U Bulungana u Niga tere Iesu Kristo te kolotein e Jon 8:44 - U Bulunagana U Niga

⁴⁴ E tamamilimiou e Satan, alimiou e ngilin katoemiou a ka te ngile nen. Nonei a katunun a hihipuli noana i manasa, na ema tuol neia tara nimana, taraha e moa ta nimana i tanen. Na pöata te gamo nen, nonei e kukutiena a markato noahas i tanen, taraha nonei a gamogamo na nonei a mouna u mamana u gamo hoboto.

U Bulungana u Niga tere Iesu Kristo te kolotein e Jon 8:44 Iomraidhean Croise

Matiu 12:34

Alimiou u katuun tara kökötsi. Ime te tatei mar ranga mena milimiou a manka man niga te katuun omi uamilimiou? A ka te kana turu tori, u rung te ranga halakasa nanen.

Matiu 13:15

Be Sunahan e poeiena, U katuun teka a man tui i taren e tupu hakapa. Na man talinga i taren ema antunan hengo korunei, na nori e hasoheier a mataren. Taraha, a mataren e namots tarana, na talingaren e namots hengona, ne na mots ateir. Nori ena mots habirits uarima i tar balia te kato haniga ragen.’

Matiu 13:38

Na kui e here nei u han hoboto i puta. Na man ngal a man niga e here nei u katunura tara Nipepeito tere Sunahan. Na u pulung u omi e here nei u katuun tere Satan.

U Bulungana u Niga tere Iesu Kristo te kolotein e Jon 6:70

Be Iesu e ranga palis ranen me poeiena, “Alia u hopö kap riou limiou a maloto na huol a katuun. Kaba a töa i tamilimiou a katuun tere Satan.”

U Bulungana u Niga tere Iesu Kristo te kolotein e Jon 7:17

A katuun te ngilin kukuteiena u raranga tere Sunahan e atei sil peise nou u hihatuts teka e la nama tere Sunahan tsi e la peisa nama i tar.

U Bulungana u Niga tere Iesu Kristo te kolotein e Jon 8:38

Alia e hatei negu a man raranga te hatei hakape melia e Tamar. Kaba limiou e kukute miou a man raranga turu tamamilimiou.”

U Bulungana u Niga tere Iesu Kristo te kolotein e Jon 8:41

Alimiou e markato koru las uamiou te markato uar u tamamilimiou.” Ba nori e poeier i tanen, “Alam ema pikeilatu mi. Alam e ka mem a töa tamamulam, nonei e Sunahan.”

U Bulungana u Niga tere Iesu Kristo te kolotein e Jon 8:55

Alimiou ema atei silemi e Sunahan, kaba lia te atei sile gen. Sanena alia go pei, ‘Alia ema atei sile gien,’ ba lia te gamogamo here has ragi limiou. Kaba alia e atei silegu e Sunahan na lia e kukute hasegu u raranga i tanen.

Aposol 24:9

U Jiu has i taguhe ien me saka menari u ranga tere Pol. Nori i ranga hatei hoboto me poeier, “A man raranga hoboto teka e manana.”

Aposol 5:3

Be Pita e poeiena i tanen, “O Ananias, aha tu hengo sile ii lö u hiamus tere Satan balö te gamoeiem u Namnamei u Göagono? Alö u pile kap pouts sil nai a hapalana moni ti hole ii u tsiktsiki, aha?

2 Korin 11:3

Kaba lia e matoutegu, alimiou ena mots heremi e Eva te hengo sila nai u gamo tere Satan a kökötsi, batema hakats sil lenemi e Kristo puku lahas a töa.

1 Pita 5:8

Alimiou go hakats haniga mia i peisamilimiou, na ego haneiam! Taraha, u pakö i tamilimiou e Satan e roron hula lana bate sakeiena ta katuun tega kato homien. E here nei a laion te hula ngala lamena te sake menaneien ta ka ta töatöa tega noueien.

