Kolosi 1:7 - U Bulunagana U Niga

⁷ E Epapras te hatuts railimiou u Bulungana u Niga, a tsi katunun kui papala i tarara te kui gono mera noulam bate taguhu ranoulam tara toukui tere Kristo te katoe mulam.

Kolosi 1:7 Iomraidhean Croise

Matiu 18:29

Ba hahuol i tanen e tuhopö nena i matanen ba e ranga hataatagi tori koruna i tanen me poeiena, ‘Alö go hahaloso noa bum balia te palis poutse gou a haroho i tamölö.’

Matiu 24:45

Be Iesu e pei lelena, “Esi nonei ta katunun kui ta atei te tatei kato hanigan töa nena a toukui tanen? A Tsunono te tatei hataratara kap nanei a katuun teka a palair u katunun kui i tanen tega hala meraien a kannou i taren tara pöata hamatskö.

Matiu 25:21

Ba katuun pan i tanen e poeiena, ‘E niga nitöana, alö a tson pepeito kap hamana na lö u kato hanigan töani a toukui i tamölö. Alö u tara kap haniga koruni a matsi topisa koru a mats ka, na lia e ha taratara kap tala nagi lö a mamanaka a pannen. Tasu hongo tala uu tara nisasaala tara katuun pan i tamölö!’

1 Korin 4:17

Na lia e hala menagi e Timoti i tamilimiou, a pien tson a tsomi koru i tar te ngil korue gulia na te hamana gono menou lia tara Tsunono bate tara kap haniga nena a toukui tara Tsunono. Nonei ena hatei lel ranoui limiou a markato i tar te kukute mena gilia e Kristo, te hatuts has nagia lia turu katuun hoboto tere Kristo tara mamana han.

1 Korin 4:2

Kaba a toukui teka e ngilena a katuun a hihipakoko na katuun te hamana uana tere Sunahan na te kukuteiena u raranga i tanen.

1 Korin 7:25

Alia u möa tu ranga tu tagala tara Tsunono te hatei nena u katuun u tabuna hitöl. Kaba a Tsunono e taatagi nanou lia bate hamane noulia. Na lia e hatei ragi limiou u hakats i tar.

2 Korin 11:23

Nori u katunun kui tere Kristo? Bara, alia e ranga heregi a katuun a tutu. Ga lia a katunun kui te niga bala ragen. Tara, alia u kui hatagala bala raien na lia u ka haparaia tara karabus. Alia i singateiou a para pöata, na u roron mate karasa has.

Epesis 5:21

Alimiou go haröto naiam te hapan mena milimiou e Kristo ba limiou te haka putemiou a peisa milimiou.

Pilipai 2:25

Kaba lia e hakats negu e hahankana tegi hala mam pouts menai e Epaprodaitus i tamilimiou. Nonei a hahatoulana i tarara ti hala nemuma limiou tegomi taguheiou lia. Nonei e kui hatagala gono meiou lia turu Bulungana u Niga.

Kolosi 4:12

Epapras e hala has mena nei u hanhaniga i tanen i tamilimiou. Nonei e pala has uana i tamilimiou na nonei a katunun kui has tere Iesu Kristo. Nonei e singo hatagalan töa sil ranou limiou, ba limiou te katoe miou a ka te ngilena e Sunahan.

Kolosi 4:7

E Tikikus e toularara ena hatei ranoui limiou aha te katoe gulia. Nonei a katuun hamana te kui gono mera noulam tara Tsunono.

Kolosi 4:9

Na lia e hala gono megoien e Onesimus e toularara a niga koru te pala has uana i tamilimiou, nonei e la gono menou e Tikikus. Nori ena hatei raroui limiou a mamanaka te butuna teka.

1 Timoti 4:6

Te hatara namoua lö a manka teka turu hahinamölö na u toulamölö, alö a katunun kui a niga tere Iesu Kristo, e kato hatagale moilö a peisamölö na u rarangana tara nihamana turu hihatuts u niga te kukutie mölö.

2 Timoti 2:2

Na lö go hala hasiin u raranga tu hengoeia lö i tar i matar u katuun u para, turu katuun te hamana remölö, ba nori te tatei hatuts has raier a palai.

Pilimon 1:23

E Epapras e hala nanou u rangan haniga i tanen i tamölö. Nonei e ka gono menou lia tara karabus te kato menaien a toukui tere Iesu Kristo.

Hibru 2:17

Na e matsköna te butu here meraien u toulanen tara mamana markato bate töan luena a toukui tara tsunono pan turu pris te taatagi rena u katuun bate roron kui haniga beiena e Sunahan. Nonei e kato sile ii a ka teka tega luba menaien a man markato a man omi turu katuun bate tara pouts bera neien e Sunahan.

Hibru 3:2

E Iesu e kukute hanigei e Sunahan te hopö kap naien tara toukui teka, te markato haniga has menai e Mosis a toukui i tanen i gusuna u katuun tere Sunahan.