U Bulungana u Niga tere Iesu Kristo te kolotein e Jon 4:48 - U Bulunagana U Niga

⁴⁸ Be Iesu e poeiena, “Tema tare mia limiou tu mirakol, alimiou ema hamana moui.”

U Bulungana u Niga tere Iesu Kristo te kolotein e Jon 4:48 Iomraidhean Croise

Matiu 16:1

Na tara pöata ti lama u Parasi na u Sadiusi tere Iesu. Ba nori e rangate rien tegi hatara meraien tu mirakol tego harötein a nitagala tere Sunahan.

Matiu 24:24

Taraha, u Mesaia gamogamo na u propet gamogamo e butur romana, ba nori te katoer romana u hiharöto u kapan na man mirakol. Tegi antuna uen, ba nori te gamo rer romana u katuun te hopökapir e Sunahan.

U Bulungana u Niga tere Iesu Kristo te kolotein e Mak 13:22

U Mesaia gamogamo na u katuun u gamogamo te ngöeroi a peisaren u propet tere Sunahan e butu riou romana. Ba nori te katoeriou u hiharöto pan na man mirakol, tegi antunan gamo meraien u katuun te hopö kapir e Sunahan.

U Bulungana u Niga tere Iesu Kristo te kolotein e Luk 10:18

Be Iesu e ranga palis ranen, “Aa, alia u tari e Satan e rus here mei u kanaha i Kolö.

U Bulungana u Niga tere Iesu Kristo te kolotein e Luk 16:31

Be Abraham e poeiena i tanen, ‘Tema hengoe roien u raranga tere Mosis na turu propet, nori ema hengo hase roi a katuun te mate bate töatöa poutsuna!’”

U Bulungana u Niga tere Iesu Kristo te kolotein e Jon 12:37

Nonei e mastein katoi u mirakol u parpara i mataren, kaba nori i hahamana noahas naien.

U Bulungana u Niga tere Iesu Kristo te kolotein e Jon 15:24

Sanena alia tuma katoei a man mirakol teka, tema katoei ta taina ta katuun i gusu ren, ba nori te tatei poeier, ‘Alam ema kato homi mi.’ Kaba nori i tara hakapa talei a man toukui i tar, ba nori e omie riou lia ne Tamar has.

U Bulungana u Niga tere Iesu Kristo te kolotein e Jon 2:18

Ba pal kapan turu Jiu e rangata seieren me poeier, “U saha u hiharöto te hatara nemölö te hatei nena alö e tatei markato uam teka?”

U Bulungana u Niga tere Iesu Kristo te kolotein e Jon 20:29

Be Iesu e poeiena i tanen, “Alö e hamana mem te tara mena milö alia. A nikalala pan turu katuun tima tarei lia kaba nori e hamana noa hasir.”

U Bulungana u Niga tere Iesu Kristo te kolotein e Jon 4:49

Ba tson tara gamman e ranga hataatagina me poeiena, “O Tsunono, alö go la boroboroma. A tsi pien i tar ena mots matena.”

Aposol 14:3

Kaba e Pol mere Banabas i kei a pöata a ngahangaha i Aikoniam, na nori i tagala mei ti hatei menaien u raranga tara Tsunono. Ba Tsunono e hatagala ranen ba nori e katoeier u mamana u mirakol. Tara ka teka, a Tsunono e haröto raien u rangan hitaguhu i tanen e mana koru.

Aposol 15:12

Ba u hagum e gumuna me hahengona turu raranga tere Banabas mere Pol ti hahatei menaien u mamana u mirakol te kato sila nai e Sunahan i taren i gusuna u katuun tema Jiu ri.

Aposol 2:19

Na lia te haröto nagou a man hiharöto iasa i kolö na manka te butu noua i puta turu tsiktsiki u rahatsing na u tula na u ruhu pan.

Aposol 2:22

“Alimiou u katunura i Israel, hengoeiam u raranga i tar. E Iesu na i Nasaret nonei a katuun te hopö kapiin e Sunahan. Na e Sunahan e haleien a nitagala ba nonei te katoeiena a man mirakol pan i matamilimiou, na manka teka e harötein te mana uana e Iesu. Alimiou e atei sile miou a ka teka, taraha nonei e butuia tara han teka.

Aposol 2:43

Ba u aposol e katoeier u mirakol u parpara, ba u katuun e matout korur.

Aposol 4:30

Alö go harötein a nitagala i tamölö bate kato haniga pouts rem u katuun te ka mer a siki, bate katoeiem u mamana mirakol tara nitsunono tere Iesu a katunun kui a Göagono i tamölö.”

Aposol 5:12

U aposol i katoi u mamana u mar mirakol i gusur u katuun. U katuun ti hamana i gono hobotoia tara makum te ngöeri a Luman Oho tere Solomon.

Aposol 6:8

E Sunahan e haniga korui e Stiven me hale neien a nitagala a kapan, nonei e katoe u mirakol e gono i gusur u katuun.

Aposol 7:36

E Mosis e kato u mamana mirakol i Itsip me lu halakasa ba ranei u katuun i Itsip. Ba nonei e katoena u mirakol turu tasi ti ngöei u Tasi u Rörö na u mamana u mirakol tara makum a palaka e antunaia turu 40 u hiningal.

1 Korin 1:22

Kaba u Jiu e ngilin tarer tu mirakol, na u katunura i Grik e sakeier ta niatei.

2 Korin 12:12

A pöata tu kaia lia i gusumilimiou, e Sunahan e harötein alia a aposol i tanen, te kato menaien u mamana u mar mirakol.

2 Tesalonaika 2:9

Kaba i mam, a katuun a omi teka e la gono menama romana a nitagala tere Satan, batemi katoe nou u mamana u mar mirakol na u hiharöts u gamogamo.

Hibru 2:4

Na e Sunahan e haröto hasiin te mana uana u raranga teka te kato menaien u mamana u hiharöto na u mirakol u parpara bate hala nena a man tötöa man nitagala turu Namnamei u Göagono e antunana turu ngilngil peisa i tanen.