Jemis 3:13 - U Bulunagana U Niga

¹³ Te kana a katuun te hakats hanigana i gusumilimiou, nonei ega kato haniga has. Nonei e tatei kato hateteneiena a peisanen bate haröto nena a markato a niga i tanen te butu nama turu hakats u niga.

Jemis 3:13 Iomraidhean Croise

Matiu 11:29

Lueiam a toukui i tar balia te hatuts ragou limiou, taraha alia e ron hala puteiegu a peisar na e tori tami has gia turu katuun hoboto. Ba limiou tena tatei husa mou batena sabe hase mou a nigumgum a niga te ka nitöana.

Matiu 21:5

“Hatei raiam u katunur i Saion, ‘Taraiam a King i tamilimiou e la hamanasa uanama i tamilimiou. Nonei e kato here nanei a peisanen a katuun papala koru bate osana tara tunan rongki a hitots.’”

Matiu 5:5

Na u katuun te kakamotor batema tatei raharahari egi sasaala. E Sunahan e ngö raneien u katunun sasaala, taraha nori e lue riou a han i puta.

Matiu 7:24

Be Iesu e ranga lenina me poeiena, “A katuun te hengoena u raranga i tar, bate kukutie nen e here nei a katuun a atei te hatakeia a luma i tanen ieluna u lapo.

1 Korin 6:5

Alia e ranga megi a ka teka tego hamatsingolo merailia alimiou. E möa koru lasi ta töa i gusumilimiou u kristen tega ka mei ta niatei tega ona menaien a raharaha tara huol a katuun?

2 Korin 10:1

Alia e Pol, e ranga hataatagi hatagalagu na e ranga hatami gia i tamilimiou, te markato has uana e Kristo. A palai i tamilimiou e poeier alia e hala putegu a peisar te ka gono meragi lia limiou, kaba te ka halehana gialia, alia e ranga hatagala koru gia i tamilimiou.

2 Korin 8:24

Ba limiou te haröto tala namiou te ngil mera mien limiou bate hengoemiou u singo i tamulam. Ba man hun katuun hoboto tere Kristo te atei sileriou alam uma saala pinopino rai limiou.

Galesia 5:23

Ara e tuatami raia turu katuun, nara e haka puteiera u ngilngil i peisarara. A man markato teka nonei a markato turu Namnamei tere Sunahan, na e möa ta lo tega hapioun a man markato teka.

Galesia 6:1

A matsi hahatoulana, te atei sile mia limiou ta töa ta katuun i gusumilimiou e kato ta ka ta omi, alimiou te kukute miou na te kame miou u Namnamei tere Sunahan e tatei kato hamatskö poutsemiou a markato tara katuun teka. Kaba alimiou go tami mia i tanen batema poeiemi alimiou e niga bala namen. Na limiou go hahanei has iam taka ena mots kato harus ranou limiou.

Galesia 6:4

Man tötöa man katuun hoboto e tatei tara marei peiseier tega niga u a markato i taren tsi tega omi uaien. Na katuun te kato hanigana e tatei sasaala mena a markato a niga i tanen, kaba nonei ema tatei pei nei a markato i tanen e niga bala nena a markato tara tana katuun.

Epesis 4:2

Alimiou go hatetenei iam a peisa milimiou tara mamana pöata na limiou go ranga hatami hasiam bate niga mia tara tana katuun. Alimiou go hiangilngil iam batema hakats sil balemi a manka man omi tara tana katuun.

Pilipai 1:27

A markato i tamilimiou ega matskö gono mei u Bulungana u Niga. Alia ena tara lel toum ragou limiou tsi e möa? Kaba alia e ngilin hengo noahas nagou tego tuol hatagala uaiam limiou bate ka memiou u töa puku u hakats, ba limiou te tagala hoboto silemiou u hihatutsina turu Bulungana u Niga.

Kolosi 3:12

E Sunahan e hopö kap sil railimiou tego katuun uaiam limiou i tanen na nonei e ngil koru ranou limiou. Tara markato tala teka ba limiou te hiakaka haniga miou bate niga mia tara palai. Alimiou go kato hateteneiam a peisa milimiou bate tuatami mia tara palai batema tatei raraha boroboro rami u katuun te kato homiria i tamiliou.

