U Bulungana u Niga tere Iesu Kristo te kolotein e Jon 1:1 - U Bulunagana U Niga

¹ Tara tantania e kamei u Ranga, u Ranga e kagono mei e Sunahan na u Raranga teka nonei e Sunahan.

U Bulungana u Niga tere Iesu Kristo te kolotein e Jon 1:1 Iomraidhean Croise

U Bulungana u Niga tere Iesu Kristo te kolotein e Luk 24:53

Na tara mamana pöata nori i kaia i Luman Lotu Pan bate haniga uaier tere Sunahan.

U Bulungana u Niga tere Iesu Kristo te kolotein e Jon 1:14

U Ranga e butun katunuma memi kana i gusurara. Nonei a tsonun hihitaguhu na tsonuna tara nimana. Alam u tara hakapi a nitsunono i tanen, a mar nitsunono te kamena a töa koru a Pien Tson tere Sunahan, e Tamanen i Kolö.

U Bulungana u Niga tere Iesu Kristo te kolotein e Jon 1:18

E möa ta töa ta katuun tega tara noabi e Sunahan. Kaba a töa koru a Pien Tson i tanen, nonei has e Sunahan te sukusuku koruna i torina e Tamanen, nonei te haröto raira e Sunahan.

U Bulungana u Niga tere Iesu Kristo te kolotein e Jon 1:2

Nonei e ka gono mei e Sunahan tara tantania.

U Bulungana u Niga tere Iesu Kristo te kolotein e Jon 16:28

Alia u la ma tere Tamar me la uaguma i puta teka. Na lia e laba negu a han i puta bate la pouts uagou tere Tamar.”

U Bulungana u Niga tere Iesu Kristo te kolotein e Jon 17:5

Bara! O Tamar, hala tale mei lia a nikapan ti gum ma lia i rehimölö, a nikapan tu ka mam mei lia i mam te butuia a han i puta.

U Bulungana u Niga tere Iesu Kristo te kolotein e Jon 20:28

Be Tomas e ranga palis uana i tanen me poeiena, “O Tsunono na e Sunahan i tar!”

U Bulungana u Niga tere Iesu Kristo te kolotein e Jon 8:58

Be Iesu e poeiena i taren, “U mana koru alia e hatei hamana koru ragou limiou, alia u ka mam be Abraham e töan poseier.”

U pas te koloto menai e Pol turu kristenira i Rom 9:5

U katuun pan tere Sunahan i kaia i gusura u tuburen. Na e Kristo has e butun katuun ia turu Jiu, e Kristo te pan talana tara mamanaka. E Sunahan e tatei kato hasasaale nen tara mamana pöata. U mana.

Pilipai 2:6

Nonei na e Sunahan nori a töa, kaba e Kristo ema peits nai a nikapan i tanen. E möa.

Kolosi 1:15

E Kristo te hatara ranera ime te markato uana e Sunahan. Nonei te butu tutuun ia tara manka hoboto te habuti e Sunahan.

Kolosi 1:17

Nonei e ka mamin a mamanaka, na mamanaka hoboto e ka haniga sila ria tara nitagala i tanen.

1 Timoti 3:16

Na ra hoboto e hia hanhaniga ner u lotu i tarara e ka mena a mamanaka a niga koru te haröto halakasa ner: E Kristo e butun Katunuma. U Namnamei u Göagono e harötein te matskö uanen. U angelo i tareien. U katuun i habulungana naien turu han hoboto. U katuun e hamana uaier i tanen. E Sunahan e lu pouts menaien i Kolö.

Taitus 2:13

Tara pöata te hahalose riara a nisasaala te hamana sile rara, nonei a pöata te butu noua u hiharöto pan tere Sunahan a kapan i tarara, nonei e Iesu Kristo temi lu pouts ranou ra.

Hibru 13:8

E Iesu Kristo, nonei puku noahasina i manasa, na i romana na tara mamana pöata. Nonei ema tatei palis nei.

Hibru 7:3

E möa tu töa tu buku tega ranga hatein e Melkisedek e ka mei ta tamanen na ta tsinanen na ta tubunen, tsi tega ranga hatein nonei i posei, na tega ranga hatei hasiin nonei e mate. Nonei e here nei a Pien tson tere Sunahan. Nonei a pris na tara mamana pöata.

2 Pita 1:1

Alia e Saimon Pita, a katunun kui na aposol tere Iesu Kristo. Alia e hala menagi u pas teka i tamilimiou u katuun te hamana gono mera moulam. Ara e ka hoboto mera a nihamana te hala raira e Iesu Kristo na e Sunahan a Tson Hitaguhu i tarara. Nonei tara markato a matskö tere Iesu Kristo ba nonei te hala ranei ra u nihamana u niga.

1 Jon 5:20

Ara e atei silera a Pien Tson tere Sunahan e la silema i puta tegomi hala meraien ra a niatei tegi tatei atei sil menai ra e Sunahan hamana. Ara e ka gono mera e Sunahan hamana na e Iesu Kristo a Pien Tson i tanen. Nonei a Sunahan hamana teka, na a katuun te pala uana tara Pien Tson i tanen e ka mena a nitöatöa te ka nitöana.

1 Jon 5:7

Nori a topisa i habulungana hobotein u raranga i tanen,

Revelesin 1:11

Ba nonei e poeiena, “A manka te röte mou lö alö go koloto naien turu pepa, ba lö te hala mena mien tara tohit a hun katuun tere Kristo te ka ria i Epesis na i Smeena na i Pegamum na i Taiataira na i Saadis na i Piladelpia na i Laodisia.”

Revelesin 1:17

Pöata tu tareien lia, ba lia e tuhopö nena i mounen me heregi a katuun a mate. Kaba nonei e hatakopeia a pal matou i tanen i tar me poeiena, “Möa tu matout. Alia a Hahatania na Nikapakapa.

Revelesin 1:2

Alia e hatei negu a manka hoboto tu tari lia, u raranga tere Sunahan na tere Iesu Kristo.

Revelesin 1:8

E Sunahan a Tsunono e poeiena, “Alia a Hahatania na Nikapakapa. Na lia u ka mam noahas, na lia e kagu, na lia ena ka noahas gou i murimuri. Nonei Alia te solon tagala saluhe negu a mamanaka.”

Revelesin 19:13

U hasobö u ngahangaha te haseien i hapötöeia turu rahatsing. Na tana solo ti ngöeien nonei U Ranga tere Sunahan.

Revelesin 2:8

Ba nonei a katuun e ranga lenina me poeiena, “Alö go koloto menai u raranga teka tara angelo tara hun katuun tere Kristo te ka ria i Smeena: “U raranga teka u raranga tara katuun te ngöeri a Hahatania na ni Kapakapa, te mate me töatöa poutsuna.

Revelesin 21:6

Ba nonei e pei lelena, “E kapa tala! Alia a Hatania na a Kapakapa. Esi te makana alia e haue gouen u ramununa tara nitöatöa te bututuna na tema holeri.

Revelesin 22:13

Alia a Hatania na Kapakapa na tu Mam na tu Hamurimurima. Alia te ka gou tara mamana pöata.”

Revelesin 3:14

Nonei a katuun e hakapi u ranga me poeiena, “Alö go koloto menai u raranga teka tara angelo tara hun katuun tere Kristo te ka ria i Laodisia: “U ranga teka nonei u raranga tara katuun te ngöeri ‘U Mana,’ nonei te haröto hamana nena u raranga tere Sunahan. Na nonei a mouna a mamanaka hoboto te habuti e Sunahan.