U Bulungana u Niga tere Iesu Kristo te kolotein e Jon 17:3 - U Bulunagana U Niga

³ Nonei teka a maroro tara nitöatöa te ka nitöana: u katuun te atei sile riou lö a Sunahan te mana nitöana, na lia e Iesu Kristo tu hala nema lö.

U Bulungana u Niga tere Iesu Kristo te kolotein e Jon 17:3 Iomraidhean Croise

U Bulungana u Niga tere Iesu Kristo te kolotein e Luk 9:48

Me poeiena, “A katuun te nigana tara pien teka tara solo i tar e here nei e niga hase noulia. Na katuun te nige noulia e niga hasena e Sunahan te hala namoulia. A katuun te teteneina i gusumilimiou nonei a kapan hamana.”

U Bulungana u Niga tere Iesu Kristo te kolotein e Jon 10:36

Alimiou e antunan ranga hasimiou bate peimiou, a katuun te kato hagöagoni e Tamar me tula mena meien i puta e ranga homi nena e Sunahan te pei mena neien, ‘Alia a Pien tere Sunahan.’ Ge hana ba limiou te mar ranga uamiou teka?

U Bulungana u Niga tere Iesu Kristo te kolotein e Jon 11:42

Na lia e atei silegu alö e roron hengoe moulia, kaba lia e mar ranga uagu teka i matar u katuun te ka ria teka, ba nori te tatei hamaner tu hala mena mei lö alia.”

U Bulungana u Niga tere Iesu Kristo te kolotein e Jon 14:26

E Tamar e hala sila nenama romana a katunun hihitaguhu, u Namnamei u Göagono, tara solor batemi hatuts ranei limiou a manka hoboto, batemi hahatei pouts ranei limiou a mamanaka hoboto tu hatei rai lia limiou.

U Bulungana u Niga tere Iesu Kristo te kolotein e Jon 17:18

Alö u hala mena mei lia turu katuun te ka mer u hakatsina i puta, na lia e hala has mera gien nonei noahas turu katuun teka.

U Bulungana u Niga tere Iesu Kristo te kolotein e Jon 17:21

Ba nori te hereri a töa katuun. Na lö, O Tamar, e ka mia i tar na lia e ka gia i tamölö, Nori egi ka mei u töa u tori, te kato has uara ra, ba u katunura i puta te tatei atei sil haser tu hala mena mei lö alia.

U Bulungana u Niga tere Iesu Kristo te kolotein e Jon 17:23

Alia e ka gia i taren na lö e ka has mia i tar, ba nori te tatei tori hoboto has uar iesana. Te kato uanen teka ba u katunura i puta te tatei atei siler tu hala mena mei lö alia, na e tatei atei sil haser alö e ngil koru rem u katuun teka temar ngil has mena milö alia.

U Bulungana u Niga tere Iesu Kristo te kolotein e Jon 17:25

“O Tamagulia, alö e matskö korum, u katunura tara markatona i puta ema atei sileri lö. Kaba alia e atei sile goulö. Na nori u katuun i tar teka e atei siler tu hala mena mei lö alia.

U Bulungana u Niga tere Iesu Kristo te kolotein e Jon 17:8

Na lia u hala hakapa raien a man raranga tu hale mei lö alia, ba nori te hamane ren. Na nori e atei siler alia u la hamanama i tamölö, na nori e hamaner tu hala mena mei lö alia.

U Bulungana u Niga tere Iesu Kristo te kolotein e Jon 3:17

E Sunahan ema hala sile mei a Pien Tson i tanen i puta gomi koutir u katuun. E möa. Nonei e hala sile meien gomi taguhir u katuun.

U Bulungana u Niga tere Iesu Kristo te kolotein e Jon 3:34

E Sunahan te haleiema a katuun teka ba nonei emi hatei nena u raranga tere Sunahan. Na nonei e saputu mena u Namnamei u Göagono te hala nenama e Sunahan i tanen.

U Bulungana u Niga tere Iesu Kristo te kolotein e Jon 5:44

Alimiou e mar hamana uamou i me te lu mena mi limiou a nipan te hala nena a taina a katuun, ba limiou tema sake mi a nipan te la nama tere Sunahan a töa puku tega kato hapan raiou limiou.

U Bulungana u Niga tere Iesu Kristo te kolotein e Jon 6:57

E Tamar te töatöa nitöana te tula na moulia. Na lia e töatöa sila has gia tere Tamar. Bara! Esi te noue noulia ena töatöa sila has noa i tar.

U Bulungana u Niga tere Iesu Kristo te kolotein e Jon 8:19

Ba nori e poeier i tanen, “Ime te kana e tamamölö?” Be Iesu e poeiena, “Alimiou ema atei sile milia na limiou ema atei sil hasemi e Tamar. Tego atei sil memi limiou alia, alimiou e antunan atei sil hasemiou e Tamar.”

