Jemis 3:17 - U Bulunagana U Niga

¹⁷ Kaba a torina a katuun te kamena u hakats u nigana iasa e gogosona bate roron nolo pouts has rena a palai te hiaraharahar. Nonei a katuun a kakamoto na e hahengona tara tana katuun. Nonei e taatagi koru silena a katuun na e ka mena a markato a niga. Nonei e atei silena ime tega markato uaien, na nonei ema gamoe nei a tana katuun.

Jemis 3:17 Iomraidhean Croise

Matiu 23:28

Nonei noahas tara markato teka. Ba u katuun te tarer a peisa milimiou bate poeier alimiou u katuun u matskö. Kaba i iogana i tamilimiou e saputu mena a markato turu gamo na mamana markato a omi.”

Matiu 5:8

Na u katuun a toriren te gogosona egi sasaala. E Sunahan e ngö ranoien u katunun sasaala, taraha nori ena tare roien.

Matiu 5:9

Na u katuun te nolo pouts rer a pala te hiaraharahar egi sasaala. E Sunahan e ngö ranoien u katunun sasaala, taraha nonei e ngö has ranoien romana a galapien i tanen.

U Bulungana u Niga tere Iesu Kristo te kolotein e Luk 21:15

Taraha? Alia e hala ragi limiou romana a man raranga nu hakhakats u niga koru, ba u pakö i tamilimiou tema antunan tulaputa nari romana u raranga tego hala rilia limiou.

U Bulungana u Niga tere Iesu Kristo te kolotein e Luk 6:36

Alimiou ego taatagi raiam u katuun, temar taatagi has mera nei limiou e Tamamilimiou e Sunahan.”

U Bulungana u Niga tere Iesu Kristo te kolotein e Jon 1:14

U Ranga e butun katunuma memi kana i gusurara. Nonei a tsonun hihitaguhu na tsonuna tara nimana. Alam u tara hakapi a nitsunono i tanen, a mar nitsunono te kamena a töa koru a Pien Tson tere Sunahan, e Tamanen i Kolö.

U Bulungana u Niga tere Iesu Kristo te kolotein e Jon 1:47

Pöata te tara raien e Iesu ba nonei e ranga nena e Nataniel me poeiena, “A toun Israel hamana te la nama teka. Nonei ema tatei gamogamo nei.”

Aposol 11:24

E Banabas a katuun a niga, na u Namnamei u Göagono e saputeien, na nonei e ka has mei u nihamana u tagala. Ba u katuun u parpara e la uaier tara Tsunono.

Aposol 9:36

Tara taun i Jopa e kamei a tahol te hamana uu tere Iesu a solonen e Tabita, turu HaGrik nori i ngöeien e Dokas. Tara mamana pöata nonei e roron kato a markato a niga, bate taguhu has rena u katuun ti möa ta ka.

U pas te koloto menai e Pol turu kristenira i Rom 12:18

Torohana hatagala sil tego ka haniga koru merai lö u katuun hoboto.

U pas te koloto menai e Pol turu kristenira i Rom 12:9

Alimiou go hiangilngil hamana iam ba tema gamo mi. Rama naiam a ka te omina bate pile kap namiou a ka te nigana.

U pas te koloto menai e Pol turu kristenira i Rom 15:14

A matsi hahatoulana, alia e hamanegu alimiou u katuun u niga koru ba limiou te ka memiou a niatei te antunan hatuts pouts memi limiou a peisamiou.

1 Korin 12:8

A töa e haleri a nitagala tego ranga meien u hakats u niga, na tabi e haleri a nitagala tego habulungana menaien a niatei a niga.

2 Korin 10:1

Alia e Pol, e ranga hataatagi hatagalagu na e ranga hatami gia i tamilimiou, te markato has uana e Kristo. A palai i tamilimiou e poeier alia e hala putegu a peisar te ka gono meragi lia limiou, kaba te ka halehana gialia, alia e ranga hatagala koru gia i tamilimiou.

2 Korin 6:6

Alam e kato hanigam ne atei silem a ka a mana ne tuatamim na e niga mia turu katuun. Na man markato teka e haröto nena alam u katunun kui tere Sunahan. U Namnamei u Göagono te hakui ranou lam ba lam te ngil hamana has rem u katuun.

2 Korin 7:11

Tara, a nitaatagi te halani e Sunahan e kato haniga raiou limiou: alimiou e hakats hatagala tala namiou a markato i tamilimiou. Alimiou e tagala koru silemiou tego haröto mena milimiou a markato a niga. Alimiou e raharaha memiou a markato a omi bate matoutmiou. Alimiou e sagoho koruemiou a manka teka bate tagala silemiou a markato a niga. Na limiou e ngilin hahuna koruemiou a katuun te kato homina.

2 Korin 9:10

E Sunahan te hala nena a man ngal tena lebeier u katuun te kui ria turu kui, na nonei has te hala nena a mamana kannou te noueier. Nonei noahas te hala hantue nanou a mamanaka i tamilimiou ba limiou te tatei hala has ramiou a palair u katuun. Ba markato a niga i tamilimiou te pan susul nou bate tapiou has uanou turu katuun te hala ra milimiou.

