Jemis 1:27 - U Bulunagana U Niga

²⁷ A katuun te niga hamanana na te matsköna i matana e Sunahan e Tamarara e markato uana teka: nonei egona taguhir u binai na u amoaba tara pöata te omina a nikaka i taren, na nonei e ka halehana ba nena a manka a man omi tara han i puta.

Jemis 1:27 Iomraidhean Croise

Matiu 12:32

A katuun te ranga homi nanou lia tu butun Katunuma, e Sunahan e tatei luba nanou a markato a omi i tanen. Kaba a katuun te ranga homi nena u Namnamei u Göagono, e Sunahan ema tatei luba nanoi a markato a omi teka i tanen, tara pöata i romana, na tara pöata i murimuri has.”

Matiu 5:8

Na u katuun a toriren te gogosona egi sasaala. E Sunahan e ngö ranoien u katunun sasaala, taraha nori ena tare roien.

U Bulungana u Niga tere Iesu Kristo te kolotein e Luk 1:6

U muntahol teka i matsköia i matana e Sunahan, na nori i kukute haniga hasi u mamana u raranga na markato tere Sunahan a Tsunono.

U pas te koloto menai e Pol turu kristenira i Rom 12:2

Alimiou goma kukutiemi a markato tara han i puta teka. E möa. E Sunahan e ngilin hala ranei limiou u hakats u tsimus bate habiritsena a torimilimiou ba limiou te atei sile mou u ngil tere Sunahan bate hanigei men, a ka te nigana na ka te sasaala mena e Sunahan na ka te matskö nitöana.

U pas te koloto menai e Pol turu kristenira i Rom 2:13

U katuun te hengo tuun laser a Lo ema matskö ria i matana e Sunahan. E möa. U katuun lasi te kukuteier a Lo, nori te matskö ria i matana e Sunahan.

Galesia 1:4

E Kristo e mate sil tego luba menaien a man markato a man omi i tarara, na tego purese pouts meraien ra tara markato a omina i puta. Nonei e markato uu temar ngil uu e Sunahan e Tamarara.

Galesia 3:11

Na katuun ema antunan matskö neia i matana e Sunahan te kukute tuun mena neien a man Lo. Kaba a katuun te hamana uana tere Sunahan nonei e ngöe neien a katuun a matskö, nonei e töatöa sila noua turu nihamana i tanen.

Galesia 5:6

Te hamana ria ra tere Iesu Kristo, a markato turu hapö a ka pinopino. A töa ka lasi te panina: aragi ngil koru a Tsunono bate ngil hasera a tana katuun, ba markato teka te hatagalena u nihamana i tarara tara Tsunono.

Galesia 6:14

Kaba lia, alia e hatei ragoui u katuun a Tsunono puku i tarara e Iesu Kristo te mateia tara kuruse. A kuruse i tanen e mar mouna uana teka: a markatona i puta ema tagala lel nanei lia, na lia ema kato sil lel hasegi a markatona i puta.

Epesis 2:2

Alimiou u kukuteiam a markato a omina i puta, bate hengoemiou a tsunonona tara man spirit a man omina iasa, nonei a spirit a omi te hakui rena u katuun te hipus naier e Sunahan.

1 Timoti 1:5

Kaba a ka koru tegi habuti ra, aragi halakasi u hiangilngil te la nama turu tori u gogoso na u hakhakats u niga, na te hamana haniga koru riara tere Sunahan bara te atei sil talera ara e möa ta töa ta ka ta omi i peisarara.

1 Timoti 5:4

Kaba te ka mena a amoaba a galapien tsi a man hatutubunei i tanen, ba nori te hatutseria a peisaren tegi kato menaien a toukui i taren bate taguher a hun katuun i taren, ba nori te hamatana poutseier a nihihipakoko turu tamaren na u tsinaren. A markato teka e Sunahan e haniga korue nen.

Taitus 2:12

bate hatuts raneira tegi tori tsuga menaira u ngilngilina i puta. Na tara pöata i romana aragi hala puta hasi a peisarara bate kukutera a markato a niga tere Sunahan.

Jemis 3:17

Kaba a torina a katuun te kamena u hakats u nigana iasa e gogosona bate roron nolo pouts has rena a palai te hiaraharahar. Nonei a katuun a kakamoto na e hahengona tara tana katuun. Nonei e taatagi koru silena a katuun na e ka mena a markato a niga. Nonei e atei silena ime tega markato uaien, na nonei ema gamoe nei a tana katuun.

Jemis 3:9

A mia rara e ranga hanigana na e ranga homi hasina. Ara e ranga haniga nera e Tamarara a Tsunono, na ra e ranga homi has nera a katuun, e Sunahan te kato here naia a katuun a peisanen.

Jemis 4:4

Alimiou e hapolasa ba namiou e Sunahan bate heremi a tahol a hitöl te kato homina. A katuun te ngilena a markatona i puta e kato homi hasena e Sunahan. Na lia e hatei ragi limiou, u ngilngil na markatona i puta e paköena e Sunahan.

2 Pita 1:4

Tara markato teka nonei e hala mam raira a man raranga a man mana na man kapan i tanen te niga koruna. Na u raranga u mana teka e taguhu ranou ra bara te tatei ka has mera u mar hakats tere Sunahan, bate ka haniga ba nera a man markato a man omina i puta te butu nama turu ngilngil u omi.

2 Pita 2:20

Kaba tego atei sileia a katuun e Iesu Kristo a Tsunono i tarara, te lu pouts raiou ra, bara te laba naiera a man markatona i puta. Ga te pilpiloto pouts roien tara markato a omi i taren, ba a nikaka turu katuun teka te omi bala koru lel tala nanou a nikaka taren i manasa.

2 Pita 3:14

Na man hahikapien i tar, tara pöata te hahalose mia limiou nonei u Lan, torohana hatagala sileiam tego gogoso uaia limiou i matana e Sunahan bate katoemiou a markato tara masalohana.

1 Jon 5:18

Ara e atei silera a katuun te pien uana tere Sunahan ema tatei kato homi hiton nei, taraha a Pien Tson tere Sunahan e pepeito kap nitöa nanen, na e Satan ema antunan kato homi naneien.