U Bulungana u Niga tere Iesu Kristo te kolotein e Jon 17:21 - U Bulunagana U Niga

²¹ Ba nori te hereri a töa katuun. Na lö, O Tamar, e ka mia i tar na lia e ka gia i tamölö, Nori egi ka mei u töa u tori, te kato has uara ra, ba u katunura i puta te tatei atei sil haser tu hala mena mei lö alia.

U Bulungana u Niga tere Iesu Kristo te kolotein e Jon 17:21 Iomraidhean Croise

U Bulungana u Niga tere Iesu Kristo te kolotein e Mak 3:24

Te hiatatung pouts ria u katuun iahana töa han pan, ba han teka tema antunan tuol hatagala noi.

U Bulungana u Niga tere Iesu Kristo te kolotein e Jon 10:16

A palair u katuun has i tar e ka ria ielesala tara ololon sipsip i tar. Alia ena peigi has ragumen romana ba nori te hengoe riou u raranga i tar. Bate ka menou a töa puku a heis sipsip na töa puku a katunun pepeito kap i taren.

U Bulungana u Niga tere Iesu Kristo te kolotein e Jon 10:30

E Tamar na lia a töa puku a katuun.”

U Bulungana u Niga tere Iesu Kristo te kolotein e Jon 10:38

Kaba te katoegien lia, noahasina tema hamane milimiou alia, hamana mia tara toukui i tar ba limiou te atei sile mou e Tamar e kana i tar na lia e ka has gia i tanen.”

U Bulungana u Niga tere Iesu Kristo te kolotein e Jon 11:42

Na lia e atei silegu alö e roron hengoe moulia, kaba lia e mar ranga uagu teka i matar u katuun te ka ria teka, ba nori te tatei hamaner tu hala mena mei lö alia.”

U Bulungana u Niga tere Iesu Kristo te kolotein e Jon 13:32

Te hala seie goua lia a solona e Sunahan be Sunahan te hala sei boroboro hase nou a solor.

U Bulungana u Niga tere Iesu Kristo te kolotein e Jon 13:35

Te hiangilngil moua limiou, ba u katuun hoboto te atei sile riou alimiou u katunun tsitsilo i tar.”

U Bulungana u Niga tere Iesu Kristo te kolotein e Jon 17:11

Alia ema ka lel goi tara han i puta teka, alia e la uagou i tamölö, kaba nori e ka roua tara han i puta teka. O Tamagulia alö te göagono korum, alö go tara kap raien tara nitagala i tamölö tu halei meilö alia, ba nori te katoe riou a töa katuun, te kato has uarara.

U Bulungana u Niga tere Iesu Kristo te kolotein e Jon 17:18

Alö u hala mena mei lia turu katuun te ka mer u hakatsina i puta, na lia e hala has mera gien nonei noahas turu katuun teka.

U Bulungana u Niga tere Iesu Kristo te kolotein e Jon 17:20

“Alia ema singo peisa beragi u katuun teka i tamölö, alia e singo be has regu u katuun te hengoe riou romana u ranga i taren bate hamana uar i tar.

U Bulungana u Niga tere Iesu Kristo te kolotein e Jon 17:25

“O Tamagulia, alö e matskö korum, u katunura tara markatona i puta ema atei sileri lö. Kaba alia e atei sile goulö. Na nori u katuun i tar teka e atei siler tu hala mena mei lö alia.

U Bulungana u Niga tere Iesu Kristo te kolotein e Jon 17:3

Nonei teka a maroro tara nitöatöa te ka nitöana: u katuun te atei sile riou lö a Sunahan te mana nitöana, na lia e Iesu Kristo tu hala nema lö.

U Bulungana u Niga tere Iesu Kristo te kolotein e Jon 17:8

Na lia u hala hakapa raien a man raranga tu hale mei lö alia, ba nori te hamane ren. Na nori e atei siler alia u la hamanama i tamölö, na nori e hamaner tu hala mena mei lö alia.

U Bulungana u Niga tere Iesu Kristo te kolotein e Jon 3:17

E Sunahan ema hala sile mei a Pien Tson i tanen i puta gomi koutir u katuun. E möa. Nonei e hala sile meien gomi taguhir u katuun.

U Bulungana u Niga tere Iesu Kristo te kolotein e Jon 5:23

Ba u katuun te tatei hapaner a Pien temar hapan has meraien e Tamaren. E si tema hapane nei a Pien ema hapan hase nei e Tamanen te tula namen.”

Aposol 2:46

Turu mamana u lan nori i la hoboto uu tara Luman Lotu Pan tina singo hoboto uaien na nori i nou hoboto mei u hakats u niga na nisasaala pan.

Aposol 4:32

A pala ti hamana i ka mei u töa puku u tori na u töa puku u hakats. E möa ta töa i taren tega ranga bate poeiena, “A manka teka, a manka pepeisa i tar.” E möa. Kaba mamanaka hoboto i taren era manka hobotoien.

U pas te koloto menai e Pol turu kristenira i Rom 12:5

Na e kato has uana iesana turu kristen. Ara e parpara ra kaba ra a töa hun katuun puku noahas te hamana uara tere Kristo. Ara a töa a hun katuun bara te hihitaguhira.

1 Korin 1:10

Alia e ranga hatagala koru meragou limiou tara solona a Tsunono i tarara e Iesu Kristo, alimiou go haniga hobotoiam batema kats kilkile mi a peisa milimiou. Alimiou go kagono hobotoiam, bate ka memiou u töa puku u hakats na u ngil.

1 Korin 12:12

Na u tuenrei e ka has mena a mamana makum, na mamana makum turu tuenrei e noahasina te para uaren, nori hoboto u töa puku u tuenrei. Te kato has uana e Kristo.

1 Korin 6:17

Kaba a katuun te ka gono mena a Tsunono, nori e ka hoboto ria turu töa puku u namnamei.

Galesia 3:28

Na te katuun uami limiou tere Kristo, e möa lel ta toun Grik na ta Jiu, na ta katunun kukui puku na ta katuun tegoma kukui puku ii, na ta tson na ta tahol. Alimiou hoboto te hamana mia tere Iesu Kristo e here talemi a töa katuun.

Pilipai 1:27

A markato i tamilimiou ega matskö gono mei u Bulungana u Niga. Alia ena tara lel toum ragou limiou tsi e möa? Kaba alia e ngilin hengo noahas nagou tego tuol hatagala uaiam limiou bate ka memiou u töa puku u hakats, ba limiou te tagala hoboto silemiou u hihatutsina turu Bulungana u Niga.

1 Jon 1:3

Alam e hatei nem a ka tu tari lam na ka tu hengoe nilam bara te hiakaka haniga hobotora, bate ka gono mera e Tamarara na e Iesu Kristo a Pien Tson i tanen.

1 Jon 5:7

Nori a topisa i habulungana hobotein u raranga i tanen,