U Bulungana u Niga tere Iesu Kristo te kolotein e Jon 3:29 - U Bulunagana U Niga

²⁹ E Iesu e here nei a tsonun tölo na lia e heregi a tsonun hitaguhu i tanen. Pöata te hitöl mena a tson a tahol i tanen, ba tsonun hitaguhu te tuol hatalisina bate sasaala koruna te hengo mena neien u ranga tara tsonun tölo. Te markato uanen teka ba lia te sasaala koru hasigu.

U Bulungana u Niga tere Iesu Kristo te kolotein e Jon 3:29 Iomraidhean Croise

Matiu 25:1

Be Iesu e ranga lelna turu katunun tsitsilo i tanen me poeiena, “Pöata te butu nama romana u lan tego la pouts ma a Tsunono, ba Nipepeito tere Sunahan te here namei romana a maloto a tahol a kukubei ti lui a man lam i taren bate la siler tegina tara menaien a tson tego hitöl.

Matiu 9:15

Ba e Iesu e ranga palis ranen me poeiena, “U katuun te karia tara hahitöl, e tatei taatagi hasir tara pöata te kagono merien a tson te hitöluna? Kaba e kamena a man lan e la nama romana ba tson te hitöluna te luba rarien. Ba nori te töan agonor romana.”

U Bulungana u Niga tere Iesu Kristo te kolotein e Luk 15:6

Ba nonei te söata pouts mena neien i han batena ngö gögono rena u hahikapien i tanen na u katuun te sukusukur bate poeiena i taren, ‘Sasaala gono memoulia. Taraha? Alia u sabe poutsi a sipsip i tar te taia!’”

U Bulungana u Niga tere Iesu Kristo te kolotein e Jon 15:11

Alia e hatei ragu lei limiou u ranga teka ba nisasaala i tar te kauana i tamilimiou ba nisasaala i tamilimiou te onoto hakapa nitöana.

U Bulungana u Niga tere Iesu Kristo te kolotein e Jon 16:24

I manasa na te la noa hasina i romana alimiou uma singo silemi ta ka tere Tamar tara solor. Singoiam ba limiou te lue mouen, ba nisasaala i tamilimiou te onoto hakapa nitöa nou.”

U Bulungana u Niga tere Iesu Kristo te kolotein e Jon 17:13

“Na lia e la tala uagou i tamölö. Alia e katoegu u raranga teka i puta ba nori te sasaala nitöa has uar te sasaala uagu lia.

U Bulungana u Niga tere Iesu Kristo te kolotein e Jon 3:30

Nonei a katuun teka a solo nen egi hala sei, na solor egi haka putei.”

2 Korin 11:2

Alia e hakats hapara ragou limiou temar hakats has uana e Sunahan. Taraha, alimiou e heremi a tahol a kukubei, na lia u hopö kap merai limiou tego tölo mena milimiou a töa puku lahas a tson, nonei e Kristo. Alimiou u peiam nonei lasi a töa Tsunono te hamana uami limiou.

Pilipai 2:2

Temar kato tala uanen teka, ba limiou te katoe miou a man markato a man niga. Ba lia te ka megou a nisasaala a kapan saluhe koru, na lia e ranga hatagala gia i tamilimiou, alimiou go ka meiam u töa puku u hakats bate hiangilngil hamana miou, na limiou go ka heremi a töa puku a katuun. Te markato uamou limiou teka, ba lia te sasaala nitöa gou.

1 Jon 1:4

Alam e koloto menami u raranga teka i tamilimiou bara te tatei sasaala hoboto nitöara.

2 Jon 1:12

Alia e ngilin hatei gilö u raranga u parpara, kaba alia e raman koloto nagien turu pas. Alia e ngilin na taregu a matamölö bate hiararanga gono megou lö, bara te töan sasaala nitöara.

Revelesin 21:9

Ba töa angelo e la uanama i tar. Nonei a töa tara tohit a angelo ti ka mei a tohit a kap te saputi a tohit a nomi te kato homir u katuun. Ba nonei e poeiena i tar, “Lama, balia tena haröte goilö a Tahol tara Tunan Sipsip.”