U Bulungana u Niga tere Iesu Kristo te kolotein e Jon 4:21 - U Bulunagana U Niga

²¹ Be Iesu e poeiena i tanen, “Hengo, a pöata e la nama ba u katuun tema antunan hatsunone roi e Sunahan turu pokus, na i Jerusalem. E möa.

U Bulungana u Niga tere Iesu Kristo te kolotein e Jon 4:21 Iomraidhean Croise

Matiu 18:20

Na tegi gonoia a huol tsi a topisa a katuun tara solor, alia e ka gia i gusuren.”

Matiu 28:19

Bora, alimiou go la uaiam tara man hun katuun hoboto tara mamana han bate kato ramien u katunun tsitsilo i tar. Ba limiou te baptais ramen tara solona e Tamar na tara solor, a Pien Tson i tanen, na tara solo turu Namnamei u Göagono i tanen.

U Bulungana u Niga tere Iesu Kristo te kolotein e Luk 21:24

A palai e ngats hamate rari romana u kilatan hiatatung, ba palai te kits raier romana bate la merari tara man taina man han turu tsiktsiki i puta teka. Ba u katuun tema Jiu ri tena pita hohomier romana a taun i Jerusalem bate pile kap naren e antunana tega kapa uu romana a pöata turu katuun halhal teka.”

U Bulungana u Niga tere Iesu Kristo te kolotein e Jon 14:6

Be Iesu e poeiena i tanen, “Alia a maroro, na lia a nimana, na lia a nitöatöa. E möa ta taiana ta maroro tego la u tere Tamar. Alia puku a maroro tere Tamar.

U Bulungana u Niga tere Iesu Kristo te kolotein e Jon 16:2

Nori ena hapiou ba raroui limiou a man luman lotu, na nori e kato hamate has rariou a palai i tamilimiou bate poeier, ‘Alam u kato mei a ka teka tegi solosei menai e Sunahan.’

U Bulungana u Niga tere Iesu Kristo te kolotein e Jon 16:32

A pöata e sukusuku hakapa, na e butu hakapa noahas ba nori te kute rariou limiou ba limiou hoboto te bus kalakala pouts uamou turu luma i tamilimiou ba lia te ka pepeisa gou. Kaba lia ema ka pepeisa koru goi, taraha e Tamar e ka gono menou lia.

U Bulungana u Niga tere Iesu Kristo te kolotein e Jon 4:23

Kaba a pöata e la nama na e tuku hakapa has ba u katuun hamana tere Sunahan te hatsunoneriou e Tamarara turu namnamei na tara nimana i tuinen. E Sunahan e sakiena a mar katuun teka tego hatsunono uu i tanen.

U Bulungana u Niga tere Iesu Kristo te kolotein e Jon 5:25

Alia e hatei hamana koru ragou limiou, i romana na i murimuri has, u katuun tema ka meri a nitöatöa teka e hengoe riou u raranga tara Pien tere Sunahan, ba katuun te hengo hanigana e lue nou a nitöatöa teka.

U Bulungana u Niga tere Iesu Kristo te kolotein e Jon 5:28

Alimiou ema asingoto namoi a ka teka, taraha a pöata te la nama ba u mate hoboto te ka ria tara man kahokaho te hengoe riou u raranga i tar, ba nori te takei pouts riou. U katuun ti kato haniga e hatakei pouts sil raroui a nitöatöa te ka nitöana, na u katuun ti kato homi e hatakei pouts sil raroui tegina lu menaien u nihahuna.”

Aposol 6:14

Taraha, alam u hengoei te pei menaien, ‘Nonei e Iesu ni Nasaret e kato rure nou a Luman Lotu Pan bate palise nou a man markatona i manasa te hala raira e Mosis!’”

Epesis 2:18

Turu Namnamei tere Kristo ara hoboto e antunan la hasukusuku uara tere Sunahan, taraha e Kristo e kato berai ra a ka teka.

Epesis 3:14

Pöata te hakats nagia lia a manka teka, ba lia te hatukunugu bate singo uagu tere Tamar, nonei te katoe a mamanaka te kana i Kolö na i puta na nonei has te hala raien a man solo.

1 Timoti 2:8

Alia e ngilegu a pal tson turu han hoboto, egi hasöani u ualima u gogoso te möa ta raharaha bate singo uar tere Sunahan.

1 Pita 1:17

Alimiou e roron singo uamiou tere Tamamilimiou, nonei te roron oneiena a man tötöa a man katuun tara man saha manka te katoeren, batema hakats kalakala ranei u katuun. Te markato tala uanen teka ba limiou te matoute men bate hapane men tara mamana pöata te ka mia limiou i puta.

Revelesin 21:22

Na lia uma tare ii ta luman lotu iahana taun teka, taraha a Tsunono e Sunahan te tagala saluhena na Tunan Sipsip nori a luman lotu tara taun.