1 Korin 15:34

La pouts muma turu hakhakats u haniga bate hanöa ba namiou a man markato a man omi taraha a palai ema atei sil noeri e Sunahan. Alia e ranga sila gia tara nimatsingolo i tamilimiou.

1 Korin 8:4

Bora, tegi nou menaira a kannou te haats nari u kesa, ara e atei silera e möa tu kesa tega mana kaba e Sunahan puku a töa.

2 Korin 4:6

Taraha nonei e Sunahan te poei, U alesala go butuma i gusuna u kuhil. Nonei u ualesala te alesalana i torimulam bate hala ranei lam a niatei na tara niniganiga tere Sunahan te lakasa nama i matana e Iesu Kristo.

Pilipai 3:10

Alia e ngilin atei haniga sil korueiegu e Kristo. Na lia e ngilin atei sil hasegu a nitagala te hatakei ien tara tou mate. Alia e ngilin sagohegu a kamits te sagoheien, ba lia tena here noahase goien tara pöatan mate i tanen.

Pilipai 3:8

A manka hoboto te butuia i tar e here tala nei a manka pinopino te hakats menagi lia e Iesu Kristo a Tsunono i tar. Alia e atei sil talegu e Iesu, na nonei te niga bala nena a mamanaka hoboto. Alia e ngil korue gen bate ngöe gi a mamanaka ti ngil korui lia i manasa a bita pinopino. Ba lia te pile kap hakarapoto nagou e Kristo.

1 Tesalonaika 1:9

U katuun e hatei noahas rari lam tu mar toul mera milimiou alam, na nori i hatei has rai lam tu laba menami limiou u kesa bate kukutie miou e Sunahan a Got hamana na Got a töatöa.

2 Tesalonaika 1:8

Ba nonei temi hahuna ranou romana u katuun tema atei sileri e Sunahan na nori has te hipus ner u Bulungana u Niga tere Iesu Kristo a Tsunono i tarara.

Hibru 3:1

A matsi hahatoulana, e Sunahan e ngö sil railimiou tego katuun uaiam limiou i tanen. Na limiou go hakats naiam e Iesu. E Sunahan e hala sile mei e Iesu tegomi aposol uen turu lotu i tarara na tegomi tsunono pan meraien u pris turu lotu i tarara.

2 Pita 1:2

E Sunahan e taatagi koru ranou limiou bate hala ranei limiou a masalohana pan te atei sil mena milimiou e Sunahan, na Tsunono i tarara e Iesu.

2 Pita 1:3

Tara nitagala pan i tanen nonei e hala raira a mamanaka te hantuna ranou ra tegi kato menai ra a markato a niga i tanen. Nonei e taguhu mera neira te atei sil mena reien ra, na te atei sil mena reira nonei te ngö meraira tegina lu gono menaien ra a nikapan na niniganiga hamatskö i tanen.

2 Pita 1:8

Te kukute haniga lele moua limiou a man markato a man niga teka, ba limiou te atei haniga sile mou e Iesu Kristo a Tsunono i tarara bate habutemiou a mamanaka a niga.

1 Jon 1:2

A nitöatöa teka e butu halesalama ba lam e tare men me habulungana namen, na nitöatöa teka e ka nitöana. Nonei a nitöatöa te kagono mei e Tamarara, memi töan butu halesalana i tarara.

1 Jon 1:3

Alam e hatei nem a ka tu tari lam na ka tu hengoe nilam bara te hiakaka haniga hobotora, bate ka gono mera e Tamarara na e Iesu Kristo a Pien Tson i tanen.

1 Jon 2:23

A katuun te tori tsuga nena a Pien Tson tere Sunahan ema katuun uanei tere Tamarara. Kaba a katuun te hatei nena e Iesu nonei a Pien Tson tere Sunahan, nonei e pala uana tere Tamarara.

1 Jon 4:6

Kaba ara u katuun tere Sunahan. Na u katuun te atei siler e Sunahan nori e hahengo rima i tarara. Na a katuun tema pien uanei tere Sunahan ema hahengo neia i tarara. Nonei teka temar atei sil menaroira u Namnamei u mana na u namnamei u gamo.

1 Jon 5:20

Ara e atei silera a Pien Tson tere Sunahan e la silema i puta tegomi hala meraien ra a niatei tegi tatei atei sil menai ra e Sunahan hamana. Ara e ka gono mera e Sunahan hamana na e Iesu Kristo a Pien Tson i tanen. Nonei a Sunahan hamana teka, na a katuun te pala uana tara Pien Tson i tanen e ka mena a nitöatöa te ka nitöana.