Jemis 5:9 - U Bulunagana U Niga

⁹ A matsi hahatoulana, alimiou goma ranga memi a raharaha te ranga mia limiou tara tana katuun, be Sunahan tema ona has ranoui limiou. Taraiam, a Tsonun Hamou e sukusukun tukuna, e tuol na i matana a tamana.

Jemis 5:9 Iomraidhean Croise

Matiu 24:33

Te kato has uamou limiou, tara pöata te tare moa limiou romana a mamanaka hoboto teka, ba limiou te atei sile mou nonei e susukuna i matan tamana hamatskön töa.

U Bulungana u Niga tere Iesu Kristo te kolotein e Mak 13:29

Na e markato has uana iesana, pöata te tare mia romana limiou a manka hoboto teka e butuna, ba limiou te atei sile mou a pöata e sukusuku koru nama, e ka hamanasa na tara tamana.

U Bulungana u Niga tere Iesu Kristo te kolotein e Mak 6:19

E Herodias e ngil hasi e Jon egi ngats hamati, kaba ema antuna ii taraha,

1 Korin 10:11

A manka hoboto teka e butu sil tegi haröto meraira tegima markato uaira teka. I koloto sileien tego hatuts meraien ra a man markato teka, ara te töatöa noara te ka ria turu tsiktsiki teka te katsin kapa hamanasana a pöata.

1 Korin 4:5

Na limiou goma ona rami u katuun i mamuna a pöata tena la nama romana a Tsunono. Nonei te ona hamatsköe nou a manka te mousna turu kuhil bate hakei nouen turu ualesala, bate haröto has nanou u hakats turu katuun. Be Sunahan te hala ranoui u katuun hoboto u rangan haniga i taren.

2 Korin 9:7

Alimiou a man tötöa e tatei mar hala hapopo uamiou tu markato mena milimiou u hakats i tamilimiou. Alimiou goma hala memi a monin hitaguhu u huol u hakats, tsi te hala has uaier a palai. E Sunahan e ngil koru rena u katuun te sasaala mer te hala uaren.

Galesia 5:14

Taraha, u mamana u raranga hoboto tara Lo e kana iahana u töa puku u raranga teka: alö go mar ngil menai a tana katuun temar ngil has mena milö a peisa mölö.

Galesia 5:26

Ara gima tatei pei ara u katuun u kapan. Na ra gima tatei kato haraharahei a tabi bate hia o omira. E möa.

Jemis 4:11

A matsi hahatoulana, alimiou goma hiararanga homi mi. A katuun te ranga homi nena e toulanen e ranga homi has nena a Lo tere Sunahan. Na katuun te oneiena e toulanen bate pita pute nen e pita puta hasena a Lo. Kaba limiou go kukute hanigeiam a Lo. Nonei a toukui i tamilimiou. Alimiou goma peiemi a Lo e omina tsi e nigana.

Jemis 4:12

E Sunahan a töa puku te haleiema a Lo na te tatei ona hamatskö rena u katuun. Nonei e antunan luba rena u katuun tara nomi na nonei e antunan kato hamate has rena u katuun. E markato uana teka, alimiou goma onemi esi te nigana na e si te omina.

Jemis 5:10

U propet ti rangaia tara solona Tsunono i sagohi a kamits pan, kaba nori i hamana hatagala noahas batema ranga meri a raharaha. Na limiou go kato has uam iesana.

Jemis 5:7

A matsi hahatoulana, alimiou go hahaloso hanigeiam te la pouts nama romana a Tsunono. A katuun e lebeiena a kui i tanen bate hahalosena a langits na pitala tegi kui hoboto uen. Nonei e hahaloso silena tega pan haniga uu a kannou te ngil korue nen.

1 Pita 4:5

Kaba i murimuri nori ena tatei ranga peisa ner romana a man mouna a man markato ti katoeien te tuol rien romana i matana e Sunahan, nonei te ona ranou u katuun te töatöar na u katuun ti mate.

1 Pita 4:9

Alimiou go lu merami a palair u katuun i luma i tamilimiou, bate tarakap haniga ramen batema ranga sil ramien.

Revelesin 3:20

“Hengoiam! Alia e tuol gia tara tamana bate porporokogu. Te hengo marei noa a katuun a mar ranga i tar bate kalatena a tamana, ba lia e tasu gou ba lam tena nou hobotom.