Epesis 5:9

Taraha, u ualesala te habutena a mamanaka te nigana na te matsköna na te manana.

Pilipai 1:11

Ba limiou te saputu memiou romana a man markato a man niga te habuteiena e Iesu Kristo, bate töan hapanemiou e Sunahan bate soloseie men.

Pilipai 4:8

Na töa patu a ka, a man hahatoulana. Alimiou go hakats nitöa neiam a manka a man mana, na manka a man niga, na manka te matsköna, na manka te gogosona, na manka te hanigeier u katuun. Alimiou go hakats siliam a mamanaka te tatei ranga haniga ner u katuun.

1 Tesalonaika 2:7

Alam u tuatami gono meraiou limiou, te kato uana a tahol te tuatami gono merena a galapien i tanen.

1 Timoti 5:21

Alia e hala hatagale goi lö u raranga teka i matana e Sunahan na i matana e Iesu Kristo na i matar u angelo u göagono. Alö go hengo hanigei u raranga teka batema kato homie mi a tana katuun. Alö go markato merai u katuun hoboto iesana.

2 Timoti 2:24

A katunun kui tara Tsunono ema tatei hatapo neia tara hiaraharaha, kaba nonei ega tua tami ia turu katuun hoboto, bate hatuts haniga ranen.

Taitus 1:15

Turu katuun te kato hagöagono ria i matana e Sunahan, a mamanaka i taren e göagono hasina. Kaba, turu katuun u omi te hahamanar, e möa ta töa ta ka i taren tega nigaia i matana e Sunahan, taraha, a toriren na u hakats i taren ema göagono has nei.

Taitus 3:2

Nori egima ranga hohomi nai a taina katuun na egima hatapoia tara man hiaraharaha. Nori egi tuatamia turu katuun hoboto bate kapiena raren.

Hibru 12:11

Pöata te hahuna rariara, ara e kamitsira batema ka haniga rei. Kaba i murina u nikamits ara e ka haniga rou ba torirara te sasaala nitöa nou.

Hibru 12:14

Alimiou go torohana hatagala sileiam tego ka haniga gono mera milimiou u katuun hoboto. Taraha, a katuun tema göagono nei ema antunan tara nanei a Tsunono.

Jemis 1:17

A mamana markato a niga na matskö e tuhana nama iasa. E Sunahan te hala rena men, na nonei te katoe u mamana u alesalana i Kolö. Nonei ema antunan palis nei na ema antunan kukutenei u oho i tanen.

Jemis 1:5

Te möa na ta töa i tamilimiou tu hakhakats tu niga, nonei ego singo nitöa uu tere Sunahan be Sunahan te hale nen. Taraha, e Sunahan e tangana koru rena u katuun hoboto na ema lohale noi ta katuun te singo uana i tanen.

Jemis 2:13

E Sunahan ema antunan taatagi nanoi a katuun tema taatagi nanei a tana katuun. Kaba te taatagi namia limiou a tana katuun i romana, be Sunahan te taatagi has ranou limiou romana tara pöata te butuna u kout i tanen.

Jemis 2:4

Te markato uamu lalö teka, ba lö te poeiem a töa katuun e niga bala nena a tana katuun. A mouna u hakats i tamölö e omina.

Jemis 3:15

U mar hakats teka ema butu nameia iasa. E möa. E butuna i puta. Ema markato uanei te hakats uana u namnamei u niga. E kato uana te hakats uana e Satan.

Jemis 4:8

La hasukusuku uaiam tere Sunahan, ba nonei te la hasukusuku has uanama i tamilimiou. Kato hagogoso poutseiam a peisa milimiou, alimiou tu kato homi iam. Kato haniga poutseiam a torimilimiou, alimiou te hula hakatsmiou.

1 Pita 1:22

Alimiou u hagogoso hakapeiam a torimilimiou ti kukute mena milimiou u raranga u mana, ba limiou te ngil koru tala ramiou a pal katuun tere Kristo. Na u ngilngil i tamilimiou tara palaier u katuun ega tagala, bate la nama tara tui i tamilimiou iogana koru.

1 Pita 2:1

Alimiou go hapolasa ba naiam a man markato a man omi i peisa milimiou. E möa tu kato leneiam tu ranga tu gamo, na e möa lel tego ranga homi sil mera milimiou a palai.

1 Pita 2:18

Alimiou u katunun kukui puku ego haka puteiam a peisa milimiou turu katuun pan i tamilimiou, bate hatara ramien te hatsunono hamana meramien limiou, noahasina te tami uaren i tamilimiou tsi te ranga hamal rien i tamilimiou.

1 Jon 3:18

A matsi galapien i tar, ara gima ranga tuun nai te ngil merarira u toularara. E möa. Aragi ngil hamana raien bate taguhu raren.

1 Jon 3:3

U katuun hoboto te hahanei siler e Kristo bate sasaalar, nori e markato hagogoso has uaier temar gogoso has uana e Kristo.