Jemis 5:6 - U Bulunagana U Niga

⁶ Alimiou u kout homi raiam u katuun tima katoe ii taka ta omi. Nori ima antunan palis railimiou, kaba limiou u kato hamate ramen.

Jemis 5:6 Iomraidhean Croise

Matiu 21:38

Ba pöata ti tareien a pien tson teka ba nori e poeier, ‘A pien tson tara katuun terena kui teka te lue nou a kuin grep. Aragi atung hamateien, bara te lue rou a kui i tanen!’

Matiu 27:20

Ba u pris pan na pal kapan turu Jiu e hatagala korueier u hakats turu katuun me kitser u ranga tegi rangata menai e Pailat bate hapuresener e Barabas tara karabus bate hala menari e Iesu tara tou mate.

Matiu 5:39

Kaba alia e hatei ragou limiou, alimiou goma palisemi a katuun te kato homina i tamilimiou. E möa. Te tapalena a katuun a abuabu mölö tara pal matou, habirits balö te hatapala nem a hapala.

Aposol 22:14

Ba nonei e poeiena, ‘E Sunahan ti hatsunoni u tuburara e hopö kap naiou lö tego atei sil menai lö u ngil i tanen, na tego tara menai lö a Katuun a Matskö i tanen, na tego hengo menai lö u raranga i rung nen pepeisa.

Aposol 7:52

U tuburara i kato homir u propet hoboto i manasa. Nori i atung hamatir u katuun tere Sunahan ti habulungana mamin tego la uama romana a Katuun a Matskö i tanen, nonei e Kristo. Na limiou u hala hakapa mena mien turu katuun ti omieien ba nori e atung hamatie ren.

Aposol 8:32

A makumun ranga turu Buku u Göagono te tareien e markato uu teka: “Nonei a katuun e here nei a sipsip tena piou ner tara makum te atung hamate raria u sipsip. Nonei e here nei a tunan sipsip tena tuol hakakamotona tara makum te kotskotseria u hulu tara sipsip batema ngala nei. Na nonei ema ranga has nei.

Hibru 10:38

U katuun i tar te kato hamatskör e töatöa sila roua te hamana uaren. Kaba te hakopis pouts noua ta töa i taren, balia te raharahe gouen.”

Jemis 2:6

Kaba alimiou e sigala ramiou u katuun papala. U tson moni nori te pitaputa rariou limiou bate kout rariou limiou.

Jemis 4:2

Alimiou e matesilemiou a manka tema ka memi limiou bate rarahe miou a katuun. Alimiou e ngil koruemiou a manka tara tana katuun, ba limiou te hia e ele miou bate hiatatung memiou a tana katuun. Alimiou ema ka memi taka, taraha limiou ema singo sile mien tere Sunahan.

1 Pita 4:18

U Buku u Göagono e mar ranga uana teka: “Te kamenen a tsi tabubun maroro koru te tatei lu pouts merari u katuun u matskö, Ga ime te markato ueier romana u katuun te habirits hasoala baner e Sunahan bate katoeier a markato a omi?”