U Bulungana u Niga tere Iesu Kristo te kolotein e Jon 1:29 - U Bulunagana U Niga

²⁹ Turu tana u lan be Jon e tarena e Iesu e la uama i tanen, be Jon e poeiena turu katuun, “Taraiam, nonei teka a Tunan Sipsip tere Sunahan. Nonei tena luba nanou a man markato a man omi turu katuun i puta.

U Bulungana u Niga tere Iesu Kristo te kolotein e Jon 1:29 Iomraidhean Croise

Matiu 1:21

Nonei e pose nou a pien tson, balö te ngöe moien e Iesu, e mar mouna uana teka, A Katuun a Hihitaguhu. Nonei e taguhu ranou u katuun i tanen bate luba nanou a man markato a man omi i taren.”

U Bulungana u Niga tere Iesu Kristo te kolotein e Jon 1:35

Turu tana u lan be Jon e tuol gono pon meraiena a huol a katunun tsitsilo i tanen.

U Bulungana u Niga tere Iesu Kristo te kolotein e Jon 1:36

Ba pöata te tareien e Iesu e tataalama ba nonei e poeiena, “Taraiam nonei a Tunan Sipsip tere Sunahan i tioum.”

U Bulungana u Niga tere Iesu Kristo te kolotein e Jon 1:43

Turu tana u lan e Iesu e hakatsin tega lauen tara han i Galili. Nonei ena sabi e Pilip me poeiena i tanen, “Kukute mumou lia.”

U Bulungana u Niga tere Iesu Kristo te kolotein e Jon 2:1

Turu hatopisana u lan, a töa katuun e hitöl ia tara taun i Kena tara provins i Galili, e tsinana e Iesu e ka has.

U Bulungana u Niga tere Iesu Kristo te kolotein e Jon 3:16

E Sunahan e taatagi sil koru rema u katuun hoboto me hala nenama a töa koru a Pien Tson i tanen. Na katuun te hamana uana i tanen ema antunan tia noi romana kaba ena ka menou a nitöatöa te ka nitöana.

U Bulungana u Niga tere Iesu Kristo te kolotein e Jon 4:42

Ba nori e hateier nonei a tahol me poeier, “Alam u tanian hamana uu tere Iesu tu hengo menai lam u ranga i tamölö. Kaba, alam e hamana koru lel talam, taraha alam e hengo peisa tala mula, na lam e atei sil hamana koru talem, nonei koru a katuun teka ti hala sile mei tegomi luba menaien a man markato a man omi turu katunura i puta.”

U Bulungana u Niga tere Iesu Kristo te kolotein e Jon 6:51

Alia nonei a kannou te hala nena a nitöatöa te lama i Kolö. E si te nouna tara kannou teka e ka me nou a nitöatöa te ka nitöa nou. Na kannou te hala negu lia tena ha töatöa ranou u katunura i puta, nonei u tuenrei i tar.”

Aposol 13:39

A Lo tere Mosis ema antunan luba nanei a markato a omi i tamilimiou bate ngö ranei limiou u katuun u matskö. Kaba e Iesu e luba nena a markato a omi hoboto turu katuun te hamana uaier i tanen, bate ngö has raneien u katuun u matskö.

Aposol 8:32

A makumun ranga turu Buku u Göagono te tareien e markato uu teka: “Nonei a katuun e here nei a sipsip tena piou ner tara makum te atung hamate raria u sipsip. Nonei e here nei a tunan sipsip tena tuol hakakamotona tara makum te kotskotseria u hulu tara sipsip batema ngala nei. Na nonei ema ranga has nei.

1 Korin 15:3

Na lia u hala rai limiou u raranga u kapan koru tu lu mami lia te markato uana a ka teka, e Kristo e mate sil a man markato a man omi i tarara, temar ranga uana u Buku u Göagono.

2 Korin 5:21

E Sunahan e hasöatei e Kristo, tema ka korumei ta markato ta omi, a man markato a man omi i tarara. Ba tara markato teka e Kristo e hagogoso beraira tegi matskö uu ra tere Sunahan.

Galesia 1:4

E Kristo e mate sil tego luba menaien a man markato a man omi i tarara, na tego purese pouts meraien ra tara markato a omina i puta. Nonei e markato uu temar ngil uu e Sunahan e Tamarara.

Galesia 3:13

Na e mar ranga has uana teka, “A katuun te hakute ria turu ruei bate matena e ka mena u rangan korupakö tere Sunahan i peisanen.” Na e Kristo te sakahis raiara turu rangan korupakö te hala nena a Lo, taraha nonei e luba naia u rangan korupakö teka i peisanen te mate ien tara kuruse.

