Jemis 5:17 - U Bulunagana U Niga

¹⁷ E Ilaitsa a töa propetina i manasa nonei a katuun tuun te kato has uara ra i romana. Na nonei e singo hatagala uu tere Sunahan tegoma hapolo menaien a langits. Ba langits ema polo nei e antunaia turu topisa hiningal na tönomo a tsihou!

Jemis 5:17 Iomraidhean Croise

U Bulungana u Niga tere Iesu Kristo te kolotein e Luk 4:25

Hengoiam. I manasa tara pöata tere Ilaitsa a propet, u amoaba i gonoia i Israel, tara pöata te möaia ta langits turu topisa u hiningal na tönomo a tsihou, na bes pan koru e butuia tara mamana han.

Aposol 10:26

Kaba e Pita e hatakeien me poeiena, “Takei, alia a katuun tuun has.”

Aposol 14:15

“A matsi hahatoulana, aha te kato sile milimiou a ka teka! Alam u katuun tuun, e here has rami limiou. Alam emi piou namula u Bulungana u Niga ba limiou te hapolase miou a markato a tutu teka, bate habirits uamiou tere Sunahan te töatöana. Nonei te katoe u kolö na u puta nu tasi, na mamanaka te kana iaharen.

U pas te koloto menai e Pol turu kristenira i Rom 11:2

E Sunahan ema tori tsuga rai u katuun i tanen u Jiu. Nonei e hopö kap raiou lam i mam noa. Alimiou e atei silemiou u raranga turu Buku u Göagono tara pöata te ranga meia e Ilaitsa e Sunahan.

Revelesin 11:6

Nori e ka mer a nitagala tegi keits menaien a langits ba tema polo nei tara pöata te hatei narien u ranga tere Sunahan. Na nori e ka has mer romana a nitagala tegi hapalis menaien a man ramun bate butun rahatsingina. Na nori e ka has mer romana a nitagala tegi hala menaien a mamana mar niomi tara han i puta tara saha pöata tegi ngileien.