U Bulungana u Niga tere Iesu Kristo te kolotein e Jon 1:14 - U Bulunagana U Niga

¹⁴ U Ranga e butun katunuma memi kana i gusurara. Nonei a tsonun hihitaguhu na tsonuna tara nimana. Alam u tara hakapi a nitsunono i tanen, a mar nitsunono te kamena a töa koru a Pien Tson tere Sunahan, e Tamanen i Kolö.

U Bulungana u Niga tere Iesu Kristo te kolotein e Jon 1:14 Iomraidhean Croise

Matiu 1:16

Be Jekop e hatuhanena e Josep a tson tere Maria. E Maria te posei e Iesu, te ngö haseri e Kristo e Mesaia.

U Bulungana u Niga tere Iesu Kristo te kolotein e Luk 2:11

A Tson Hitaguhu i tamilimiou e pose lila i bong teka tara taun tere Devit. Nonei a katuun tega la uama i puta te ngöe roui e Kristo. Nonei a Tsunono!

U Bulungana u Niga tere Iesu Kristo te kolotein e Luk 2:7

Ba nonei e poseiena a pien tson a hamua i tanen me pitse neien u labalaba me hopöe nen tara bokisin nonou turu bulmakau. Taraha? E möa ta makum i taren tara luman soho.

U Bulungana u Niga tere Iesu Kristo te kolotein e Luk 9:32

I mam tara pöata teka e Pita na pala ti ka gono meien i topi koru me sohor. Kaba nori i tagule me tarer u ualesala tere Iesu na huol a katuun ti tuol gono meien.

U Bulungana u Niga tere Iesu Kristo te kolotein e Jon 1:1

Tara tantania e kamei u Ranga, u Ranga e kagono mei e Sunahan na u Raranga teka nonei e Sunahan.

U Bulungana u Niga tere Iesu Kristo te kolotein e Jon 11:40

Be Iesu e poeiena i tanen, “Alia e hatei hakape gölo lö, te hamana mia lö i tar, balö te tare mou a nitagala pan tere Sunahan.”

U Bulungana u Niga tere Iesu Kristo te kolotein e Jon 14:6

Be Iesu e poeiena i tanen, “Alia a maroro, na lia a nimana, na lia a nitöatöa. E möa ta taiana ta maroro tego la u tere Tamar. Alia puku a maroro tere Tamar.

U Bulungana u Niga tere Iesu Kristo te kolotein e Jon 14:9

Be Iesu e poeiena i tanen, “Alia u solon ka gono meraiou limiou. Ba lö, o Pilip, tema atei sil noahase milia? A katuun te tare noulia e tara hasena e Tamar. Aha te pei sile milö, ‘Haröto ramei lam e Tamamölö?’

U Bulungana u Niga tere Iesu Kristo te kolotein e Jon 17:22

Na lia e hala ragien a nikapan tu hala hase mei lö alia. Taraha, alia e ngilegu nori egi herei a toa katuun, te markato has uarara.

U Bulungana u Niga tere Iesu Kristo te kolotein e Jon 17:24

“O Tamagulia, alö u hala rema u katuun teka i tar, na lia e ngilegu nori egina ka gono meiou lia tara makum tena ka goua lia. Ba nori tena tare riou a nikapan i tar, a nikapan tu hale mei lö alia, taraha alö u ngil korueiou lia i mam te butuia a han i puta.

U Bulungana u Niga tere Iesu Kristo te kolotein e Jon 18:37

Be Pailat e poeiena i tanen, “Kaba lö a king noahas, boka?” Be Iesu e poeiena, “Aa, nonei a ka ti posa silei lia. Alia u tuhana sileia i puta tego hatei merai u katuun a Nimana. U katuun hoboto te ngiler u Mana e hengo hanige rioulia.”

U Bulungana u Niga tere Iesu Kristo te kolotein e Jon 2:11

E Iesu e katoei u mirakol teka, u hiharöto tutuun i tanen, i Kena tara provins i Galili. Na nonei e haröto rai u katuun temar pan uanen, ba u katunun tsitsilo i tanen e hamana uar i tanen.

U Bulungana u Niga tere Iesu Kristo te kolotein e Jon 3:16

E Sunahan e taatagi sil koru rema u katuun hoboto me hala nenama a töa koru a Pien Tson i tanen. Na katuun te hamana uana i tanen ema antunan tia noi romana kaba ena ka menou a nitöatöa te ka nitöana.

U Bulungana u Niga tere Iesu Kristo te kolotein e Jon 3:18

A katuun te hamana uana tara Pien Tson tere Sunahan ema kout naroi kaba a katuun tema hamana nei e ka noa has mena u kout, taraha nonei ema hamana uai tara töa koru a Pien Tson tere Sunahan.

U Bulungana u Niga tere Iesu Kristo te kolotein e Jon 6:51

Alia nonei a kannou te hala nena a nitöatöa te lama i Kolö. E si te nouna tara kannou teka e ka me nou a nitöatöa te ka nitöa nou. Na kannou te hala negu lia tena ha töatöa ranou u katunura i puta, nonei u tuenrei i tar.”

U Bulungana u Niga tere Iesu Kristo te kolotein e Jon 8:32

Ba limiou te töan atei sile mou a nimana, na nonei a nimana teka te purese ranou limiou.”

U pas te koloto menai e Pol turu kristenira i Rom 8:3

E Sunahan e kato a töa ka a niga koru, na Lo tere Mosis ema antunan katoe ii a ka a niga teka, taraha u ngilngilina i puta ema antunan kukute ii a Lo teka. Be Sunahan e hala nenama a Pien Tson i tanen peisa memi lueiena u tuenrei te markato uu turu tuenrei i tarara me mate silena a markato a omi. Ne Sunahan e luban a nitagala tara markato a omi te kana turu tuenrei i tarara.

