Jemis 5:15 - U Bulunagana U Niga

¹⁵ Na te hamane rien a ka te singo sile ren, ba katuun te niga pouts nou. A Tsunono e kato haniga poutse nouen. Na Tsunono e luba nanoien a man markato a man omi te katoeien.

Jemis 5:15 Iomraidhean Croise

Matiu 17:20

Be Iesu e poeiena i taren, “Taraha, a tsi nihamana i tamilimiou e tetenei koruna. Na lia e hatei hamana koru ragou limiou, Sanena u nihamana i tamilimiou ega popoia tara ngalin mastet, alimiou e tatei peimiou turu pokus teka, ‘Takei ban a makum teka bate la uamula ili,’ ba nonei te takei hasina bate lana. Ba limiou te tatei katoe mou a mamanaka.”

U Bulungana u Niga tere Iesu Kristo te kolotein e Jon 5:14

Ba i murinen be Iesu ena sabiena a katuun teka iahana a Luman Lotu Pan me poeiena i tanen, “Tara, alö e niga pouts talam. Alö goma katokato lelei ta markato ta omi bate möa nou ta ka ta omi koru tega butuia i tamölö.”

U Bulungana u Niga tere Iesu Kristo te kolotein e Jon 6:39

Na nonei teka a manka te ngilena e Sunahan: nonei e ngilena alia goma hatie ii ta töa ta katuun te hala na men ba lia te hatakei pouts ragoen romana tara tou mate tara kapakapana pöata.

1 Korin 1:21

Tara niatei i tanen e Sunahan e hatu kapiin a maroro turu katuun te torohanan atei sile ren tara niatei peisa i taren. Kaba nonei e lu pouts rena u katuun te hamana uar i tanen tara pöata te hengoe rien u raranga i tamulam, te ngöeri u katuun, u raranga u tutu.

2 Korin 4:14

Taraha, alam e atei silem e Sunahan e hatakei poutsi a Tsunono e Iesu, na lam e atei sil hasem nonei e hatakei pouts has gono meranei lam romana e Iesu. Na nonei e lu gögono ranou lam na limiou bara tena ka gono meren.

Jemis 1:6

Kaba harangata mei u nihamana tara pöata te singo mialö tere Sunahan, möa tu hula hakats. A katuun te hula hakatsina e kato uana turu tasi te hula posa mena a lomolomo.

Jemis 5:13

Tega butuia a ka a omi tsi a pöata a omi tara töa i tamilimiou, nonei ega singo uu tere Sunahan. A katuun te sasaalana e tatei soloseiena a Tsunono bate kömana.

Jemis 5:16

E markato uana teka, ba limiou te hiahahatei namiou a manka man omi tu katoeiam limiou, ba töa te singo uana tere Sunahan bate singo beiena a tai. Te kato uamou limiou teka, ba limiou te niga pouts mou. Te singo hatagalana a katuun te nigana i matana e Sunahan, u singo teka e katoe nou a toukui pan.