U Bulungana u Niga tere Iesu Kristo te kolotein e Jon 7:1 - U Bulunagana U Niga

¹ Ba i murinen be Iesu e hula lana iahana a provins i Galili. Nonei ema ngilin lauai tara provins i Judia, taraha a pal kapan turu Jiu i Judia i sake lan ta maroro tegi mar atung hamate sila menaien.

U Bulungana u Niga tere Iesu Kristo te kolotein e Jon 7:1 Iomraidhean Croise

Matiu 10:23

Na te kato homi raroa limiou tara töa taun, ba limiou te bus uamiou tara taina taun. Alia e hatei hamana nitöa ragou limiou, alimiou ema hakapa noa hase moi a toukui i tamilimiou tara mamana taun hoboto i Israel, ba lia tu butun Katunuma te la pouts guma romana.

Matiu 21:38

Ba pöata ti tareien a pien tson teka ba nori e poeier, ‘A pien tson tara katuun terena kui teka te lue nou a kuin grep. Aragi atung hamateien, bara te lue rou a kui i tanen!’

U Bulungana u Niga tere Iesu Kristo te kolotein e Mak 11:18

Pöata ti hengoia u pris pan na u tson hihatuts tara Lo, nori i sakesake noahasi ta maroro tegi mar atung hamate menaien e Iesu. Nori i matouteien, taraha u katuun hoboto i asingotein a manka te hihatuts naien.

U Bulungana u Niga tere Iesu Kristo te kolotein e Jon 1:19

Turu töa u lan a pal kapan turu Jiu i Jerusalem i hala mera mei u pris na u Livai tere Jon. Ba nori e rangate ren me poeier, “Alö esi? Alö e Mesaia tega la uama i puta?”

U Bulungana u Niga tere Iesu Kristo te kolotein e Jon 4:3

Ba nonei e laba nena a provins i Judia me la pouts uana tara provins i Galili.

U Bulungana u Niga tere Iesu Kristo te kolotein e Jon 4:54

Nonei u hahuoluna u mirakol te katoeia e Iesu tara provins i Galili i murina te laba namen i Judia.

U Bulungana u Niga tere Iesu Kristo te kolotein e Jon 6:1

I murinen be Iesu e la pouts uana i hapalana a Ramun a Perperere i Galili, te ngö haseri i Taibirias.

U Bulungana u Niga tere Iesu Kristo te kolotein e Jon 7:11

U Jiu i sake la naien tara kannou me poeier, “Ime te ka nen, alimiou e tara hase mula e Iesu?”

U Bulungana u Niga tere Iesu Kristo te kolotein e Jon 7:13

U katuun ima ranga halakasa nai a solona e Iesu turu katuun hoboto taraha, nori i matoutir a pal kapan turu Jiu.

U Bulungana u Niga tere Iesu Kristo te kolotein e Jon 7:19

E Mosis e hala rai limiou a man Lo tere Sunahan. Kaba e möa ta töa i tamilimiou tega kukutie a man Lo teka. Aha te sake silemi limiou ta maroro tego mar atung hamate memi limiou alia?”

U Bulungana u Niga tere Iesu Kristo te kolotein e Jon 7:25

Ba palair u katuun ti kaia i Jerusalem e rangar me poeier, “A katuun teka te ngilin atung hamate ner?

U Bulungana u Niga tere Iesu Kristo te kolotein e Jon 7:35

Ba pal kapan turu Jiu e hiarangrangatar me poeier, “Ime te katsin la uana a katuun teka bara tema tatei sabie roien? Nonei e katsin la toum uana turu Jiu te ka kalakala ria turu han i lehana batena hatuts ranoien na u katuun has tema Jiu ri.

U Bulungana u Niga tere Iesu Kristo te kolotein e Jon 8:37

Alia e atei silegu alimiou u tuhanama tere Abraham. Kaba limiou e ngilin atung hamate noahase moulia, taraha u raranga i tar emoa ta makum i tanen i torimilimiou.

U Bulungana u Niga tere Iesu Kristo te kolotein e Jon 8:40

Alimiou e katsin atung hamatie moulia. E Abraham ema markato uai teka. Alia e hatei ragu lei limiou u ranga hamana tu hengoe malia tere Sunahan.

Aposol 10:38

E hatei nena e Iesu na i Nasaret. E Sunahan e hale meien u Namnamei u Göagono na nitagala has. Nonei e tataala bate taguhu rena u katuun na nonei e kato haniga pouts hasir u katuun hoboto ti ka mei a siki na u katuun te pile kapir e Satan, taraha e Sunahan e ka gono meien.