Kolosi 1:9 - U Bulunagana U Niga

^9-10 Nonei koru a ka, te taniama tara pöata tu hengo naien limiou, alam uma hanöan singo sil rai limiou, tu rangata menai lam e Sunahan ega hatuts raiou limiou bate atei haniga sile miou u ngilngil i tanen. Alam u singo sil hasi tega hala menai u Namnamei i tanen u hakhakats u niga, ba limiou te antunan kato uamou temar ngil uana a Tsunono bate kato hasasaale men. Ba limiou te katoe mou a mamana markato a niga bate atei susul sile miou e Sunahan.

Kolosi 1:9 Iomraidhean Croise

U Bulungana u Niga tere Iesu Kristo te kolotein e Jon 7:17

A katuun te ngilin kukuteiena u raranga tere Sunahan e atei sil peise nou u hihatuts teka e la nama tere Sunahan tsi e la peisa nama i tar.

Aposol 12:5

Pöata te kaia e Pita tara karabus, u kristen i singo hatagala sileien tere Sunahan.

U pas te koloto menai e Pol turu kristenira i Rom 12:2

Alimiou goma kukutiemi a markato tara han i puta teka. E möa. E Sunahan e ngilin hala ranei limiou u hakats u tsimus bate habiritsena a torimilimiou ba limiou te atei sile mou u ngil tere Sunahan bate hanigei men, a ka te nigana na ka te sasaala mena e Sunahan na ka te matskö nitöana.

1 Korin 1:5

tara mar maroro te habulungana mena milimiou u raranga tere Sunahan, na temar atei sil menari a niatei tere Sunahan na man raranga i tanen.

Epesis 5:10

Na limiou go torohanan atei sileiam a ka te haniga korue nou a Tsunono.

Epesis 5:17

Alimiou goma kato here rami u katuun u tutu, kaba limiou go torohanan atei sileiam a ka te ngilena e Sunahan.

Epesis 6:6

Alimiou goma tatei kui sil tuun nemi a toukui teka tegi haniga merai limiou u katuun te pepeito kap rariou limiou. E möa. Kaba limiou go kui memien u tori u niga bate kukutie miou u ngilngil tere Sunahan.

Pilipai 1:4

Na te singo sil meragi lia limiou tara mamana pöata, bate singo megu a nisasaala.

Kolosi 1:6

U Bulungana u Niga teka e kato haniga rena u katuun bate kato hasasaala ranen, bate la uana tara mamana han hoboto. Te kato has uaien i gusu milimiou tara pöata ti hengo tutuun namia limiou a nihitaguhu tere Sunahan me atei sil haniga korue men.

Kolosi 3:16

U raranga tere Kristo ega ka nitöaia i torimilimiou bate hatakuieiena a mamanaka a niga. Hatuts rami u katuun a mamana niatei a niga ba nori te kukutie ren. Ba limiou te kömemiou u sam na u köman lotu na u köma te hatakeiena u namnamei u göagono i torimilimiou. Tara pöata te köma mia limiou, ba torimilimiou te haniga has uana tere Sunahan.

Kolosi 4:12

Epapras e hala has mena nei u hanhaniga i tanen i tamilimiou. Nonei e pala has uana i tamilimiou na nonei a katunun kui has tere Iesu Kristo. Nonei e singo hatagalan töa sil ranou limiou, ba limiou te katoe miou a ka te ngilena e Sunahan.

Kolosi 4:5

Hatara naiam a markato a niga na matskö te ka gono mera milimiou u katuun tema hamanari. Hahanei sil nitöa neiam a man pöata a man niga ba limiou te hatei ramien e Iesu.

1 Tesalonaika 1:3

Pöata te singo mialam tere Tamarara e Sunahan, alam ema mala solopalemi te hamana haniga uami limiou na te kato haniga has uami limiou. Na lam ema solopala hasemi te ngil mera milimiou a palair u katuun bate taguhu ramen. Na te hamana hatagala uami limiou tena la pouts nama romana e Iesu Kristo a Tsunono i tarara.

1 Tesalonaika 5:17

Singo hatagala nitöa uaiam tere Sunahan.

2 Tesalonaika 1:11

Ba lam te singo nitöa bera moulimiou. Alam e singo silem e Sunahan te hopö kap raiou limiou e tatei haniga ranou limiou, bate hala ranei limiou a nitagala tego kato memi limiou a ka a niga hoboto te ngilin katoe milimiou, na tego hakapa haniga mena milimiou a toukui te hamane milimiou be Sunahan te taguhu ranou limiou.

Pilimon 1:4

Tara man pöata te singo sile gia lia alö tere Sunahan, alia e haniga uagu i tanen.

Pilimon 1:6

Alia e singo silegu u nihamana te hiararanga nerara ega hale ii lö ta niatei pan tara mamanaka a niga te la nama tara solona e Kristo.

Hibru 10:36

Alimiou go hamana hatagala koruiam bate kukute miou u ngil tere Sunahan ba limiou te lue miou a ka a niga te ranga hamana naien.

Jemis 1:5

Te möa na ta töa i tamilimiou tu hakhakats tu niga, nonei ego singo nitöa uu tere Sunahan be Sunahan te hale nen. Taraha, e Sunahan e tangana koru rena u katuun hoboto na ema lohale noi ta katuun te singo uana i tanen.

Jemis 3:17

Kaba a torina a katuun te kamena u hakats u nigana iasa e gogosona bate roron nolo pouts has rena a palai te hiaraharahar. Nonei a katuun a kakamoto na e hahengona tara tana katuun. Nonei e taatagi koru silena a katuun na e ka mena a markato a niga. Nonei e atei silena ime tega markato uaien, na nonei ema gamoe nei a tana katuun.

1 Pita 2:15

Taraha, e Sunahan e ngilena alimiou go kato hanigaiam bate kato hakakamoto remiou u katuun u tutu te roron ranga homi rariou limiou.

1 Pita 4:2

Te markato tala uanen teka ba limiou tema tatei kato lenemi a markatona turu ngilngilina i puta. E möa. Na turu mamana u lan alimiou go markato las uaiam temar ngil uana e Sunahan.

1 Jon 2:17

A markato na u ngilngil u omina i puta e tia hobotona romana, kaba a katuun te kukuteiena u ngilngil tere Sunahan e töatöa nitöana romana.

1 Jon 5:20

Ara e atei silera a Pien Tson tere Sunahan e la silema i puta tegomi hala meraien ra a niatei tegi tatei atei sil menai ra e Sunahan hamana. Ara e ka gono mera e Sunahan hamana na e Iesu Kristo a Pien Tson i tanen. Nonei a Sunahan hamana teka, na a katuun te pala uana tara Pien Tson i tanen e ka mena a nitöatöa te ka nitöana.