Jemis 2:5 - U Bulunagana U Niga

⁵ Hengoiam, a matsomi i tar. E Sunahan e hopö kapir u katuun papala tara han i puta, u katuun te hamana haniga uaier tere Sunahan. Be Sunahan te poeiena u mar katuun teka te ngile nen, e lue riou a Nipepeito tere Sunahan.

Jemis 2:5 Iomraidhean Croise

Matiu 11:5

U katuun u kiou e tara poutsur, na u katuun u mou omi e tataala poutsur, nu katuun u toba e gogoso poutsur, na u talinga tupu e hengo poutsur, nu katuun ti mate e töatöa poutsur. Na u Bulungana u Niga e lauama turu katuun papala.

Matiu 25:34

“Ba lia te ranga meragou u katuun tara pal matou i tar, ‘U katuun te kato hasasaaler e Tamar, lamuma batemi luemiou a Nipepeito ti kato taatago berai limiou i manasa noa te habuteia e Sunahan a mamanaka.

Matiu 5:3

Ba nonei e poeiena, “U katuun te kato hateteneier a peisaren egi sasaala. E Sunahan e ngö raneien u katunun sasaala, taraha a Nipepeito tere Sunahan e ka uana i taren.

U Bulungana u Niga tere Iesu Kristo te kolotein e Mak 7:14

Be Iesu e ngö lel rena u katuun me poeiena, “Hahengo haniga mia i tar bate atei sile miou a ka teka.

U Bulungana u Niga tere Iesu Kristo te kolotein e Luk 12:21

Be Iesu e poeiena, “E markato has uana iesana tara katuun te gono benei a peisanen a mamanaka, kaba i matana e Sunahan nonei e möa ta ka ta niga.”

U Bulungana u Niga tere Iesu Kristo te kolotein e Luk 12:32

Be Iesu e poeiena, “Alimiou a matsi katuun i tar, alimiou goma matout mi. Taraha? E Tamamilimiou e sasaala mena tego hala meraien limiou a Nipepeito i tanen.

U Bulungana u Niga tere Iesu Kristo te kolotein e Luk 16:22

Ba katuun teka e matena, ba u angelo e söate ren mena hagume rien i rehina e Abraham. Na tson moni e mate has me kaho ner.

U Bulungana u Niga tere Iesu Kristo te kolotein e Luk 16:25

Be Abraham e poeiena, ‘A tsi pien, alö go hakats pouts hasiin a pöata tu töatöa noaia lö i puta. Alö u lu nitöan a mamanaka a niga i tamölö i puta, be Lasarus te luena a mamanaka a omi. Kaba i romana nonei e ka haniga talana teka ba lö te sagohem a kamits.

U Bulungana u Niga tere Iesu Kristo te kolotein e Luk 22:29

Ba lia te hala ragou ii limiou a nitsunono tego king uaiam limiou, temar hala has menai lia e Tamar a nitsunono tego king uu lia.

U Bulungana u Niga tere Iesu Kristo te kolotein e Luk 6:20

E Iesu e tara uu turu katunun tsitsilo i tanen me poeiena, “Sasaalaiam, alimiou ti möa ta ka. Taraha? A Nipepeito tere Sunahan e ka uana i tamilimiou!

U Bulungana u Niga tere Iesu Kristo te kolotein e Jon 7:48

E möa ta töa tara pal kapan tsi ta töa turu Parasi ega hamana uu i tanen.

Aposol 7:2

Be Stiven e ranga palisina me poeiena, “A matsi hahatoulana na matsi hahatamana, hengo iam! A Sunahan turu ualesala e butuia tere tuburara e Abraham tara pöata te ka ien i Mesapotemia ba nonei tema la noanei i Haran, me poeiena, ‘Alö go laban a hun katuun na han i tamölö ba lö te lauam tara han te hatare goi lia alö.’

U pas te koloto menai e Pol turu kristenira i Rom 8:17

Na te pien uarara i tanen, ba ra te lue rou a manka man niga i tanen, te markato uana a pien te luena a manka tere tamanen. Na e Sunahan e hala ranoira a manka te hala haseien e Kristo. Kaba tena lu gono merouen ra a manka man niga i tanen, aragi lu hasi a mar nikamits te lueien.

1 Korin 2:9

U Buku u Göagono e mar ranga uana teka: “A ka ti namala tare ii u katuun na tima hengo naien na tima hakats has naien, nonei a ka te kato hahaloso berai e Sunahan u katuun ti ngileien.”

2 Korin 4:15

A mamanaka hoboto teka te butunou, e taguhu ranou romana limiou. Na te para ria romana u katuun te hengo ner romana a nihitaguhu tere Sunahan, bu katuun u parpara te tatei singor bate haniga uaier tere Sunahan bate soloseie ren.

