U Bulungana u Niga tere Iesu Kristo te kolotein e Jon 4:15 - U Bulunagana U Niga

¹⁵ Ba tahol e poeiena, “A tsi tsunono halei meilia nonei u ramun teka balia tema tatei maka lel goi, ba tema tatei la hiton gumei romana teka tegomi osul ramun uu lia.”

U Bulungana u Niga tere Iesu Kristo te kolotein e Jon 4:15 Iomraidhean Croise

U Bulungana u Niga tere Iesu Kristo te kolotein e Jon 4:16

Be Iesu e poeiena i tanen, “Alö gona ngöema a tson i tamölö ba limiou te lapouts uamuma i teka.”

U Bulungana u Niga tere Iesu Kristo te kolotein e Jon 6:26

Be Iesu e poeiena i taren, “Alia e hatei hamana koru ragou limiou, alimiou ema sake memi lia tu tara mena mei limiou a man mirakol i tar. E möa, alimiou e sake memu mei lia tu hanou hamasul mera mei lia alimiou.

U Bulungana u Niga tere Iesu Kristo te kolotein e Jon 6:34

Ba nori e poeier, “O Tsunono, alö go hala nitöa ramei lam a kannou teka.”

U Bulungana u Niga tere Iesu Kristo te kolotein e Jon 6:35

Be Iesu e poeiena i taren, “Alia nonei a kannou te hala nena a nitöatöa. E si te la uanama i tar ema tatei bes noi na esi te hamanana i tar ema tatei maka noi.

U pas te koloto menai e Pol turu kristenira i Rom 6:23

Tara markato a omi a hihol i tanen a tou mate. Kaba e Sunahan e hala sila nena a nitöatöa te ka nitöana tere Iesu Kristo a Tsunono i tarara.

U pas te koloto menai e Pol turu kristenira i Rom 8:5

Na u ngilngilina i puta e hatakuieiena u hakhakats tara katuun te kukute hasena u ngilngilina i puta. A ka teka nonei a maroro tara tou mate. Kaba u Namnamei tere Sunahan e hatakui hasena u hakats tara katuun te kukutiena u ngilngil tere Sunahan. A markato teka nonei a maroro tara nitöatöa na tara masalohana.

1 Korin 2:14

A katuun tema ka menei u Namnamei tere Sunahan ema tatei lue nei a manka te hala nena u Namnamei tere Sunahan. Turu hakats tara katuun teka, a manka tere Sunahan e here nei a manka man tutu. Nonei a katuun ema antunan atei sile neien, taraha u Namnamei lasi tere Sunahan te antunan haröto nena a mouna a manka teka.

Jemis 4:3

Na pöata te singo sile mia limiou taka, ba limiou tema lu hase mien. Taraha, limiou e singo gono memiou u tori u omi. Alimiou e ngil lasemiou a ka te tatei hakapena u ngil i peisa milimiou pouts.

1 Jon 5:20

Ara e atei silera a Pien Tson tere Sunahan e la silema i puta tegomi hala meraien ra a niatei tegi tatei atei sil menai ra e Sunahan hamana. Ara e ka gono mera e Sunahan hamana na e Iesu Kristo a Pien Tson i tanen. Nonei a Sunahan hamana teka, na a katuun te pala uana tara Pien Tson i tanen e ka mena a nitöatöa te ka nitöana.