego haröto meraien u katuun tema Jiu ri u bulungana te momouseien i manasa, u bulungana u mana na u niga te la has uana turu katuun hoboto. U bulungana teka nonei e Kristo te kana i tori milimiou, alimiou e luemou romana a manka man niga tere Sunahan.

Kolosi 1:9

Nonei koru a ka, te taniama tara pöata tu hengo naien limiou, alam uma hanöan singo sil rai limiou, tu rangata menai lam e Sunahan ega hatuts raiou limiou bate atei haniga sile miou u ngilngil i tanen. Alam u singo sil hasi tega hala menai u Namnamei i tanen u hakhakats u niga, ba limiou te antunan kato uamou temar ngil uana a Tsunono bate kato hasasaale men. Ba limiou te katoe mou a mamana markato a niga bate atei susul sile miou e Sunahan.

Kolosi 2:19

Nori e ka halhal baner e Kristo. Nonei u baku te hakuiena u tuenrei, te haharuei nena a hun katuun i tanen. Aragi ka hoboto talasi bate hiatagtaguhu nera tegi hamana hatagala uu ra tara pöata te haka pute ria ra a peisarara tere Kristo. Aragi mar niga susul uu te ngil uana e Sunahan.

Kolosi 3:14

Na tara mamanaka teka, alimiou go hatagaleiam u ngilina tara mamanaka a niga. A markato teka e las gögono haniga rena a manka hoboto ba nori te ka haniga hoboto nitöar.

Kolosi 4:3

Na limiou go singo sil has ramoulam be Sunahan te kalatena a maroro tego habulungana menai lam u raranga i tanen bate hatei nem u bulungana tere Kristo, te mous i manasa. Taraha, nonei a ka te karabus sile gulia.

Kolosi 4:8

Nonei koru a ka te hala sil megien lia i tamilimiou ba nonei te hatei ranoui limiou ime te marka uamu lam, bate kato hasasaala ranou limiou.

1 Tesalonaika 1:5

Taraha a pöata tu hala naia lam u Bulungana u Niga i tamilimiou, alam uma ranga papala ii. E möa. A nitagala tere Sunahan na u Namnamei u Göagono i tanen e taguhema u raranga i tamulam, na e haröto hasiin u raranga i tamulam e manana. Alimiou e atei silemiou a markato a niga i tamulam e taguhu has raiou limiou ba limiou te hamana miou.

1 Tesalonaika 3:2

Ba tara markato tala teka ba lam e tula namula e Timoti a hahatoulana i tarara te kui gono mera noulam tara toukui te habulungana menari u Bulungana u Niga tere Kristo. Nonei e la silela tegona hatagala meraien limiou na tegona kato hatagala menien u nihamana i tamilimiou.

1 Tesalonaika 5:14

Na lam e hatei hatagala has ramou limiou go ranga meraiam u katuun u karous egi kukui pouts. Kato ha ongolo pouts raiam u katuun te matoutur, bate taguhu ramiou u katuun tema tagalari. Na limiou goma ranga sisi memi a tana katuun.

1 Timoti 3:16

Na ra hoboto e hia hanhaniga ner u lotu i tarara e ka mena a mamanaka a niga koru te haröto halakasa ner: E Kristo e butun Katunuma. U Namnamei u Göagono e harötein te matskö uanen. U angelo i tareien. U katuun i habulungana naien turu han hoboto. U katuun e hamana uaier i tanen. E Sunahan e lu pouts menaien i Kolö.

Hibru 10:22

Aragi la hasukusuku tala uu tere Sunahan. Na ragi hakats hamanaia i torirara bate hamana hatagalara. Na torirara ega gogoso bate moana ta man markato ta man omi tegi hasagohi ra, na tuenreirara i galuseia turu ramun u gogoso koru.

Hibru 6:11

Na lam e ngilem alimiou a man tötöa ego markato haniga noahas uaiam teka, antunana te butu hamana noa romana a manka te hamana silemi limiou.

2 Pita 1:10

E markato uana teka, a matsi hahatoulana, alimiou go kato hatagala sileiam tego kato mena milimiou a man markato a man niga te haröto nena e Sunahan, nonei e ngö hamana raiou limiou me hopö kap ranou limiou. Te markato uamou limiou teka, alimiou ema antunan rus ba namoien.

2 Pita 1:3

Tara nitagala pan i tanen nonei e hala raira a mamanaka te hantuna ranou ra tegi kato menai ra a markato a niga i tanen. Nonei e taguhu mera neira te atei sil mena reien ra, na te atei sil mena reira nonei te ngö meraira tegina lu gono menaien ra a nikapan na niniganiga hamatskö i tanen.

2 Pita 3:18

Kaba limiou u katuun ego tagalaiam bate atei silemiou a Tsunono i tarara e Iesu Kristo te lupouts raioura bate hitaguhuna i tarara. Aragi solo sei nitöa naien i romana na tara mamana pöata i murimuri. U mana. Nonei talasi. Alia e Pita

1 Jon 3:19

Na te markato tala uarara teka, bara te atei silera ara u katunura turu ranga u mana. Kaba pöata te hakats tuun rara bate poeiera, “Alia e kato homigu,” aragi hakats kapiin a ka teka: e Sunahan e roron taatagi rena u katuun na nonei e atei silena a mamanaka hoboto.

1 Jon 5:7

Nori a topisa i habulungana hobotein u raranga i tanen,