U Bulungana u Niga tere Iesu Kristo te kolotein e Jon 17:25 - U Bulunagana U Niga

²⁵ “O Tamagulia, alö e matskö korum, u katunura tara markatona i puta ema atei sileri lö. Kaba alia e atei sile goulö. Na nori u katuun i tar teka e atei siler tu hala mena mei lö alia.

U Bulungana u Niga tere Iesu Kristo te kolotein e Jon 17:25 Iomraidhean Croise

Matiu 11:27

“A mamanaka hoboto teka e Tamar te hale meien lia. Na e möa ta taina ta katuun tega atei sileiou lia, a Pien Tson tere Sunahan. E Tamar puku lahas. Na e möa has ta katuun tega atei sil e Tamar. Alia puku lahas a Pien Tson i tanen te atei silegen, na eresi tu onarilia te haröto ragoui lia e Tamar.

Matiu 16:16

Be Saimon Pita e ranga palisenen me poeiena, “Alö e Mesaia te hopö kapiin e Sunahan. Alö a Pien Tson tere Sunahan te töatöa nitöana.”

U Bulungana u Niga tere Iesu Kristo te kolotein e Luk 10:22

Be Iesu e rangana turu katuun, “E Tamar e hale ii lia a mamanaka hoboto. Na e möa ta töa ta katuun tega atei sil a Pien Tson. E Tamar pepeisa lasi. Na e möa has ta katuun tega atei sil e Tamar. A Pien Tson pepeisa te atei silena e Tamanen, na esi a Pien Tson te hopö kap naien te tatei hatei butu narouen.”

U Bulungana u Niga tere Iesu Kristo te kolotein e Jon 1:18

E möa ta töa ta katuun tega tara noabi e Sunahan. Kaba a töa koru a Pien Tson i tanen, nonei has e Sunahan te sukusuku koruna i torina e Tamanen, nonei te haröto raira e Sunahan.

U Bulungana u Niga tere Iesu Kristo te kolotein e Jon 15:21

Kaba nori e kato sila naroua a manka teka tara solor te söate milimiou, taraha nori ema atei sileri e Sunahan te tula na moulia.

U Bulungana u Niga tere Iesu Kristo te kolotein e Jon 16:27

Taraha, e Tamar e ngil has ranou limiou, te ngil has menami limiou alia na limiou e hamana hase miou alia u lama tere Sunahan.

U Bulungana u Niga tere Iesu Kristo te kolotein e Jon 16:3

Nori e katoe riou a manka man omi teka, taraha nori ema atei sile roi lia ne Tamar has.

U Bulungana u Niga tere Iesu Kristo te kolotein e Jon 16:30

Alam e atei talam alö e atei silem a mamanaka hoboto, ba tema ngile mi tegi rangata lel mei lö ta ka. Tara markato teka alam e hamanem alö u lama tere Sunahan.”

U Bulungana u Niga tere Iesu Kristo te kolotein e Jon 17:11

Alia ema ka lel goi tara han i puta teka, alia e la uagou i tamölö, kaba nori e ka roua tara han i puta teka. O Tamagulia alö te göagono korum, alö go tara kap raien tara nitagala i tamölö tu halei meilö alia, ba nori te katoe riou a töa katuun, te kato has uarara.

U Bulungana u Niga tere Iesu Kristo te kolotein e Jon 17:18

Alö u hala mena mei lia turu katuun te ka mer u hakatsina i puta, na lia e hala has mera gien nonei noahas turu katuun teka.

U Bulungana u Niga tere Iesu Kristo te kolotein e Jon 17:21

Ba nori te hereri a töa katuun. Na lö, O Tamar, e ka mia i tar na lia e ka gia i tamölö, Nori egi ka mei u töa u tori, te kato has uara ra, ba u katunura i puta te tatei atei sil haser tu hala mena mei lö alia.

U Bulungana u Niga tere Iesu Kristo te kolotein e Jon 17:23

Alia e ka gia i taren na lö e ka has mia i tar, ba nori te tatei tori hoboto has uar iesana. Te kato uanen teka ba u katunura i puta te tatei atei siler tu hala mena mei lö alia, na e tatei atei sil haser alö e ngil koru rem u katuun teka temar ngil has mena milö alia.

U Bulungana u Niga tere Iesu Kristo te kolotein e Jon 17:3

Nonei teka a maroro tara nitöatöa te ka nitöana: u katuun te atei sile riou lö a Sunahan te mana nitöana, na lia e Iesu Kristo tu hala nema lö.

U Bulungana u Niga tere Iesu Kristo te kolotein e Jon 17:8

Na lia u hala hakapa raien a man raranga tu hale mei lö alia, ba nori te hamane ren. Na nori e atei siler alia u la hamanama i tamölö, na nori e hamaner tu hala mena mei lö alia.

U Bulungana u Niga tere Iesu Kristo te kolotein e Jon 3:17

E Sunahan ema hala sile mei a Pien Tson i tanen i puta gomi koutir u katuun. E möa. Nonei e hala sile meien gomi taguhir u katuun.