1 Timoti 4:12

Alö a katuun a hitots, ego möa ta katuun tega pita putputeiou lö. Harötein ta markato ta niga turu katuun te hamanar te markato uana a katuun a kristen turu hihatuts i tamölö, na tara markato i tamölö na te ngil mera milö u katuun hoboto na te hamana ua mölö tere Sunahan, bate ka mem a markato a gogoso.

1 Timoti 6:11

Kaba lö o Timoti, alö a katuun tere Sunahan, ka halehana ban a manka teka. Torohanan tagala sil tego kato hamatskö uu lö bate kato haniga mia i matana e Sunahan bate hamane men. Alö go ngilir u katuun hoboto bate tuatami mia i taren na lö goma sökana has ii.

2 Timoti 2:25

Bate tuatami merena u katuun te tori tsuga ner u raranga i tanen bate hamatskö ranen. E Sunahan te tatei haniga nanou tegi palis uen bate atei siler u raranga u mana.

Taitus 3:2

Nori egima ranga hohomi nai a taina katuun na egima hatapoia tara man hiaraharaha. Nori egi tuatamia turu katuun hoboto bate kapiena raren.

Hibru 13:5

E möa tu ngil korueiam a moni, ba limiou te sasaala memiou a manka te ka memi limiou. Taraha, e Sunahan e pei, “Alia ema antunan laba ragi limiou tsi ema antunan solopala ragi limiou.”

Jemis 1:21

Alimiou go tsugaba neiam a man markato hoboto te korkorianana na te omina. Alimiou go haka puteiam a peisa milimiou tere Sunahan bate sasaala memiou u raranga te hakeien i torimilimiou, taraha u raranga teka e tatei luba pouts ranei limiou a niomi.

Jemis 2:18

A töa katuun e tatei poeiena, “A palai e hamana hanigar na palai e kamer a markato a niga.” Kaba, te hamana mia lö batema kamemi ta markato ta niga, ga ime temar atei sil megoi lia u nihamana i tamölö? Kaba, alö e tatei tara sila namia te hamana haniga uagu lia, tara markato i tar.

Jemis 3:1

A matsi hahatoulana, möa tu riri sileiam tegona hihatuts menami limiou a markato a nigana tere Sunahan. Taraha, e Sunahan ena tara hatagala koru noa romana tara pala te hatuts raier u katuun, tegi hihatuts homi uaien.

Jemis 3:17

Kaba a torina a katuun te kamena u hakats u nigana iasa e gogosona bate roron nolo pouts has rena a palai te hiaraharahar. Nonei a katuun a kakamoto na e hahengona tara tana katuun. Nonei e taatagi koru silena a katuun na e ka mena a markato a niga. Nonei e atei silena ime tega markato uaien, na nonei ema gamoe nei a tana katuun.

1 Pita 1:15

E möa. E Sunahan e ngö hakapa raiou limiou, nonei e göagonona na e niga koruna. Na e markato uana teka, a mamana markato i tamilimiou ega niga koru has.

1 Pita 2:12

Alimiou go kato haniga koru las mia i gusur u katuun te hahamanar. Ba pöata te ranga homi rien i tamilimiou bate poeier alimiou e katoemiou a markato a omi, ba nori te tatei tarer a markato a niga tego katoeiam limiou, bate soloseier e Sunahan tara pöata te la namen romana.

1 Pita 2:9

Kaba limiou a pal katuun te hopö kapir e Sunahan, u pris tara pala turu King. Alimiou a hun katuun a gogoso tere Sunahan ti hopö kap merai tego habulungana menami a man toukui a man niga i tanen, nonei te ngö halakasa ba ramei limiou u kuhil me la uamiou turu ualesala u niga i tanen.

1 Pita 3:4

A nitaratara a niga i tamilimiou ega butuma i torimilimiou i iogana te ka mena milimiou a markato a niga bate tuatamimia turu katuun. A markato teka ema tatei hula palis nei. E ka nitöana, na e Sunahan e haniga korue nen.