Jemis 3:4 - U Bulunagana U Niga

⁴ Na tolaala has. A tolaala pan e la mena a lomolomo a tagala, kaba a tson tou e tou mena neien ime te ngil uanen tara pöata te kui noahase nen a hosen tou a tetenei.

Jemis 3:4 Iomraidhean Croise

Matiu 11:27

“A mamanaka hoboto teka e Tamar te hale meien lia. Na e möa ta taina ta katuun tega atei sileiou lia, a Pien Tson tere Sunahan. E Tamar puku lahas. Na e möa has ta katuun tega atei sil e Tamar. Alia puku lahas a Pien Tson i tanen te atei silegen, na eresi tu onarilia te haröto ragoui lia e Tamar.

Matiu 8:24

Ba lomolomo pan e songots butuna, ba u ramun e posa hongo beiena a tolaala. Kaba e Iesu e soho.

Aposol 27:11

Kaba a tsunono turu soldia ema hengoi u ranga tere Pol. Nonei e hengo lasi u ranga tara kapten tara tolaala na tara katuun tere na tolaala.

Jemis 3:3

Ara e tatei hakera a leten laslas i runguna a hos bate hakuiera a tuenreinen hoboto temar ngil uarara.

Jemis 3:5

Na miana a katuun e kato has uana iesana. U mia, nonei a makum a tetenei turu tuenrei hoboto, kaba nonei e tatei ranga sesei nena a manka man kapan. U tula u tetenei e tatei haatsena a latu pan.