1 Timoti 2:6

Nonei e hala sile ii a peisanen tego sakahis meraien u katuun hoboto, bate haröto nena u ngilngil tere Sunahan i tarara, tere na pöata peisa noahas ien.

Taitus 2:14

Nonei e hala sile ii a peisanen tego sakahis meraien ra tara mamana markato a omi. Na nonei e mate sil tego kato hagogoso meraien ra, u katuun i tanen, bara te hun katuun uara i tanen bate kato hatagalera a man markato a man niga.

Hibru 1:3

A Pien Tson i tanen nonei u namnamei turu ualesala tere Sunahan. Nonei e here korue nei e Sunahan, na mamanaka hoboto e ka haniga silana turu raranga u tagala i tanen. I murina te galus ba naien a man markato a man omi turu katuun, ba nonei ena gumna tara pal matou tere Sunahan iasa koru i Kolö.

Hibru 2:17

Na e matsköna te butu here meraien u toulanen tara mamana markato bate töan luena a toukui tara tsunono pan turu pris te taatagi rena u katuun bate roron kui haniga beiena e Sunahan. Nonei e kato sile ii a ka teka tega luba menaien a man markato a man omi turu katuun bate tara pouts bera neien e Sunahan.

Hibru 9:28

Na e markato has uana iesana, e Kristo e halan a peisanen tara töa puku a pöata tega luba menaien a man markato a man omi turu katuun u para. Na nonei emi butu hahuol nou romana. Nonei ema la hahuol sile namei romana tegomi luba lel menaien a man markato a man omi. E möa. Nonei e la sile nama romana tegomi taguhu meraien u katuun te hahalose ren.

1 Pita 1:19

E möa. Nonei e sakahis rai limiou u rahatsing tere Kristo, te la sei ba nena a mamana mar hihol hoboto. E Kristo e here ii a tunan sipsip a niga koru te haats ner tema ka menei taka ta omi i tanen.

1 Pita 2:24

E Kristo noahas te söata menai a man markato a man omi i tarara i peisanen te mateien tara kuruse. E markato uu teka tegi mate ba menai ra a man markato a man omi bate töatöa silera a markato a matskö. Nonei e lu sile ii a man takiraha i peisanen tegi niga pouts uu ra.

1 Pita 3:18

Taraha, e Kristo e sagoho kamits sil hasi a man markato a man omi i tarara. Na nonei e mate a töa puku a pöata. Nonei a katuun a niga te mate silir u katuun u omi. E kato sil tega peigi meraien ra tere Sunahan. A tuenreinen e mate, kaba nonei e töatöa mei a markato turu namnamei, batena rarariena u raranga tara man namnamei ti kaia tara makumun kits.

1 Jon 2:2

Taraha, e Iesu te sakahis raioura tere Sunahan tara pöata te mateien. Nonei ema kato pepeisa beraira a ka teka. Kaba nonei e kato mei a ka teka tega taguhu meraien u katuun hoboto tara mamana han i puta.

1 Jon 3:5

Alimiou e atei silemiou e Kristo e butu silema tegomi luba menai a man markato a man omi. Na nonei ema ka menei ta markato ta omi.

1 Jon 4:10

A mouna u ngilngil hamana e mar butu uu teka: ara tima ngil mame ii e Sunahan. E möa. E Sunahan te ngil mam raioura ba nonei e taatagi ranoura me hala nenama a Pien Tson i tanen, tegomi lupouts meraien ra tara man markato a man omi i tarara.

Revelesin 12:11

Nori i tagala saluheien tara nitagala turu rahatsing tara Tunan Sipsip na turu ranga hamana ti habulungana naien. Nori ima peits nai a peisaren, na ima matout hasei tegi mate sil menaien e Sunahan.

Revelesin 13:8

Ba u katuun hoboto te ka roua i puta te hatsunone rouen romana, u katuun hoboto tima koloto nai a soloren iahana u bukuna tara nitöatöa i mam te habuteia e Sunahan a mamanaka. Nonei u buku teka u bukuna tara Tunan Sipsip ti atung hamati.

Revelesin 14:1

Ba lia e taregu nonei a Tunan Sipsip bate tuoluna ieluna u pokus i Saion. Na u 144,000 tara katuun i ka gono meien. Nori i titi hakapa naia a man solo i poleren, a solona Tunan Sipsip na solo has tere Tamanen.

