Jemis 2:14 - U Bulunagana U Niga

¹⁴ A matsi hahatoulana, u palair u katuun e poeier, “Alia e hamana hanigagu,” kaba nori ema kato hanigari. A mar nihamana teka e la papala tununa. Na mar nihamana teka e taguhu has ranou u katuun?

Jemis 2:14 Iomraidhean Croise

Matiu 5:20

Alia e hatei ragou limiou, te ngilin tasu mia limiou tara Nipepeito tere Sunahan, alimiou ego kukute hanigeiam u raranga i tanen, kaba te kukute mia limiou a markato turu tson hihatuts tara Lo na turu Parasi, alimiou ema antunan tasu moi tara Nipepeito tere Sunahan.”

U Bulungana u Niga tere Iesu Kristo te kolotein e Luk 3:11

Ba nonei e ranga palisina me poeiena, “A katuun te ka mena u huol u hasobö ega halan u töa tara katuun te möana. Na katuun te ka mena a kannou ega molamola has naien.”

U Bulungana u Niga tere Iesu Kristo te kolotein e Luk 6:49

Kaba a katuun te hengoena u raranga i tar batema kukutie neien e here nei a katuun te kuiena a luma turu tsiktsiki puku batema haka mamme nei tu simen. Ba pöata te la nama u uolo pan, batemi söatena a luma ba luma te tarura hakapa nitöana.”

Aposol 15:9

Kaba nonei ema katoe ii a tabina markato i tarara na tabina markato i taren. E möa. Nori i hamanaia i tanen, na tara markato lasi teka te luba meien a markato a omi i taren.

Aposol 8:13

Na e Saimon e hamana has me habaptaisina. Ba nonei e ka gono nitöa mena e Pilip me asingoto koru nena a man mirakol pan te kati e Pilip.

Aposol 8:21

E möa koru, alö u möa ta pala tara manka teka, taraha a torimölö ema matskö neia i matana e Sunahan.

U pas te koloto menai e Pol turu kristenira i Rom 2:25

Te kukute mia limiou u Jiu a Lo tere Sunahan, bara, ga e niga talana tu hapö mena milimiou a hatöatongo tere Sunahan i pikpikö milimiou. Kaba te pekoe mia limiou a Lo, bara, ga limiou u mastein hapö tala naiam a hatöatongo tere Sunahan.

1 Korin 15:2

Na e Sunahan e lu pouts sila ranoua limiou, te pile hakarapoto menami limiou u Bulungana u Niga te hatei negulia, tegoma hamana pinopino bemi limiou.

1 Korin 16:22

Esi te rama nena a Tsunono, egi korupakö ni. O Tsunono i tamulam, lama!

Galesia 5:13

Kaba alimiou a matsi hahatoulana, e Sunahan e ngö sil rai limiou tego hapolasa ba mena milimiou a Lo. Kaba u raranga teka ema ranga nanei alimiou go pekoeiam a Lo bate kukute lase miou u ngilngilina i puta. E möa. Kaba e Sunahan e hapurese sil rai limiou tego hiangilngil uaiam limiou bate hiatagtaguhu miou.

Galesia 5:6

Te hamana ria ra tere Iesu Kristo, a markato turu hapö a ka pinopino. A töa ka lasi te panina: aragi ngil koru a Tsunono bate ngil hasera a tana katuun, ba markato teka te hatagalena u nihamana i tarara tara Tsunono.

1 Tesalonaika 1:3

Pöata te singo mialam tere Tamarara e Sunahan, alam ema mala solopalemi te hamana haniga uami limiou na te kato haniga has uami limiou. Na lam ema solopala hasemi te ngil mera milimiou a palair u katuun bate taguhu ramen. Na te hamana hatagala uami limiou tena la pouts nama romana e Iesu Kristo a Tsunono i tarara.

1 Timoti 1:5

Kaba a ka koru tegi habuti ra, aragi halakasi u hiangilngil te la nama turu tori u gogoso na u hakhakats u niga, na te hamana haniga koru riara tere Sunahan bara te atei sil talera ara e möa ta töa ta ka ta omi i peisarara.

1 Timoti 4:8

Te kato hatagale mia lö u tuenrei, e nigana. Kaba tego kato hagogoso mei lö u namnamei i tamölö te niga balana, taraha a markato teka e taguhe noulö tara nitöatöana i puta na tara nitöatöana i Kolö has.

Taitus 1:16

Nori e pei laser nori e atei siler e Sunahan, kaba a markato i taren te haröto nena nori ema atei sileri e Sunahan. Nori e hipus korur, na nori ema antunan kato has nari ta ka ta niga. Na u katuun ema ngil koru has rarien.

Taitus 3:8

U raranga teka e manana. Na lia e ngileg alö go hihatuts hatagalein a manka teka, ba u katuun te hamana uaier tere Sunahan bate ka siler tegi kato menaien a man markato a man niga. A manka teka e niga koruna na e taguhu has ranou u katuun.

Hibru 11:17

E Sunahan e ranga hamanaia tere Abraham i manasa me poeiena, “Alö e ka sila memia romana u hatutubunei u parpara koru tara pien i tamölö e Aisak.” E Abraham e hamani e Sunahan, ba pöata te torohane ien e Sunahan be Abraham e katoenei a pien i tanen e Aisak a kaan haats tara makumun haats. E Abraham e hengo noahasi e Sunahan me hakena a töa koru a pien tson i tanen tara makumun haats.

Hibru 13:9

U hihatuts tema atei sileri te las ba ranoui limiou a maroro tere Sunahan egima kukute ii. A torimilimiou ema antunan lu nanei ta nitagala tara mamana mar lo na tara kannou. A man lo teka ema taguhu ranei u katuun te kukutie ren. E möa. A tori milimiou ega tagala mei a nihitaguhu tere Sunahan.

Jemis 1:16

A matsomi koru i tar, a tana katuun e namots gamo ranou limiou bate poeiena, “E Sunahan e tatei torohanena a katuun bate kato homina.” E möa.

Jemis 2:16

Ba lö te poeiem i tanen, “La tala mela a niniganiga. Alö go na meimei ba lö tena nou hantuem.” Kaba lö ema hale mien tu hasobö tsi ta tsi kannou. Ga markato teka ema niga tala nei.

Jemis 2:18

A töa katuun e tatei poeiena, “A palai e hamana hanigar na palai e kamer a markato a niga.” Kaba, te hamana mia lö batema kamemi ta markato ta niga, ga ime temar atei sil megoi lia u nihamana i tamölö? Kaba, alö e tatei tara sila namia te hamana haniga uagu lia, tara markato i tar.

Jemis 2:26

Alimiou e atei silemiou a tuenrei na katuun e matena te ka halhal ba mena neien u namnamei i tanen. Na e kato has uana iesana tara nihamana na markato. A katuun te poeiena nonei e hamana hanigana kaba nonei ema kato haniga nei, u nihamana i tanen e la papala tununa.

2 Pita 1:5

Nonei tego spana bemi limiou a man palaina man markato tere Sunahan tara markato te hamana uaier. E markato uana teka, alimiou go hamana hanigaiam bate katoemiou a markato a niga bate luemiou u hakhakats u niga. Ba limiou te hala putemiou u ngilngil i peisa milimiou bate kato haniga noahas mia i gusuna a pöata a omi. Ba limiou te katoemiou a man markato a man niga tere Sunahan, bate taatagi ramiou a palair u katuun bate ngil koru ramen.