2 Korin 6:10

U katuun e kato here rari lam u katuun te taatagir, kaba lam e sasaala noa hasim. Alam u katuun tu möa ta moni, kaba lam e hala noa has nem a manka man niga tere Sunahan turu katuun u para. Alam u möa koru ta ka ni puta, kaba lam e ka noa has mem a mamanaka a niga tere Sunahan.

2 Korin 8:9

Alimiou e atei silemiou a nitaatagi tara Tsunono e Iesu Kristo. Noahasina te ka meien a mamanaka a niga, kaba turu ngilngil tanen i tarara ba nonei e butu here namei a katuun te möa ta ka. Nonei e laba sila nama a mamanaka a niga tanen i Kolö tegomi hala meraienra a mamanaka a nigana i Kolö.

Epesis 1:18

Alia e singo silegu e Sunahan ega kalati a baku milimiou ba limiou te atei sile mou a ka te ngö sil meraien limiou tego hamana sileiam limiou, ba limiou te atei sil hase mou temar niga koru uana a manka te ranga hamana naien turu katuun i tanen.

Epesis 3:8

Alia e ka puta koru gia turu katuun hoboto tere Sunahan. Kaba e Sunahan e taatagi naiou lia me hale ne lia a toukui tego hahatei merai lia alimiou u katuun tema Jiu ri a manka a man kapan te nigana tere Kristo, bate haröto has ragi u katuun hoboto temar butu hamana uanou u raranga te hamouseier tere Sunahan. E Sunahan te habuti a mamanaka, e hamous u raranga teka tara man pöata i manasa noa.

2 Tesalonaika 1:5

A ka teka e haröto nena te ona hamatskö uana e Sunahan. Nonei e hanigeiena tego lu mena milimiou a kamits ba nonei te kato hamatskö ranou limiou na e kato haniga has ranou limiou ba limiou te ka uamiou tara Nipepeito i tanen.

1 Timoti 6:18

Hateiri egi kato haniga bate katoeier a mamana markato a niga. Nori egi tatangana bate hia halhala ner a manka i taren.

2 Timoti 4:18

Na a Tsunono e luba nanoi lia a mamana niomi bate lu mena nei lia tara Nipepeito i tanen i Kolö. Aragi solosei nitöa naien tara mamana pöata! U mana.

2 Timoti 4:8

A pöata e tuku hakapa hamanasa tega hala menai e Sunahan a hihol tu kato hasasaala menaien lia. A tson onuna hamatskö koru, nonei a Tsunono e Sunahan, tena hale noien lia nonei turu Lan u Kapan. Nonei ena hale noien lia na u katuun hoboto te ngile ren bate hahaloser tena la pouts uanamen romana.

Hibru 11:26

Nonei e mar hakats uu teka, e niga bala nena tegi hamana uu tara katuun tena la nama romana nonei e Mesaia, e noahasina ti ranga homi uu katuun i tanen. Kaba markato teka e niga balein a manka man niga hobotona i Itsip. Taraha, nonei e hahalosi u hamatana u niga tega haleien e Sunahan.

Jemis 1:12

A katuun te hamana hanigana tara pöata te butuna a manka man omi i tanen ega sasaala. Taraha, pöata te tagala saluhe nanen a manka man omi, ba nonei tena lue nou a nitöatöa te ka nitöana te ranga hamanein e Sunahan turu katuun te ngil korue ren.

Jemis 1:16

A matsomi koru i tar, a tana katuun e namots gamo ranou limiou bate poeiena, “E Sunahan e tatei torohanena a katuun bate kato homina.” E möa.

Jemis 1:19

Alimiou go atei sileiam a ka teka, a matsomi koru i tar. Alimiou go hahengo haniga uaiam tara tana katuun ba limiou tema ranga haparami. Alimiou goma raharaha boroboro hasmi.

Jemis 1:9

E toularara te katuun papala koruna ega sasaala, taraha e Sunahan e haka seienen.

2 Pita 1:11

Be Sunahan te haniga koruna romana tego tasu uaiam limiou tara Nipepeito tere Iesu Kristo a Tsunono i tarara te lu pouts raiou ra, a Nipepeito tema antunan kapa nei.

Revelesin 2:9

Alia e atei silegu a torimilimiou e tiamana, na limiou ema ka bala memi ta ka. Kaba limiou e ka noa has memiou a mamanaka. Alia e atei sil hasegu a palair u katuun e tuts sil rariou limiou. Ba nori te poeier nori u Jiu, kaba e möa. Nori u katuun tere Satan!

Revelesin 21:7

A katuun te tagala saluhena romana e lue nou a manka teka. Na alia e Sunahan uagou i tanen ba nonei te pien uanou i tar.

Revelesin 3:18

Alia e ranga koru mera goulimiou, alimiou go hole mia ta goul i tar, a goul ti hagogoseia turu tula, ba limiou te töan ka memou a manka man niga hamana. Hol hase iam tu hasobö tu hiaka bate hasei kap nami u beloso i tamilimiou. Ba limiou te hol hase miou tu meresin i tar bate hake mien i matamilimiou, ba limiou te töan tara pouts mou.