Revelesin 14:4

Nori a pal tson u gogoso tima opö gono mei ta tahol. Nori u katuun u masura ti kukute a Tunan Sipsip tara mamana makum te la uaien. E Sunahan e sakahis ba raien u katuun hoboto i puta, na nori a hun katuun tutuun te lu pouts merai e Sunahan i tanen na tara Tunan Sipsip.

Revelesin 15:3

Nori i kömei u hets tere Mosis a katunun kui tere Sunahan na u hets tara Tunan Sipsip, bate mar hets uaier teka: “O Tsunono, o Sunahan, alö te tagala saluhem! A man toukui i tamölö e pan koruna na e niga soköna. Alö a Tsunono Pan turu han hoboto. A man markato i tamölö e matsköna na e mana hasina.

Revelesin 17:14

Nori e hiatatung gono meriou a Tunan Sipsip, kaba nonei e tusaluhe ranouen. Taraha? Nonei a Tsunono te tusaluhena turu tsunono hoboto na nonei a katuun a kapan tara pal kapan hoboto, na pala i tanen nori u katuun te ngöri e Sunahan me hopö kap ranen ba nori e kukutie ren.”

Revelesin 19:7

Aragi sasaala koru bate soloseie ren. A pöatan hitöl tara Tunan Sipsip e butu hakapa, na tahol i tanen e lu hatolo hakapi a peisanen.

Revelesin 19:9

Ba nonei a angelo e poeiena i tar, “Alö go kolotein a ka teka: U katuun ti hangö merai tara kannouna tara hitöl tara Tunan Sipsip egi sasaala!” Ba nonei e pei hasena, “Nonei u raranga hamana tere Sunahan teka.”

Revelesin 21:14

A ololo tara taun i hatakeia ieluna a maloto na huol a hatu ti koloto naia u solo tara maloto na huol a aposol tara Tunan Sipsip.

Revelesin 21:27

Kaba a katuun a katokato homi na gamogamo tsi ta töa ta ka ta omi ema antunan tasu noi romana. U katuun peisa a soloren ti koloto hakapa raia iahana u bukuna tara nitöatöa tara Tunan Sipsip te tatei tasu riou.

Revelesin 21:9

Ba töa angelo e la uanama i tar. Nonei a töa tara tohit a angelo ti ka mei a tohit a kap te saputi a tohit a nomi te kato homir u katuun. Ba nonei e poeiena i tar, “Lama, balia tena haröte goilö a Tahol tara Tunan Sipsip.”

Revelesin 5:6

Ba lia e taregu a töa Tunan Sipsip. Nonei e tuol ia i gusur a tohats a ka a töatöa na u tsunono i rehina u gumgum u göagono. A Tunan Sipsip e tara here ii atung hamati me töatöa poutsuna. Nonei e ka mei a tohit a kii na u tohit u mata te haharuein u tohit u namnamei tere Sunahan te hala menai e Sunahan tara mamana han hoboto i puta.

Revelesin 5:8

Pöata te lu hakapeien a pits pepa, ba tohats a ka a töatöa na u huol u maloto na tohats a tsunono e hopöe ria a peisaren i puta i matana Tunan Sipsip. Nori i ka hoboto mei a man kaan köma te ngöeri a hap na man kap ti katoe ii a goul e saputi u insens. U insens e haharuei nena a man singosingo turu katuun tere Sunahan.

Revelesin 6:1

Alia u tara ba Tunan Sipsip te lukapena a töa tara tohit a kaan harokotokap. Ba lia e hengogu ba töa tara tohats a ka a töatöa te poeiena, “Lamuma,” u ranga i tanen e ling herenei u gururu.

Revelesin 6:16

Ba nori e ku uaier tara pokus na turu hatu me poeier, “Rus uamuma ielumulam bate hamous ba rami lam a matana e Sunahan e gumna turu gumgum u göagono. Hamous barami lam a raharaha pan tara Tunan Sipsip.

Revelesin 7:14

Ba lia e poeiegu i tanen, “A tsi tsunono, alö te ateim.” Ba nonei e poeiena i tar, “Nori u katuun ti lama tara pöata tara kamits pan. Nori i galus hahiake mei u hasobö i taren u rahatsing tara Tunan Sipsip.

Revelesin 7:17

Taraha? A Tunan Sipsip te taratara kap ranouen, nonei te kana i gusuna u gumgum u göagono tere Sunahan. Nonei e peigi mera noien tara man ramun te bututuna te hala nena a nitöatöa. Na e Sunahan e hasokolei nitöa ranouen.”