U pas te koloto menai e Pol turu kristenira i Rom 9:5

U katuun pan tere Sunahan i kaia i gusura u tuburen. Na e Kristo has e butun katuun ia turu Jiu, e Kristo te pan talana tara mamanaka. E Sunahan e tatei kato hasasaale nen tara mamana pöata. U mana.

1 Korin 15:47

A Adam tutuun i katoe ii u tsiktsikina i puta. Kaba a hahuoluna Adam, e Kristo, nonei a Tsunonona i Kolö.

2 Korin 12:9

Kaba nonei e pei i tar, “A nihitaguhu i tar e antunana i tamölö, taraha a nitagala i tar e butuna tara nipata i tamölö.” Balia te sasaalagu bate ranga sesei negu a manka te haröto nena alia ema tagalagi, ba nitagala tere Kristo te tatei kagono menoulia.

Galesia 4:4

Kaba tara pöata hamatskö te hopö kapiin e Sunahan, ba nonei e hala nenama a Pien Tson i tanen. A tahol te poseien, ba nonei e kana i kopina a Lo turu Jiu.

Epesis 3:8

Alia e ka puta koru gia turu katuun hoboto tere Sunahan. Kaba e Sunahan e taatagi naiou lia me hale ne lia a toukui tego hahatei merai lia alimiou u katuun tema Jiu ri a manka a man kapan te nigana tere Kristo, bate haröto has ragi u katuun hoboto temar butu hamana uanou u raranga te hamouseier tere Sunahan. E Sunahan te habuti a mamanaka, e hamous u raranga teka tara man pöata i manasa noa.

Kolosi 1:19

E Sunahan e sasaala koru mei te saputu menai e Kristo u Namnamei tere Sunahan.

Kolosi 2:3

A mamanaka a niga na niatei na nigumgum a niga e ka hanigan töana i tanen.

Kolosi 2:9

A mamanaka tere Sunahan e kana i tanen, a nikapan na mamana nitagala na niniganiga i tanen e kana turu tuenrei tere Kristo. Nonei a tsunono pan koru te pan saluhe ba rena u tsunono hoboto.

1 Timoti 3:16

Na ra hoboto e hia hanhaniga ner u lotu i tarara e ka mena a mamanaka a niga koru te haröto halakasa ner: E Kristo e butun Katunuma. U Namnamei u Göagono e harötein te matskö uanen. U angelo i tareien. U katuun i habulungana naien turu han hoboto. U katuun e hamana uaier i tanen. E Sunahan e lu pouts menaien i Kolö.

Hibru 1:3

A Pien Tson i tanen nonei u namnamei turu ualesala tere Sunahan. Nonei e here korue nei e Sunahan, na mamanaka hoboto e ka haniga silana turu raranga u tagala i tanen. I murina te galus ba naien a man markato a man omi turu katuun, ba nonei ena gumna tara pal matou tere Sunahan iasa koru i Kolö.

Hibru 1:5

E Sunahan ena mala mar ranga uai teka ta töa ta angelo i tanen bate poeiena: “Alö a pien Tson i tar. I romana alö e hatamana mia i tar.” Kaba nonei e mar ranga uu teka tara Pien Tson i tanen. Kaba nonei ema mala mar ranga uai teka ta töa ta angelo bate poeiena, “Alia e hapien nagouen, na nonei e hatamana noua i tar.” E möa. Kaba nonei e mar ranga uu teka tara Pien Tson i tanen.

Hibru 10:5

Pöata te katsin lama e Kristo tara han i puta, ba nonei e poeiena tere Sunahan, Alö ema ngil lenemi tegi haats uaien i tamölö. E möa. Alö i hale ii lia u tuenrei, ba lia te tatei katoe gou a mamanaka hoboto tu hopö kap bei lö alia ego katoeien.

Hibru 2:11

E Iesu e kato ranei ra u katuun u matskö tere Sunahan, na ra e ka mera a töa puku a Tamarara. Nonei tena matsingolo benei e Iesu te ngö mera neien ra u toulanen na u hahinanen.

Hibru 5:5

Na e kato has uana iesana tere Kristo. Nonei ema hala sei ii a peisanen tega tsunono pan uaien. E möa. E Sunahan noahas te katoe ii e Kristo a tsunono pan turu pris. Nonei e Sunahan te ranga mei e Kristo me poeiena, “Alö a Pien Tson i tar. I romana alö e hatamana mia i tar.”

1 Jon 4:14

Na ra i tara hakapa, e Tamarara e hala sile mei a Pien Tson i tanen tegomi haka haniga meraien u katunura i puta. Alam e hatei hamana koru namen.

1 Jon 4:9

E Sunahan e ngil koru raioura me haröto nena te taatagi koru meraien ra tara pöata te hala namen a töa koru a Pien Tson i tanen i puta. Nonei e la silema tegi lu menai ra a nitöatöa i tanen.

2 Jon 1:7

A para a katuun a gamogamo te hula la ria tara mamana han, bate holis ner te butun katuun hamana uu e Iesu Kristo. Na katuun te omiena e Kristo e markato has uana teka, nonei a katuun gamogamo.

Revelesin 19:13

U hasobö u ngahangaha te haseien i hapötöeia turu rahatsing. Na tana solo ti ngöeien nonei U Ranga tere Sunahan.

Revelesin 21:3

Ba lia e hengoegu u ranga pan te butuma turu gumgum u göagono me poeiena, “Tara iam. E Sunahan e ka gono tala meraiena u katuun i tanen. Nori e pala uariou tere Sunahan na nonei e Sunahan uanou i taren.