U Bulungana u Niga tere Iesu Kristo te kolotein e Jon 7:14 - U Bulunagana U Niga

¹⁴ A kannou e solon la hagusgusuna noa be Iesu e la uana tara Luman Lotu Pan ba nonei ena tanian hatuts rena u katuun.

U Bulungana u Niga tere Iesu Kristo te kolotein e Jon 7:14 Iomraidhean Croise

Matiu 21:12

Be Iesu e lauana tara Luman Lotu Pan mena tsuga rena u katuun ti hahol ia tara makumun lotu. Ba nonei e tula halakoponena u tebol turu katuun ti palpalisiin u moni na man gumgum turu katuun ti haholin a man kulu.

Matiu 26:55

Be Iesu e poeiena turu katuun u parpara koru, “Alimiou e la memuma a man lahoton hiatatung na man baru tegomi pile kap here memilia a katuun a hihiatung na kopkop. Ga taraha, ba limiou tema pile kap nami lia turu mamana u lan ti ron hihatuts ialia iahana a Luman Lotu Pan.

U Bulungana u Niga tere Iesu Kristo te kolotein e Luk 19:47

E Iesu e hihatuts ia tara Luman Lotu Pan turu mamanu lan. Ba u pris pan na u tson hihatuts tara Lo na pal kapan turu Jiu e ngilin atung hamate naren.

U Bulungana u Niga tere Iesu Kristo te kolotein e Jon 18:20

Be Iesu e poeiena i tanen, “Alia u roron rangaia i matar u katuun. Na lia u roron hihatutsia tara man luman lotu a man tetenei na tara a Luman Lotu Pan, a man makum ti roron gono hobotoia u Jiu. Alia uma ranga hamousi.

U Bulungana u Niga tere Iesu Kristo te kolotein e Jon 5:14

Ba i murinen be Iesu ena sabiena a katuun teka iahana a Luman Lotu Pan me poeiena i tanen, “Tara, alö e niga pouts talam. Alö goma katokato lelei ta markato ta omi bate möa nou ta ka ta omi koru tega butuia i tamölö.”

U Bulungana u Niga tere Iesu Kristo te kolotein e Jon 7:2

A pöata tara Kannouna tara Taluhu e sukusuku hamanasa.

U Bulungana u Niga tere Iesu Kristo te kolotein e Jon 7:28

Be Iesu e ranga hapan koru mena te hihatuts uen tara Luman Lotu Pan be poeiena, “Alimiou e poe hamana korue miou alimiou e atei sile moulia na ime tu la malia? Alia uma la peisa memei u ngil i tar, kaba esi te haleie moulia te manana, kaba limiou ma atei sile mien. Alia e atei sil megien. Taraha, alia u lama i tanen na nonei e tula namoulia ba lia e laguma.”

U Bulungana u Niga tere Iesu Kristo te kolotein e Jon 7:37

Turu lan te kapaia a kannou, nonei u lan u kapan koru. Ba e Iesu e tuoluna me ranga hapan koru uana turu katuun me poeiena, “Te maka mia lö, la uama i tar batemi uam.

U Bulungana u Niga tere Iesu Kristo te kolotein e Jon 8:2

Tara bongbong koru ba nonei e la pouts uana tara Luman Lotu Pan. Ba u katuun e gono hoboto ua rima i tanen ba nonei e gumuna me tanian hihatutsna i taren.

U Bulungana u Niga tere Iesu Kristo te kolotein e Jon 8:20

E Iesu e mar hihatuts uu teka tara Luman Lotu Pan i rehina a makum te hakeria a moni. Kaba e möa ta katuun tega pile kap naien, taraha a pöata i tanen ema butu noua ii.