U Bulungana u Niga tere Iesu Kristo te kolotein e Jon 17:12 - U Bulunagana U Niga

¹² Pöata tu ka gono meraien lia, alia u tara kap raien tara nitagala i tamölö. Alia u tara kapir u katuun tu hala ramei lö alia. A töa puku a katuun te taia, temar hatei mam menaien u Buku u Göagono.

U Bulungana u Niga tere Iesu Kristo te kolotein e Jon 17:12 Iomraidhean Croise

U Bulungana u Niga tere Iesu Kristo te kolotein e Jon 13:18

“U raranga teka ema la uanei i tamilimiou hoboto. E möa. Alia e atei silegu u katuun tu hopö kapir lia. Na u ranga turu Buku u Göagono e butu hamana nou te poeiena, ‘A katuun te nou gono meiou lia ena haröto nanoua lia turu katuun te paköe riou lia.’

U Bulungana u Niga tere Iesu Kristo te kolotein e Jon 17:6

“Alia u hatein a solo mölö turu katunura i puta teka tu hala rai lö alia. Nori u katuun i tamölö, na lö u hala rameien lia, na nori i hengo hanigan nitöani u raranga i tamölö.

U Bulungana u Niga tere Iesu Kristo te kolotein e Jon 18:9

Nonei e mar ranga uu teka tego kato hamana menaien u raranga te hagou ranga naien me poeiena, “O Tamagulia, alia uma hapolasei ta töa turu katuun tu hale mei lö alia.”

U Bulungana u Niga tere Iesu Kristo te kolotein e Jon 6:37

U katuun hoboto te hala mera namei e Tamar i tar e la uarima romana i tar. Alia ema antunan hakopise goi esi te la uanama romana i tar. E möa.

Aposol 1:25

Nonei ega palisi e Judas tara toukui turu aposol te pile naien. E Judas e rus ia tara toukui teka me la uana tara makumun nihahuna i tanen.”

Pilipai 2:9

E Kristo e markato uu teka, be Sunahan e solosei korue nen me hale neien a solo a kapan te pan bala nena a man solo hoboto.

2 Tesalonaika 2:3

A katuun e namots gamo ranei limiou tu saha tu mar ranga. Taraha, u Lan Pan teka ema mam namei romana. E möa. A ka teka te butu mam nou romana: u katuun u para e hapolase riou romana e Sunahan, ba katuun te roron pekoena a lo te butu nou, nonei te lue nou a nihahuna i hel.

Hibru 2:13

Ba nonei e ranga lenina me poeiena, “Alia e hamana goua tere Sunahan.” Me ranga lel noahasina me poeiena, “Alia e kagu, na galapien has te hala ramei lia e Sunahan.”

1 Jon 2:19

U katuun teka i laba hakapa raioura, taraha nori ima katuun hamana uai tara hun katuun i tarara. Sanena nori ti katuun uu i tarara, nori sanena e ka haniga gono meraioura. Kaba pöata ti laba raienra, ba u katuun e atei sil taleier nori hoboton töa ema katuun uari tara hun katuun i tarara.

Revelesin 19:12

A matanen e here ii u tula te hiatungna, na nonei e ka mei u hatan tsunono u parpara i bakunen. A töa solo i koloto naia i tanen na e möa ta katuun tega atei sileien. Nonei puku has a töa te atei sile nen.