Jemis 4:6 - U Bulunagana U Niga

⁶ Kaba u nihitaguhu tere Sunahan e tagala bala nena u ngil i tarara. U raranga tere Sunahan e pei hasena, “E Sunahan e tokitoki nena a katuun te hangisena ba nonei te taguhena a katuun te hateteneiena a peisanen.”

Jemis 4:6 Iomraidhean Croise

Matiu 13:12

“A katuun te ateina, e Sunahan e hala lele noien a niatei a para. Kaba a katuun tema ateinei, e Sunahan e luba nanou a tsitabubun niatei te ka menen.

Matiu 23:12

A katuun te solo sei peiseiena a peisanen, a solonen ena hala puteier romana. Kaba katuun te haka pute iena a peisanen, nonei ena luena romana a solo pan.”

U Bulungana u Niga tere Iesu Kristo te kolotein e Luk 1:52

Nonei e hakoul bar u king turu gumgum u kapan i taren, bate söata seiena a pinolasana katuun.

U Bulungana u Niga tere Iesu Kristo te kolotein e Luk 14:11

Taraha? A katuun te hapanena a solonen e hala puteier romana. Na katuun te hala puteiena a solonen, nonei ena luena romana a solo pan.”

U Bulungana u Niga tere Iesu Kristo te kolotein e Luk 18:14

Be Iesu e poeiena, “Alia e ranga mera goulimiou, a katuun teka te matsköna i matana e Sunahan tara pöata te la pouts uaien i han, kaba a Parasi e möa. A katuun te hala seiena a peisanen ena hala putei riou. Na katuun te hala puteiena a peisanen ena hala seie riou.”

Jemis 4:10

Alimiou go kato hateteneiam a peisa milimiou i matana e Sunahan, ba nonei te haka sei ranou limiou.

1 Pita 5:5

Na e markato has uana iesana, alimiou u katuun u hitots ego hala puteiam a peisa milimiou turu katuun u kapan. Na limiou hoboto ego hateteneiam a peisa milimiou bate hiatagtaguhumiou. Taraha, u Buku u Göagono e poeiena, “E Sunahan e tokitoki rena u katuun te hangiser, kaba nonei e taguhu rena u katuun te hateteneier a peisaren.”