U Bulungana u Niga tere Iesu Kristo te kolotein e Jon 14:12 - U Bulunagana U Niga

¹² U mana koru alia e hatei ragou limiou, a katuun te hamana uana i tar ena katoe nou a man toukui te katoe gulia. Na man toukui i tanen e la sei na nou a man toukui teka, taraha alia e la uagu tere Tamar.

U Bulungana u Niga tere Iesu Kristo te kolotein e Jon 14:12 Iomraidhean Croise

Matiu 21:21

Be Iesu e poeiena i taren, “Alia e hatei hamana ragou limiou, Te hamana koru mia limiou batema hula torimi, alimiou e tatei markato uamiou te markato uagu la lia turu ruein fik teka, na limiou e tatei mar ranga has uamiou teka turu pokus, ‘Alö go takei balö te lapo ba namia a peisamölö i tasi,’ ba nonei temar kato has uanou te ranga uami limiou.

U Bulungana u Niga tere Iesu Kristo te kolotein e Mak 11:13

Nonei e tare ma u töa u ruei te ngöeri u fik i lehana e tanian hulung pouts ba nonei ena tarena tego ka menaien ta hua. Pöata tena tukuien turu ruei teka, nonei e tari a kala puku, taraha a pöata tega hua meien ema butu noa ii.

U Bulungana u Niga tere Iesu Kristo te kolotein e Mak 16:17

Na u katuun te hamanar e katoeier romana a man mirakol tara nitagala tere Sunahan te markato uana teka: nori e poeier romana a solor bate tsuga ba raier u liliahanei u omi. Na nori e ranga ria romana tara man ranga man tsimus tema atei sileri.

U Bulungana u Niga tere Iesu Kristo te kolotein e Jon 14:28

Alimiou e hengoe mula alia e pei gula i tamilimiou, ‘Alia e lagou, kaba lia e la pouts has guma romana i tamilimiou.’ Te ngile mia limiou alia, alimiou go sasaala meiam te la uagu lia tere Tamar, taraha e Tamar te pan bala nanou lia.

U Bulungana u Niga tere Iesu Kristo te kolotein e Jon 16:7

Kaba lia e hatei hamana ragou limiou, a tou la pouts i tar, a niniganiga i tamilimiou. Kaba tema la pouts goi lia, a katunun hihitaguhu ema antunan la namei romana i tamilimiou. Kaba te la pouts goua lia, ba lia te hala nagu men romana i tamilimiou.

U Bulungana u Niga tere Iesu Kristo te kolotein e Jon 5:20

E Tamar e ngil koruena a Pien i tanen, bate haröte neien a mamanaka hoboto te katoe nen. Na nonei e haröte noien romana a man mirakol te pan bala nena u mirakol teka, ba limiou te asingoto koru mou.

U Bulungana u Niga tere Iesu Kristo te kolotein e Jon 7:33

Be Iesu e poeiena turu katuun, “Alia e gamon ka gono mera gou limiou, balia te la pouts uagou tara han tu la ma lia.

U Bulungana u Niga tere Iesu Kristo te kolotein e Jon 7:39

E Iesu e rangein u Namnamei tere Sunahan tega hala nema e Sunahan turu katuun ti hamanaia tere Iesu. Kaba e Sunahan ema hala noa namei u Namnamei i tanen, taraha nonei ema hapan noe nei e Iesu i Kolö.

Aposol 10:46

Taraha nori i hengoe ti ranga uaien tara man taina man ranga me soloseier e Sunahan. Be Pita e poeiena, “U katuun teka e lu haser u Namnamei u Göagono tu mar lu has menaien lam. E möa ta katuun tega antunan hapioun tegi baptais merai u katuun teka u ramun,”

Aposol 16:18

A tahol teka e kato nitöa las uu teka turu mamana u lan. E Pol e sökana koru mei te rangan töa uu a tahol ba nonei e habiritsina me poeiena tara liliahanei, “Alia e ranga megou lö tara solona e Iesu Kristo, alö go koul ban a tahol teka.” Ba nonei tara tsi pöata puku has ba liliahanei e laba nanen.

Aposol 19:12

U hangitsip tsi u labalaba te sebeli a tuenreina e Pol i söata menai turu katuun ti siki ba man siki taren te laba ranen, na u liliahanei u omi i koul ba hasir u katuun bate lar.

Aposol 2:33

Na nonei e la hakapa uu iasa mena gumna i rehina e Sunahan, be Sunahan e hale neien u Namnamei u Göagono te ranga mam naien i manasa. Na, a ka te tare milimiou na te hengoe milimiou nonei u Namnamei teka te hala rameien lam.

Aposol 2:41

U katuun ti hengoe u ranga i tanen bate sasaala meren i baptaisir. E sukusukuia turu 3,000 turu katuun ti baptaisir nonei turu lan teka temi hahonoto gono mer u katunun tsitsilo.

Aposol 4:33

U aposol i hatein u raranga te takei pouts uu a Tsunono e Iesu, na u ranga i taren e tagala koru. Be Sunahan e hala hoboto raneien a nisasaala pan.

Aposol 4:4

Kaba a katuun a parpara koru ti ka me hengoeier u raranga i taren me hamana korur, me hapara lel raier a pala ti hamana mamia tere Iesu. Na u hihase tara pal tson hoboto e sukusukuia turu 5,000.

Aposol 5:15

Ba u katuun e söata halakasa merari u katuun ti ka mei a siki i kalana mena hopö rarien tara man inana na man holholasa. Nori i markato uu teka ba pöata te la ma e Pita ba u oho tanen te kopo rena a palai i taren bate kato haniga pouts ranen.

Aposol 6:7

U raranga tere Sunahan e tasata susul noahas. Na u hihase turu katunun tsitsilo i Jerusalem e para susul koru hamanasa tala, na para koru has a man pris turu Jiu i hengo koru talei u nihamana teka.

Aposol 8:7

U liliahanei u omi i ku hapan koru bate lakasa ba raruma u katuun u para ti ka ien. Na u katuun u para ti matekata na ti mou omi i kato haniga pouts hasir.

Aposol 9:34

Be Pita e poeiena i tanen, “O Ananias, e Iesu Kristo e kato hanige poutse nolö. Alö go takei balö te hamatsköem a holholasa i tamölö.” Ba nonei e takei soköna.

Aposol 9:40

Be Pita e halakasa hoboto ranen, ba nonei e hatukununa me singo uana tara Tsunono. Ba nonei e habirits uana tara tahol a mate me poeiena, “O Tabita, alö go takei!” Ba tahol e hakalatena a matanen. Ba pöata te tareien e Pita, ba nonei e gum seina.