Jemis 3:1 - U Bulunagana U Niga

¹ A matsi hahatoulana, möa tu riri sileiam tegona hihatuts menami limiou a markato a nigana tere Sunahan. Taraha, e Sunahan ena tara hatagala koru noa romana tara pala te hatuts raier u katuun, tegi hihatuts homi uaien.

Jemis 3:1 Iomraidhean Croise

Matiu 10:24

“A katunun tsitsilo ema pan nanei a tson hihatuts i tanen, na katunun kukui puku ema pan has nanei a katuun pan i tanen.

Matiu 23:13

E Iesu e ranga lel me poeiena, “Alimiou u tson ateira tara Lo na limiou u Parasi, a nomi pan e butu noa i tamilimiou! Alimiou u gamogamo, na limiou te ron hatu kap ramiou u katuun tegi tasu uen tara Nipepeito tere Sunahan, na limiou pouts has ema antunan tasumi.

Matiu 23:14

Alimiou e roron katoemiou u singona turu lotu u ngahangaha turu rung tuun, bate lu tsipon bemi a peisa milimiou a manka turu amoaba. Te markato uamilimiou teka alimiou e luemou a nihahuna a omi koru.

Matiu 9:11

Ba pöata ti tareia u Parasi a ka teka ba nori e poeier turu katunun tsitsilo tere Iesu, “E hana ba Tson Hihatuts i tamilimiou te nou gono meraiena u katuun te luluer a takis na u palair u katuun u omi?”

U Bulungana u Niga tere Iesu Kristo te kolotein e Luk 16:2

Ba nonei a katuun pan e ngöena a tson pepeitokap i tanen me poeiena, ‘Alia e hengo negu a saha ka te katoe mölö? Alö gona koloti tu raranga te hatei noi lia ti mar pepeitokap menai lö a manka i tar. Taraha? Alö ema tson pepeito kap lel uamou ii tar.’

U Bulungana u Niga tere Iesu Kristo te kolotein e Luk 6:37

Be Iesu e rangana me poeiena, “Ma ona rami a palai, ba limiou tema ona has raroui. Ma kato sil rami a palai gi hahuner, ba limiou tema hahuna has raroui. Alimiou ego nolo pouts raiam u katuun ti kato homia i tamilimiou, ba limiou te nolo pouts has rariou.

U Bulungana u Niga tere Iesu Kristo te kolotein e Jon 3:10

Be Iesu e ranga palisenen me poeiena, “Alö a tson hihatuts panina i Israel, alö ema atei sil noemi a ka teka?

Aposol 13:1

Turu kristenira i Antiok i kamei u propet na u katunun hihatuts turu lotu, ere Banabas, na e Simion ti ngö hasei a tson a ruruhana, na e Lusius na i Sairini, na e Manaen a hahikapien tere Herot a King, na e Sol.

1 Korin 12:28

Na e Sunahan e halani a mamana mar toukui tara man tötöa tara hun katuun i tanen. Tara makum tutuun nonei e hatuolir u aposol, na tara hahuoluna a makum nonei e hatuolir u propet, na tara a hatopisana makum nonei e hatuolir u tson hihatuts, na pala te antunan katoner u mirakol, na u katuun te antunan kato haniga pouts raier u katuun, na u katuun te taguhu raier a palai, na niatei na tara toukui na tara tson mammam, na tai te antunan ranga nena u mamana u mar ranga.

2 Korin 5:10

Taraha, ara hoboto ena tuol roua i matana u gumgumun onöna tere Kristo ba man tötöa tena mar hamatana meraroi ti marka uaien turu tuenreina i puta, tara pala niga tsi tara pala omi.

Epesis 4:11

Na nonei e hala nema a man nitagala teka turu katuun: a palai i hala ramei a nitagalana tara aposol, na palai a nitagalana tara propet, na palai a nitagalana tara tson hahabulungana, na palai a nitagalana tara tsonun halotu na tson hihatuts.

1 Timoti 1:7

Nori u tson atei tara Lo e ngilin hihatuts ner a Lo tere Sunahan, kaba nori ema atei sileri a manka te ranga naren, noahasina te peieren u ranga i taren e manana.

1 Timoti 2:7

Nonei a ka te hala sile mei lia e Sunahan tego aposol uu lia i tanen, bate hatuts raiegu u katuun tema Jiu ri ba nori te tatei hamaner a ka te manana bate atei sileren. Alia ema gamogi. E möa! Alia e ranga hamanagu.

2 Timoti 1:11

E Sunahan e hopö kap mei lia tego aposol uu lia na tego habulungana menai lia u Bulungana u Niga teka bate hihatuts nagen.

Hibru 13:17

Hengo haniga raiam u tsunono i tamilimiou, bate kukute miou u raranga i taren. Taraha, nori e tara kapin toa rariou limiou. Te hengo ramouen limiou, ba nori te sasaala meriou a toukui i taren. Kaba te möa nouen, ba toriren te tiama nou, ba ka teka tema taguhu ranoui limiou.

Jemis 1:16

A matsomi koru i tar, a tana katuun e namots gamo ranou limiou bate poeiena, “E Sunahan e tatei torohanena a katuun bate kato homina.” E möa.

Jemis 1:19

Alimiou go atei sileiam a ka teka, a matsomi koru i tar. Alimiou go hahengo haniga uaiam tara tana katuun ba limiou tema ranga haparami. Alimiou goma raharaha boroboro hasmi.

Jemis 3:10

U ranga u niga na u ranga u omi e butuna turu töa u mia. A matsi hahatoulana, a ka teka ema niga nei.

1 Pita 5:3

Alimiou goma kato here rami u katuun u kapan bate pita puta ramiou u katuun te taratara kap rami limiou. E möa. Alimiou go katoeiam a markato a niga te tatei kukutieren.