U Bulungana u Niga tere Iesu Kristo te kolotein e Jon 13:18 - U Bulunagana U Niga

¹⁸ “U raranga teka ema la uanei i tamilimiou hoboto. E möa. Alia e atei silegu u katuun tu hopö kapir lia. Na u ranga turu Buku u Göagono e butu hamana nou te poeiena, ‘A katuun te nou gono meiou lia ena haröto nanoua lia turu katuun te paköe riou lia.’

U Bulungana u Niga tere Iesu Kristo te kolotein e Jon 13:18 Iomraidhean Croise

Matiu 10:36

U katuun noahas i luma i tamölö tena kato homie rioulö.’

Matiu 26:21

Ba tara pöata ti nouien be Iesu e poeiena i taren, “Alia e hatei hamana koru ragou limiou, a töa i tamilimiou e haröto nanoa lia turu katuun ti korupakö neiou lia.”

Matiu 26:23

Be Iesu e ranga palis ranen me poeiena, “A töa i tamilimiou te habu gono melalei lia a beret tara töa pelete, nonei tena haröto nanoa lia turu katuun ti korupakö naiou lia.

U Bulungana u Niga tere Iesu Kristo te kolotein e Mak 14:17

A pöata te lahibong ia a ka be Iesu e la gono merena a maloto na huol a katunun tsitsilo i tanen.

U Bulungana u Niga tere Iesu Kristo te kolotein e Mak 14:18

Na tara pöata ti gumien bate nour be Iesu e poeiena, “Alia e hatei hamana koru ragou limiou, a töa i tamilimiou ena haröto nanoua lia turu pakö i tar, a katuun teka e nou gono has menou lia.”

U Bulungana u Niga tere Iesu Kristo te kolotein e Mak 14:20

Be Iesu e ranga palisina, “Nonei a töa tara maloto na huol a katuun teka te habu gono melalei lia a beret tara töa pelete.

U Bulungana u Niga tere Iesu Kristo te kolotein e Luk 22:21

“Kaba taraiam, a katuun te hala nanoua lia turu pakö i tar e nou gono has menou lia tara kannou teka!

U Bulungana u Niga tere Iesu Kristo te kolotein e Jon 13:21

E Iesu e ranga hakapa las uu teka ba peisanen te tiama koru hamanasana, ba nonei e ranga hapanina me poeiena, “U mana koru alia e ranga hamana mera goulimiou, a töa i tamilimiou ena haröto nanoua lia turu katuun te paköe riou lia.”

U Bulungana u Niga tere Iesu Kristo te kolotein e Jon 13:22

Ba u katunun tsitsilo i tanen e hiataratarar. Nori ima atei silei esi te ranga naien.

U Bulungana u Niga tere Iesu Kristo te kolotein e Jon 13:26

Be Iesu e poeiena, “Alia e habue go a tsi taposen beret bate hale goien a katuun teka.” Ba nonei e habuena a tsi taposen beret me hale neien e Judas, a pien tere Saimon Iskariot.

U Bulungana u Niga tere Iesu Kristo te kolotein e Jon 15:16

Alimiou uma hopö kap nami lia kaba alia tu hopö kap raiou limiou. Na lia u tus raiou limiou tego tataala uaiam limiou bate katoe miou u ngil tere Sunahan. Be Tamar te hala ranoui limiou a manka te singo sile moua limiou tara solor i tanen.

U Bulungana u Niga tere Iesu Kristo te kolotein e Jon 15:19

Sanena tego katuun uami limiou i puta, u katuunur i puta sane ngil rariou limiou. Kaba e moa tala. Nori ema ngil rari limiou, taraha alimiou ema katuun lel uami i puta. Alia u luba hakapa raia limiou tara markatona i puta, nonei te raharaha be rari limiou u katunura i puta.

U Bulungana u Niga tere Iesu Kristo te kolotein e Jon 15:25

Nori e markato uar teka ba u raranga ti koloto naia turu Buku u Göagono te manana te poeiena, ‘Alia uma katoi taka ta omi, kaba nori i omi noa haseiou lia.’

U Bulungana u Niga tere Iesu Kristo te kolotein e Jon 17:12

Pöata tu ka gono meraien lia, alia u tara kap raien tara nitagala i tamölö. Alia u tara kapir u katuun tu hala ramei lö alia. A töa puku a katuun te taia, temar hatei mam menaien u Buku u Göagono.

U Bulungana u Niga tere Iesu Kristo te kolotein e Jon 18:32

A ka teka e kato hamani u raranga tere Iesu te ranga mam naien nori ena hakutie rien romana tara kuruse, taraha u katunura i Rom pepeisa te antunan markato uar teka.

U Bulungana u Niga tere Iesu Kristo te kolotein e Jon 19:24

Ba u soldia e hiararangar me poeier, “Aragi ma kiis kakateien. Aragi pilei satu sil tuneien bara te tare rou esi te lue noien.” A ka teka e butu sil tega mana uu raranga turu Buku u Göagono te poeiena: “Nori i molamoleia a peisaren a man hasobö i tar. Ba nori e pilei satu siler esi tega lu u hasobö u ngahangaha i tar.” U soldia i markato has menaien teka.

U Bulungana u Niga tere Iesu Kristo te kolotein e Jon 19:36

A ka teka e butu bate kato hamanena u raranga turu Buku u Göagono te poeiena, “E möa tu töa tu tsinö i tanen tegi tatei peko romani.”

U Bulungana u Niga tere Iesu Kristo te kolotein e Jon 21:17

Ba e Iesu e rangata hatopiseiena e Pita me poeiena, “O Saimon, a pien tere Jon, alö e ngil hase moulia?” Ba torina e Pita e tiama koru tala mei te rangata hatopisa uu e Iesu me poeiena, “Alö e ngile moulia?” Ba nonei e poeiena tere Iesu, “O Tsunono, alö e atei silem a mamanaka hoboto, na lö e atei sil hasem alia e ngil korue goulö.” Be Iesu e poeiena i tanen, “Hanouri u sipsip i tar.

U Bulungana u Niga tere Iesu Kristo te kolotein e Jon 6:70

Be Iesu e ranga palis ranen me poeiena, “Alia u hopö kap riou limiou a maloto na huol a katuun. Kaba a töa i tamilimiou a katuun tere Satan.”

2 Korin 4:5

Alam ema habulungana nami a peisamulam. E möa. Alam e habulungana nem e Iesu Kristo nonei a Tsunono, na lam u katunun kui i tamilimiou e ka silem nonei e Iesu.

Hibru 4:13

E möa ta töa ta ka tegi antunan hamous banai e Sunahan, taraha nonei e tarena a mamanaka na mamanaka hoboto e kana ielesala. E Sunahan puku noahas te antunan oneiena a mamana markato i tarara.

Revelesin 2:23

Alia e atung hamate has ragou u katuun te kukutier a tahol teka. Ba u katuun hoboto te lotu ria tara solona e Kristo te atei sile riou alia e tara bubutegu a bakuna a katuun na i torinen has. Ba lia te hala ragi limiou romana a man tötöa u hamatana e popona tara manka tu katoeiam limiou.