U Bulungana u Niga tere Iesu Kristo te kolotein e Jon 9:1 - U Bulunagana U Niga

¹ E Iesu e tataala me tareiena a töa katuun a matakiou, e tsinanen e posa noa meien u mata u kiou.

U Bulungana u Niga tere Iesu Kristo te kolotein e Jon 9:1 Iomraidhean Croise

Matiu 20:30

Ba huol a katuun a matakiou te gum talaria i rehina kalana me hengoer te la karasa uu e Iesu ba nori e kur me poeier, “O Tsunono a Hatutubunei tere Devit! Alö go taatagi ramou lam!”

Matiu 9:27

A pöata te la ba naia e Iesu a han teka, ba huol a katuun a matakiou e kukutie ren me ku hapanir me poeier, “A Hatutubunei tere Devit alö go taatagi ramou lam!”

U Bulungana u Niga tere Iesu Kristo te kolotein e Mak 9:21

Be Iesu e rangatena e tamana a pien tson, “I hangisa te taniaia a markato teka i tanen?” Ba e tamanen e poeiena, “Te tetenei noaien.

U Bulungana u Niga tere Iesu Kristo te kolotein e Luk 8:43

Na töa tahol e kaia i gusuren te posa nitöan u rahatsing e antunaia turu maloto na u huol u hiningal. Nonei e hala hakapein u moni i tanen turu dokta, na e möa ta töa tega antunan kato haniga poutseien.

U Bulungana u Niga tere Iesu Kristo te kolotein e Jon 5:5

A töa katuun te kaia teka e solon kamei a siki e antunaia turu 38 u hiningal.

U Bulungana u Niga tere Iesu Kristo te kolotein e Jon 8:59

Pöata ti hengoeien u ranga teka ba nori e lueier a man hatu me katsin tieri ien e Iesu. Kaba e Iesu e hamousi a peisanen me lakasa ba nena a Luman Lotu Pan.

U Bulungana u Niga tere Iesu Kristo te kolotein e Jon 9:2

Ba u katunun tsitsilo i tanen e rangatar, “Tson Hihatuts, esi te kato homi ba matanen e kiouna? Nonei, tsi e tsinanen tsi e tamanen?”

Aposol 14:8

Tara taun i Listra a töa katuun a mou omi e gum. I posa noahas mei a mar niomi teka na nonei ema mala tataala ii.

Aposol 28:4

Pöata ti tareia u katunura tara tolo teka a kökötsi e kuteia i limana e Pol, ba nori e hiararangar me poeier, “A katuun banei teka a hihipuli romana. Nonei e katosabe nama i tasi, kaba a got na tara hipou e hapiou nena tega töatöa uaien.”

Aposol 4:22

Taraha, a katuun te butu ia u mirakol teka e kamei u tohats u maloto u hiningal, nonei e lan tsonpan hamanasa.

Aposol 9:33

Ba nonei ena sabeiena a töa katuun a solonen e Ananias, a matekata, e opöia tara holholasa e antunaia turu töal u hiningal.