U Bulungana u Niga tere Iesu Kristo te kolotein e Jon 14:2 - U Bulunagana U Niga

² A makum e gono tara luma tere Tamar, na lia e la silegu tegona hamatskö mam menai a man makum i tamilimiou. Te goma mana uaien ba lia tema antunan hatei ragilimiou tegona kato taatago mei lia a man makum i tamilimiou.

U Bulungana u Niga tere Iesu Kristo te kolotein e Jon 14:2 Iomraidhean Croise

U Bulungana u Niga tere Iesu Kristo te kolotein e Luk 14:22

E ma manasai ba nonei emi poeiena tara tsunono i tanen, ‘O tsunono, alia e katoe gula a ka te ranga namula lö, kaba a kannou e antuna hasina, a palai gi la noama.’

U Bulungana u Niga tere Iesu Kristo te kolotein e Jon 13:33

A matsi galapien, alia e ka gono mera goulimiou tara tsitabubun pöata patu, ba lia te töan laba ragou limiou. Alimiou e sakie moulia, kaba lia u mar ranga uu tara pal kapan turu Jiu teka, temar ranga has uagu lia i tamilimiou, ‘Te la uagu lia alimiou ema antunan la mumei.’

U Bulungana u Niga tere Iesu Kristo te kolotein e Jon 13:36

Be Saimon Pita e poeiena tere Iesu, “O Tsunono, ime te la uamou lö?” Be Iesu e ranga palise nen me poeiena, “Alö ema antunan kukute namoi lia tara pöata teka tara han te la uagou lia, kaba lö e kukute moto mou.”

U Bulungana u Niga tere Iesu Kristo te kolotein e Jon 14:28

Alimiou e hengoe mula alia e pei gula i tamilimiou, ‘Alia e lagou, kaba lia e la pouts has guma romana i tamilimiou.’ Te ngile mia limiou alia, alimiou go sasaala meiam te la uagu lia tere Tamar, taraha e Tamar te pan bala nanou lia.

U Bulungana u Niga tere Iesu Kristo te kolotein e Jon 16:4

Alia e hatei ragi limiou a manka teka ba tara pöata te butu nouen, ba limiou te hakats kap namou u raranga tu hala mam ra ii lia alimiou.” Be Iesu e pei lelena, “Alia uma hatei mam railimiou a manka teka, taraha alia u ngilin gamon ka gono meraiou limiou.

U Bulungana u Niga tere Iesu Kristo te kolotein e Jon 17:24

“O Tamagulia, alö u hala rema u katuun teka i tar, na lia e ngilegu nori egina ka gono meiou lia tara makum tena ka goua lia. Ba nori tena tare riou a nikapan i tar, a nikapan tu hale mei lö alia, taraha alö u ngil korueiou lia i mam te butuia a han i puta.

Aposol 9:16

Alia peisa te haröte goien romana a kamits pan tena lue nouen. U katuun te rama nariou lia e kato hakamitse rouen romana.”

2 Korin 5:1

Alam e atei silem te rure roua a taluhu na i puta te ka mia lam, alam ena luemou a luma a tsimus te halani e Sunahan i Kolö. A luma teka e möa ta katuun tega kuieien, e kana i Kolö na e ka nitöa nou.

1 Tesalonaika 5:9

Taraha, e Sunahan ema hopö kap meraira tara nihahuna. E möa. Nonei e hopö kapiin tega luba meraien ra tara niomi, taraha e Iesu Kristo a Tsunono i tarara e mate sil raioura.

Taitus 1:2

Ba nori te kameriou u hakhakatsina tegi hahaloso menaien a nitöatöa te ka nitöana. Na e Sunahan, tema tatei gamo nei e ranga hamana naia a nitöatöa teka i mamuna te butuia u puta.

Hibru 11:10

Taraha, e Abraham e hahalosi a han te gum hatagala koru te kui e Sunahan.

Hibru 13:14

Taraha, ara ema ka meri ta han i puta teka tega ka nitöa romana. E möa. Ara e hahalosera a han tena la nama romana, teka nitöa nou.

Hibru 6:20

Na e Iesu e tasu hakapa has ba raiou ra iahana Luman Lotu Pan i Kolö. Nonei e mam raiou ra tara makum te ka hamatsköna e Sunahan. Na nonei a tsunono pan turu pris te markato has uu e Melkisedek a pris. E Sunahan e katoe ii e Iesu a Pris a kapan saluhe te markato has uu e Melkisedek a pris.

Hibru 9:8

U Namnamei u Göagono e hatalesala ra neira a maroro tegi la uu ra tara makum a göagono ema butu halesala noa ii. E markato uana teka, a makum tutuun e haharuei nena a markato na tara Lo na i manasa te antunana i romana. Na Makum a Göagono Koru e haharuei nena a makum te kana e Sunahan ema kalata noa nei tara pöata te ka noa ria u katuun tara luman lotu ti katoe ii u labalaba tuun.

Revelesin 21:2

Ba lia e taregu a Taun a Göagono, a Jerusalem a tsimus, bate koul nama i Kolö te kana e Sunahan. Nonei e tara haniga here ii a tahol te hitöl mena a tson i tanen bate haseiena a man hasobö a man niga.

Revelesin 3:12

A katuun te tagala saluhena, alia e kato here nagou ien a tuul pan iahana Luman Lotu Pan tere Sunahan. Nonei ema antunan laba nanou ii a makum a niga teka. Na lia e koloto nagoua i tanen a solo tere Sunahan na solona taun tere Sunahan, a Jerusalem a tsimus te koul nama romana i Kolö tere Sunahan. Na lia e koloto has nagia romana a solo a tsimus i tar i tanen.

Revelesin 3:21

A katuun te tagala saluhena, alia e haniga nagou tegona gum gono menaien lia turu gumgum u göagono i tar. Taraha, alia u tagala saluhe koru ba lia ena gum gono megu e Tamar turu gumgum u göagono i tanen.