U Bulungana u Niga tere Iesu Kristo te kolotein e Jon 6:19

Pöata ti sua hakape len a tolima a kilomita tsi a tönomo ba nori e tareier e Iesu e tataala ma ieluna u ramun me la uanama tara tolaala. Nori ima marei ien ba nori e matout korur.

U Bulungana u Niga tere Iesu Kristo te kolotein e Jon 8:19

Ba nori e poeier i tanen, “Ime te kana e tamamölö?” Be Iesu e poeiena, “Alimiou ema atei sile milia na limiou ema atei sil hasemi e Tamar. Tego atei sil memi limiou alia, alimiou e antunan atei sil hasemiou e Tamar.”

U Bulungana u Niga tere Iesu Kristo te kolotein e Jon 8:55

Alimiou ema atei silemi e Sunahan, kaba lia te atei sile gen. Sanena alia go pei, ‘Alia ema atei sile gien,’ ba lia te gamogamo here has ragi limiou. Kaba alia e atei silegu e Sunahan na lia e kukute hasegu u raranga i tanen.

Aposol 17:23

Alia u hula la bate tareiegu a man makum a man Göagono te lotu mia limiou. Alia u tara hasi a töa makumun haats te kana u ranga te poeiena: ‘Tara töa got tema atei sileri u katuun.’ Nonei a Got teka te hatsunono uami limiou na limiou ema atei sile mien, nonei a Got te habulungana nagu lia i tamilimiou.

Aposol 26:18

Alia e hala sile goui lö tegona hatuts meraien lö u raranga i tar na tegi habirits ba menaien a man markato a man omi te here nei u kuhil. Alia e hala mena goui lö i taren tegi habirits uaien tara markato a niga te here nei u ualesala, ba lö tena habirits ba ramien a nitagala tere Satan ba nori te habirits uaier tere Sunahan. Ba lia te luba negou a man markato a man omi turu katuun te hamana ria i tar, ba nori te lue riou a makum i taren i gusuna u katuun te hopö kap berai e Sunahan a peisanen.’”

U pas te koloto menai e Pol turu kristenira i Rom 1:28

U katuun ima hakats nai e Sunahan na i raman ka mei a niatei a niga, ba nonei e töa rongaronga ranen tegi ka noahas menaien u hakats u omi na tegi kato homi has menaien a markato a omi.

U pas te koloto menai e Pol turu kristenira i Rom 3:11

E möa ta katuun tega atei. Na e möa ta töa ta katuun tega sake e Sunahan.

U pas te koloto menai e Pol turu kristenira i Rom 3:26

Kaba i romana nonei e haröto nena te matskö uanen na te kato hamatskö has mena neien a katuun te hamana uana tere Iesu.

1 Korin 1:21

Tara niatei i tanen e Sunahan e hatu kapiin a maroro turu katuun te torohanan atei sile ren tara niatei peisa i taren. Kaba nonei e lu pouts rena u katuun te hamana uar i tanen tara pöata te hengoe rien u raranga i tamulam, te ngöeri u katuun, u raranga u tutu.

1 Korin 15:34

La pouts muma turu hakhakats u haniga bate hanöa ba namiou a man markato a man omi taraha a palai ema atei sil noeri e Sunahan. Alia e ranga sila gia tara nimatsingolo i tamilimiou.

2 Korin 4:4

A tson hiamus na turu puta teka e Satan, e kato hakuhilir u hakhakats turu katuun te hahamanar banori tema atei sileri u raranga u mana, te here nei u ualesala te alesala uana i taren. U ualesala nonei u Bulungana u Niga tere Kristo, e Kristo u haharuei tere Sunahan.

2 Tesalonaika 1:8

Ba nonei temi hahuna ranou romana u katuun tema atei sileri e Sunahan na nori has te hipus ner u Bulungana u Niga tere Iesu Kristo a Tsunono i tarara.

Hibru 8:11

U katuun u tetenei na u katuun u kapan has ema antunan hatuts lel raroui u toularen bate poeier, ‘Atei sileiam a Tsunono,’ taraha, nori hoboto ena atei sile riou lia, u katuun u tetenei na u katuun u kapan has.

1 Jon 1:9

Te ranga hatei na riara a man kato homi i tarara, be Sunahan te töan luba nena a man markato a man omi i tarara bate galus ba has nena a manka man omi hoboto te kana i tarara, taraha nonei e kato hamana nitöa neiena a ka te ranga nanen bate kato hamatskö nitöa nanen.

Revelesin 13:8

Ba u katuun hoboto te ka roua i puta te hatsunone rouen romana, u katuun hoboto tima koloto nai a soloren iahana u bukuna tara nitöatöa i mam te habuteia e Sunahan a mamanaka. Nonei u buku teka u bukuna tara Tunan Sipsip ti atung hamati.

Revelesin 16:5

Ba lia e hengoegu a angelona tara man ramun bate poeiena: “O Sunahan, alö e göagonom, alö tu ka mam na lö te ka noa hasim i romana. Alö tu ona hamatsköön töama.