2 Pita 2:4

E Sunahan ema taatagi rai u katuun u omi i manasa, na nonei ema tatei taatagi has ranei romana u tson hihatuts u gamogamo teka. Nonei ema taatagi has rai u angelo ti kato homi. E möa. Nonei e lapo ba raien i hel me haka ranen tara man kiou a man kuhil koru i puta e antunana te butuna romana u lanin hahuna.

1 Jon 1:8

Na te pei mena reira ara ema ka merei ta markato ta omi, ara e gamoera a peisarara, na u raranga u mana ema ka neia i torirara.

1 Jon 2:21

Alia ema poeiegi alimiou ema atei silemi a manka te manana, ba lia te koloto uagu i tamilimiou. E möa. Alia e koloto uagu i tamilimiou taraha alimiou e atei silemiou a manka te manana, na limiou e atei sil hasemiou e möa ta töa ta ka ta gamo tega tatei butuma tara manka te manana.

1 Jon 2:4

Na te poeiena a katuun, “Alia e katuun hamana uagu tere Sunahan,” kaba nonei ema hengoe neien, nonei a katuun a gamogamo na u raranga u mana ema ka neia i torinen.

1 Jon 3:12

Ara gima here ii e Kein nonei e pala uu tere Satan, ba nonei e atung hamateiena e toulanen e Ebol. Nonei e atung meien a markato i tanen e omi ba markato tere Ebol te matsköna.

1 Jon 3:15

A katuun te paköeiena u toulanen e here nei a katuun a hihipuli. Na alimiou e atei silemiou a nitöatöa te ka nitöana ema ka neia tara katuun a hihipuli.

U pas te kolotein e Jut 1:6

Na u angelo tima tuol ia iahana nipepeito te halarien e Sunahan, ba nori te hipus ba ner a han i taren i Kolö, e Sunahan e kits kap raien a man tsien, be haka ranen tara makum a kuhil koru e antunana turu lanin hahuna pan.

Revelesin 12:9

Ba kökötsi na u angelo hoboto i tanen e lapo ba merarumei i puta. Nonei noa has a kökötsi na i manasa e Satan, a liliahanei a omi te gamogamo rena u katunura i puta.

Revelesin 13:14

Nonei e gamoer u katuun ti kaia i puta a man mirakol te katoeien i matana a ka tutuun a töatöa. Na hahuoluna a ka e ranga mer u katuun i puta tegi kui menaien u kesa te mata here ii a ka tutuun ti ngats hamati kaba e töatöa pouts.

Revelesin 2:10

Möa tu matouteiam a nikamits na u tori tiama te sagohe mou limiou. Hengoiam. E Satan ena haka ranoua limiou tara karabus ba limiou te torohana rariou. A niomi teka e antunana romana turu maloto u lan. Kaba limiou go tagala sil noa hase moulia, antunana tara pöata te atung hamate rarouen limiou, ba lia te hala ragoui limiou a nitöatöa hamana.

Revelesin 21:8

Kaba u pata bulbulu, na pala te hahamanar, na u katuun te hakats homir, na u hihipuli, na u tsiktsikolo na u lulu tson, na u matmatuna, na u gamogamo na u katuun te hatsunoner u kesa, a han i taren e kana romana iahana kiou pan te kulupuna u tula u ahiin u hiski koru. A ka teka nonei a hahuoluna tou mate.”

Revelesin 22:15

Ielesala tara taun te ka ria u mar katuun teka: u katuun u omi, na u matmatuna, na u tsiktsikolo na u lulu tson, na u hihipuli, na u katuun te hatsunoner u kesa, na u katuun hoboto te gamogamor na te kukutier u raranga u gamo.

Revelesin 9:11

Na tsunono i taren nonei a angelo tara kiou te möa ta nönöanen. A solona angelo teka turu HaHibru e Abadon, na turu HaGrik e Apolion. A mouna solonen e markato uana teka, A katuun te kato hohomiena a mamanaka.