U Bulungana u Niga tere Iesu Kristo te kolotein e Jon 17:11 - U Bulunagana U Niga

¹¹ Alia ema ka lel goi tara han i puta teka, alia e la uagou i tamölö, kaba nori e ka roua tara han i puta teka. O Tamagulia alö te göagono korum, alö go tara kap raien tara nitagala i tamölö tu halei meilö alia, ba nori te katoe riou a töa katuun, te kato has uarara.

U Bulungana u Niga tere Iesu Kristo te kolotein e Jon 17:11 Iomraidhean Croise

Matiu 10:16

Be Iesu e poeiena, “Hengoiam! Alia e hala here ragoui limiou u sipsip te sila ria i gusura u muki u hie. Alimiou go tarakap here rami u kökötsi, ba limiou te here hase mi a kulu tema tatei kato homie nei ta ka.

Matiu 5:48

A markato i tamilimiou ega matskö nitöa, te markato has uana e Tamamilimiou i Kolö a markato i tanen e matskö nitöana.”

Matiu 6:9

“Alimiou go mar singo uaiam teka: ‘O Tamamulam alö e kamia i Kolö, alam e hagöagonem a solomölö.

U Bulungana u Niga tere Iesu Kristo te kolotein e Jon 13:1

A pöata tara kannouna turu Paska turu Jiu e butu hakapa tala, be Iesu e atei silena a pöata e sukusuku koru hamanasa tego laba menaien a han i puta teka bate la pouts uana tere Tamanen. Nonei e ngil korur u katuun i tanen i puta teka e antunaia te mateien.

U Bulungana u Niga tere Iesu Kristo te kolotein e Jon 13:3

Na e Iesu e atei sil e Tamanen e kato hapaneien tara mamanaka hoboto, na nonei e atei sil hasi nonei e lama tere Sunahan na nonei ega la pouts has uu tere Sunahan.

U Bulungana u Niga tere Iesu Kristo te kolotein e Jon 14:20

A pöata e butu nama romana ba limiou tena atei sile mou alia e ka gia tere Tamar na limiou e ka has mia i tar na lia e ka has gia i tamilimiou.

U Bulungana u Niga tere Iesu Kristo te kolotein e Jon 16:28

Alia u la ma tere Tamar me la uaguma i puta teka. Na lia e laba negu a han i puta bate la pouts uagou tere Tamar.”

U Bulungana u Niga tere Iesu Kristo te kolotein e Jon 16:33

Alia e mar ranga uagula teka ba masalohana i tar te tatei ka gono mera nou limiou. E manana, a markatona i puta teka e habute nou romana u nikamits i tamilimiou, kaba limiou go tagalaiam, taraha alia u la karasa hakapi a markatona i puta.”

U Bulungana u Niga tere Iesu Kristo te kolotein e Jon 17:23

Alia e ka gia i taren na lö e ka has mia i tar, ba nori te tatei tori hoboto has uar iesana. Te kato uanen teka ba u katunura i puta te tatei atei siler tu hala mena mei lö alia, na e tatei atei sil haser alö e ngil koru rem u katuun teka temar ngil has mena milö alia.

U Bulungana u Niga tere Iesu Kristo te kolotein e Jon 17:25

“O Tamagulia, alö e matskö korum, u katunura tara markatona i puta ema atei sileri lö. Kaba alia e atei sile goulö. Na nori u katuun i tar teka e atei siler tu hala mena mei lö alia.

U Bulungana u Niga tere Iesu Kristo te kolotein e Jon 17:6

“Alia u hatein a solo mölö turu katunura i puta teka tu hala rai lö alia. Nori u katuun i tamölö, na lö u hala rameien lia, na nori i hengo hanigan nitöani u raranga i tamölö.

U Bulungana u Niga tere Iesu Kristo te kolotein e Jon 7:33

Be Iesu e poeiena turu katuun, “Alia e gamon ka gono mera gou limiou, balia te la pouts uagou tara han tu la ma lia.

Aposol 3:21

Nonei ega ka buia i Kolö e antunana te butu nama romana a pöata te kato hatsimuse noa e Sunahan a man ka hoboto, temar ranga sila uaia e Sunahan turu propet u matskö i tanen i manasa.

U pas te koloto menai e Pol turu kristenira i Rom 12:5

Na e kato has uana iesana turu kristen. Ara e parpara ra kaba ra a töa hun katuun puku noahas te hamana uara tere Kristo. Ara a töa a hun katuun bara te hihitaguhira.

