Jemis 5:16 - U Bulunagana U Niga

¹⁶ E markato uana teka, ba limiou te hiahahatei namiou a manka man omi tu katoeiam limiou, ba töa te singo uana tere Sunahan bate singo beiena a tai. Te kato uamou limiou teka, ba limiou te niga pouts mou. Te singo hatagalana a katuun te nigana i matana e Sunahan, u singo teka e katoe nou a toukui pan.

Jemis 5:16 Iomraidhean Croise

Matiu 21:22

Na te hamana mia limiou, tara pöata te singo mia limiou ba limiou te lue mou a saha ka te singo silemi limiou.”

Matiu 3:6

Ba nori e pokeier a man markato a man omi i taren, ba nonei e baptais ranen tara ramun i Jodan.

U Bulungana u Niga tere Iesu Kristo te kolotein e Mak 1:5

Ba u katuun hobotora tara provins i Judia na u katuun hoboto tara taun i Jerusalem ena hengo ria tere Jon. Ba nori e pokeier a man markato a man omi i taren be Jon e baptais ranen tara ramun i Jodan.

U Bulungana u Niga tere Iesu Kristo te kolotein e Luk 9:6

Ba u aposol e taker me la sila ria iahana man han, me hihatuts laner u Bulungana u Niga me kato haniga pouts raier u katuun tara mamana han.

U Bulungana u Niga tere Iesu Kristo te kolotein e Jon 9:31

Ara e atei silera e Sunahan ema antunan hengo nanei a katuun a omi. Nonei e hengoe nou a katuun te soloseie nen na te kukuteiena u ngil i tanen.

Aposol 10:38

E hatei nena e Iesu na i Nasaret. E Sunahan e hale meien u Namnamei u Göagono na nitagala has. Nonei e tataala bate taguhu rena u katuun na nonei e kato haniga pouts hasir u katuun hoboto ti ka mei a siki na u katuun te pile kapir e Satan, taraha e Sunahan e ka gono meien.

Aposol 19:18

U katuun u parpara koru ti hamana i lama memi pokeier a mamana a markato a omi ti katoeien i manasa.

Aposol 8:24

Be Saimon e poeiena, “Pua, alimiou go singo bemumoulia tara Tsunono ba manka te ranga nemulalö tema tatei butu noi i tar!”

U pas te koloto menai e Pol turu kristenira i Rom 3:10

Temar ranga has uana u Buku u Göagono: “E möa ta töa ta katuun tega matskö, e möa koru.

U pas te koloto menai e Pol turu kristenira i Rom 5:19

Turu kato homi tara töa katuun puku te hipusin e Sunahan ba katuun a parpara e kato homina i matana e Sunahan. Kaba a tana katuun e hengo hanigei e Sunahan, ba katuun a parpara e matskö ria i matana e Sunahan.

Kolosi 1:9

Nonei koru a ka, te taniama tara pöata tu hengo naien limiou, alam uma hanöan singo sil rai limiou, tu rangata menai lam e Sunahan ega hatuts raiou limiou bate atei haniga sile miou u ngilngil i tanen. Alam u singo sil hasi tega hala menai u Namnamei i tanen u hakhakats u niga, ba limiou te antunan kato uamou temar ngil uana a Tsunono bate kato hasasaale men. Ba limiou te katoe mou a mamana markato a niga bate atei susul sile miou e Sunahan.

1 Tesalonaika 5:17

Singo hatagala nitöa uaiam tere Sunahan.

1 Tesalonaika 5:23

E Sunahan e tatei kato hagogoso nitöanena a torimilimiou, e Sunahan te hala nenama a masalohana i torirara. Alam e ngil hasem e Sunahan e tatei tara kap nena u namnamei i tamilimiou na torimilimiou na u tuenrei i tamilimiou, ba limiou te tatei niga nitöamiou tara pöata te la pouts nama romana e Iesu Kristo a Tsunono i tarara.

1 Tesalonaika 5:25

A matsi hahatoulana, alimiou go singo bera mumalam tere Sunahan.

Hibru 11:4

Turu nihamana tere Ebol, be Sunahan e hanigeiena u haats i tanen batema hanigenei u haats tere Kein. E Sunahan e haniga korui e Ebol me ngöe neien a katuun a matskö, na turu nihamana i tanen be Sunahan e luena manka te hala naien. E Ebol e mate, kaba turu nihamana i tanen nonei e ranga noahasina.

Hibru 11:7

Te hamana menai e Noa e Sunahan te ranga menaien a pöata a omi tega lama tema tara noei e Noa, e Noa e hengöe e Sunahan me kuiena a tolaala, te niga sila gono meraien a galapien i tanen. Ba nonei e haröto nena te hahuna merai e Sunahan u katuun i puta ti hahamana uaien, be Sunahan e ngöe neien a katuun a matskö te hamana uaien.

Hibru 12:13

Taguhu raiam a palai bate sila ria tara maroro a matskö, bate tagala miou ba limiou te ka haniga miou.

Hibru 13:18

Singo be ramu moulam tere Sunahan. Taraha, alam e hasagohem a torimulam e gogosona i matana e Sunahan, na lam e ngilin kato hanigantöa nem a mamanaka.

1 Pita 2:24

E Kristo noahas te söata menai a man markato a man omi i tarara i peisanen te mateien tara kuruse. E markato uu teka tegi mate ba menai ra a man markato a man omi bate töatöa silera a markato a matskö. Nonei e lu sile ii a man takiraha i peisanen tegi niga pouts uu ra.