Jemis 2:1 - U Bulunagana U Niga

¹ A matsi hahatoulana, alimiou goma poeiemi a tson moni e nigana na katuun papala e omina. E möa. U mar hakats teka ema niga nei turu katuun te hamana uaier tere Iesu Kristo a Tsunono Pan i tarara.

Jemis 2:1 Iomraidhean Croise

Matiu 22:16

Ba nori e hala ralila u katunun tsitsilo i taren na palair u katuun tere Herot tere Iesu mena poeier, “Tson Hihatuts, alam e atei silem alö a katununa turu mana. Alö e roron hihatuts hamana nem a maroro tere Sunahan, taraha alö ema hakats nami a manka te hakats ner u katuun tsi a nikapan i taren.

Aposol 10:34

Be Pita e tanian rangana me poeiena, “Alia e atei hamana talagu, e Sunahan ema ngil kalakala ranei u katunura i puta. E möa.

Aposol 20:21

Alia u hatei hatagalein u ranga tara pal katuun i tar u Jiu na i tamilimiou has u Grik, tego habirits uaiam limiou tere Sunahan, na tego hamana has uaiam limiou tara Tsunono i tarara e Iesu Kristo.

Aposol 24:24

U lahisa u lan e kapa, be Piliks e la gono menama a tahol i tanen e Drusila a toun Jiu. Be Piliks e ngöena e Pol me hengoeiena u raranga i tanen te hatei naien a mouna a ka te hamana siler u kristen tere Iesu Kristo.

Aposol 7:2

Be Stiven e ranga palisina me poeiena, “A matsi hahatoulana na matsi hahatamana, hengo iam! A Sunahan turu ualesala e butuia tere tuburara e Abraham tara pöata te ka ien i Mesapotemia ba nonei tema la noanei i Haran, me poeiena, ‘Alö go laban a hun katuun na han i tamölö ba lö te lauam tara han te hatare goi lia alö.’

U pas te koloto menai e Pol turu kristenira i Rom 1:11

Taraha, alia e ngil koruegu tego tara merai limiou bate hala ragi limiou a ka a niga turu Namnamei u Göagono, bate hatagalena u nihamana i tamilimiou.

1 Korin 2:8

U tsunono panira i puta ima atei sile ii a manka teka. Sanena nori ti atei sileien, ba nori tema antunan nila nari a Tsunono Pan i tarara tara kuruse.

Kolosi 1:4

Taraha, alam i hengoen te hamana hatagalan töa uami limiou tere Iesu Kristo na te ngil koru mera milimiou u katuun hoboto tere Sunahan.

1 Timoti 1:19

Alö go pile hakarapotein u nihamana i tamölö balö te atei silem alö u möa ta ka ta omi i tamölö. A palair u katuun e atei siler a ka te omina, kaba nori e kato noahaseren bate kato homi taleier u nihamana i taren.

1 Timoti 5:21

Alia e hala hatagale goi lö u raranga teka i matana e Sunahan na i matana e Iesu Kristo na i matar u angelo u göagono. Alö go hengo hanigei u raranga teka batema kato homie mi a tana katuun. Alö go markato merai u katuun hoboto iesana.

Taitus 1:1

Alia e Pol, a katunun kui tere Sunahan na aposol has tere Iesu Kristo. Alia i hala silemei tegomi hatagala menai u nihamana turu katuun te hopö kapir e Sunahan. Na tego taguhu meraien lia ba nori te atei siler u hihatuts u mana, bate tatei tus mera neien tara markato te hanigeiena e Sunahan.

Taitus 2:13

Tara pöata te hahalose riara a nisasaala te hamana sile rara, nonei a pöata te butu noua u hiharöto pan tere Sunahan a kapan i tarara, nonei e Iesu Kristo temi lu pouts ranou ra.

Hibru 1:3

A Pien Tson i tanen nonei u namnamei turu ualesala tere Sunahan. Nonei e here korue nei e Sunahan, na mamanaka hoboto e ka haniga silana turu raranga u tagala i tanen. I murina te galus ba naien a man markato a man omi turu katuun, ba nonei ena gumna tara pal matou tere Sunahan iasa koru i Kolö.

Hibru 12:2

Aragi tara las uu tere Iesu. Nonei a mouna u nihamana i tarara na nonei te kato hamanena a manka te hamana sile rara. Nori i nila naien tara kuruse, na nonei ema rama ii. Nonei ema matsingolo rai u katuun tega mate here menaien a katuun a kopkop, taraha nonei e atei sil nonei ena sasaala koru nou. Na i romana nonei e gumna tara pal matou tere Sunahan noahas.

Jemis 1:16

A matsomi koru i tar, a tana katuun e namots gamo ranou limiou bate poeiena, “E Sunahan e tatei torohanena a katuun bate kato homina.” E möa.

Jemis 1:19

Alimiou go atei sileiam a ka teka, a matsomi koru i tar. Alimiou go hahengo haniga uaiam tara tana katuun ba limiou tema ranga haparami. Alimiou goma raharaha boroboro hasmi.

Jemis 2:3

Balö te tara mareiem a katuun te ka mena u hasobö u niga bate poeiem i tanen, mi gum ia teka tara makum turu tsunono. Balö te poeiem tara katuun papala, alö go na tuol ia tara makum ili turu katuun papala, tsi alö go gum ia i puta teka i rehina mour.

Jemis 2:9

Kaba te tara tune mia limiou a katuun ielesala bate poeiemiou, a töa te nigana na tai e omina, alimiou e katoemiou a markato a omi, bate pekoemiou a lo tere Sunahan.

Jemis 3:17

Kaba a torina a katuun te kamena u hakats u nigana iasa e gogosona bate roron nolo pouts has rena a palai te hiaraharahar. Nonei a katuun a kakamoto na e hahengona tara tana katuun. Nonei e taatagi koru silena a katuun na e ka mena a markato a niga. Nonei e atei silena ime tega markato uaien, na nonei ema gamoe nei a tana katuun.

2 Pita 1:1

Alia e Saimon Pita, a katunun kui na aposol tere Iesu Kristo. Alia e hala menagi u pas teka i tamilimiou u katuun te hamana gono mera moulam. Ara e ka hoboto mera a nihamana te hala raira e Iesu Kristo na e Sunahan a Tson Hitaguhu i tarara. Nonei tara markato a matskö tere Iesu Kristo ba nonei te hala ranei ra u nihamana u niga.

U pas te kolotein e Jut 1:16

U katuun teka e roron ranga homi ner a nikaka i taren bate mamala sasaalari. Nori e kukutier u ngilngil u omi i taren. Nori e ranga sesei ner a peisaren na nori e angoso raier u katuun tegi lube meraien ta ka.

Revelesin 14:12

A ka teka e mar mouna uana teka: u katuun tere Sunahan egi tagala noa lasi. Nori egi hengo hanigei u raranga tere Sunahan bate hamana hatagala ria tere Iesu.