U pas te koloto menai e Pol turu kristenira i Rom 9:17

Na turu Buku u Göagono e Sunahan e rangaia tere King Pero me poeiena, “Alia u ha king sile ii lö tego haröto menai lia a nitagala i tar i matamölö, na tegi solosei menai a solor turu han hoboto i puta”

1 Korin 1:10

Alia e ranga hatagala koru meragou limiou tara solona a Tsunono i tarara e Iesu Kristo, alimiou go haniga hobotoiam batema kats kilkile mi a peisa milimiou. Alimiou go kagono hobotoiam, bate ka memiou u töa puku u hakats na u ngil.

Galesia 3:28

Na te katuun uami limiou tere Kristo, e möa lel ta toun Grik na ta Jiu, na ta katunun kukui puku na ta katuun tegoma kukui puku ii, na ta tson na ta tahol. Alimiou hoboto te hamana mia tere Iesu Kristo e here talemi a töa katuun.

Epesis 4:4

E ka mena u töa u tuenrei na u töa u namnamei, na e Sunahan e ngö sil has railimiou tego hahaloso mena milimiou a töa ka a niga tena la nama i murimuri.

Pilipai 2:9

E Kristo e markato uu teka, be Sunahan e solosei korue nen me hale neien a solo a kapan te pan bala nena a man solo hoboto.

Hibru 1:3

A Pien Tson i tanen nonei u namnamei turu ualesala tere Sunahan. Nonei e here korue nei e Sunahan, na mamanaka hoboto e ka haniga silana turu raranga u tagala i tanen. I murina te galus ba naien a man markato a man omi turu katuun, ba nonei ena gumna tara pal matou tere Sunahan iasa koru i Kolö.

Hibru 9:24

Taraha, e Kristo ema tasu ii tara luman lotu ti kui u katuun bate haharuei tuun nena a luman lotu hamana. E möa. Nonei e tasuia i Kolö, ba nonei e kana i matana e Sunahan me ranga bera noura.

Jemis 4:4

Alimiou e hapolasa ba namiou e Sunahan bate heremi a tahol a hitöl te kato homina. A katuun te ngilena a markatona i puta e kato homi hasena e Sunahan. Na lia e hatei ragi limiou, u ngilngil na markatona i puta e paköena e Sunahan.

1 Pita 1:5

Na tara nihamana i tamilimiou na nitagala i tanen, nonei e tara kap ranou limiou, e antunana tena lue moua limiou a nihitaguhu teka te hahalosena tegi haröto menaien tara kapakapana a pöata.

1 Jon 3:12

Ara gima here ii e Kein nonei e pala uu tere Satan, ba nonei e atung hamateiena e toulanen e Ebol. Nonei e atung meien a markato i tanen e omi ba markato tere Ebol te matsköna.

1 Jon 5:19

Ara e atei silera ara galapien tere Sunahan na mamana han hoboto i puta e kana tara nipepeito tere Satan.

U pas te kolotein e Jut 1:1

Alia e Jut, a katunun kui tere Iesu Kristo, e toular e Jemis. Alia e koloto menagi u pas teka i tamilimiou, u katuun te ngöri e Sunahan. E Sunahan e Tamarara e ngil koru ranou limiou, na e Iesu Kristo te taratara kap ranou limiou.

U pas te kolotein e Jut 1:24

Alimiou go soloseiam e Sunahan, taraha nonei a Tsunono Pan te antunan luba ranei limiou a man markato a man omi bate haka ranoua limiou i rehinen. Ba limiou te möa lel mou ta ka ta omi i tamilimiou, bate töan sasaala nitöa mou.

Revelesin 15:4

O Tsunono, u katuun hoboto e matoute rioulö bate soloseie riou lö. Alö a töa te göagonom na te niga nitöam. U han hoboto emi hatsunono roua i tamölö, taraha a markato a matskö i tamölö i haröto hakapein.”

Revelesin 19:12

A matanen e here ii u tula te hiatungna, na nonei e ka mei u hatan tsunono u parpara i bakunen. A töa solo i koloto naia i tanen na e möa ta katuun tega atei sileien. Nonei puku has a töa te atei sile nen.

Revelesin 4:8

A tohats hoboto a ka a töatöa teka i ka mei a man tönomo a man pakapaka, na nori i saputu has mei u mata i tuenrei ren na iahana u pakapaka has. Tara lan na bong nori e hets nitöar bate mar hets uaier teka: “Göagono, göagono, göagono Nonei a Tsunono e Sunahan te Tagala Koruna. Nonei e ka mam, na nonei e kana, Na nonei ena la has nama romana.”