U Bulungana u Niga tere Iesu Kristo te kolotein e Jon 6:71 - U Bulunagana U Niga

⁷¹ Nonei e rangein e Judas a pien tere Saimon Iskariot. E manana, nonei a töa tara maloto na huol a katunun tsitsilo tere Iesu, kaba nonei tena harötein e Iesu turu katuun ti korupakö naien.

U Bulungana u Niga tere Iesu Kristo te kolotein e Jon 6:71 Iomraidhean Croise

Matiu 10:2

Nonei teka a man solo tara maloto na huol a aposol tere Iesu: E Saimon ti ngö hasei e Pita. Ne Endru e toulana e Saimon. Ne Jemis a pien tson tere Sebedi. Ne Jon e toulana e Jemis.

Matiu 10:4

ne Saimon a toun Silot, na e Judas Iskariot a katuun te harötein e Iesu turu katuun ti paköeien.

U Bulungana u Niga tere Iesu Kristo te kolotein e Mak 14:10

E Judas Iskariot, a töa tara maloto na huol a katunun tsitsilo, e la uu turu pris pan, taraha nonei ena katsin harötein e Iesu i taren.

U Bulungana u Niga tere Iesu Kristo te kolotein e Jon 12:4

Kaba e Judas Iskariot, a töa has a katunun tsitsilo tere Iesu na nonei has tena haröto nanou e Iesu turu pakö i tanen, e poeiena, “U uapi teka e antunana tara 300 denarius. E gi mala haholin bate lue ri ta moni egi hala rai u katuun ti möa ta moni.”

U Bulungana u Niga tere Iesu Kristo te kolotein e Jon 13:2

A ka e lahi hakapa ba nori e nour, kaba e Satan e haka hakapeia u hakhakats tere Judas Iskariot a pien tere Saimon tego haröto menaien e Iesu turu katuun ti paköe ien.

U Bulungana u Niga tere Iesu Kristo te kolotein e Jon 13:26

Be Iesu e poeiena, “Alia e habue go a tsi taposen beret bate hale goien a katuun teka.” Ba nonei e habuena a tsi taposen beret me hale neien e Judas, a pien tere Saimon Iskariot.

U Bulungana u Niga tere Iesu Kristo te kolotein e Jon 2:2

E Iesu na u katunun tsitsilo i tanen i ngö has merai nonei tara hitöl teka.

U Bulungana u Niga tere Iesu Kristo te kolotein e Jon 20:24

E Tomas, nonei a töa i tamulam a maloto na huol ti ngö hasei “e Didimus,” ema ka gono merai lam tara pöata te lama e Iesu.

U Bulungana u Niga tere Iesu Kristo te kolotein e Jon 6:64

Kaba palair u katuun i gusumilimiou e hahamana noar.” E Iesu e atei sil mam noa hasir u katuun ti hahamana naien, na esi tegana hala naien turu katuun ti korupakö naien.

U Bulungana u Niga tere Iesu Kristo te kolotein e Jon 6:70

Be Iesu e ranga palis ranen me poeiena, “Alia u hopö kap riou limiou a maloto na huol a katuun. Kaba a töa i tamilimiou a katuun tere Satan.”

Aposol 2:23

A katuun teka i hala rai limiou, e kukute noahasena a man hakats tere Sunahan te kato mam noahaseien i manasa, ba limiou e kato hamatie men, taraha alimiou u tagala sileiam u katuun u omi gi nila naien tara kuruse.

U pas te kolotein e Jut 1:4

Taraha, a palair u katuun u omi i mous ma i gusu milimiou. U mar katuun teka i tus merai turu mar nihahuna te ka noua turu kout tere Sunahan, ba nori tena tia riou, ti mar ranga uu propet tere Sunahan. Nori e roron paliseier u raranga u niga tere Sunahan bate katoerien u rarangana tara markato a omi. U katuun teka e roron tori tsuga naier a töa puku a Tsunono i tarara, e Iesu Kristo.