Jemis 1:25 - U Bulunagana U Niga

²⁵ Kaba a katuun te tarena a Lo a matskön töa tere Sunahan te hagum hanige nouen, e Sunahan e luba na noien a man markato a man omi bate sasaala mena a man toukui hoboto i tanen. Taraha, a katuun teka ema solopale nei u raranga tere Sunahan, kaba nonei e katoeiena a ka te ranga nanen.

Jemis 1:25 Iomraidhean Croise

U Bulungana u Niga tere Iesu Kristo te kolotein e Luk 11:28

Be Iesu e ranga palisina me poeiena, “U katuun te hengoer u raranga tere Sunahan bate kukutie ren egi sasaala baba koru.”

U Bulungana u Niga tere Iesu Kristo te kolotein e Jon 13:17

Te atei silemia limiou a ka teka, alimiou e kalala rariou tego kukute nenamen limiou.

U Bulungana u Niga tere Iesu Kristo te kolotein e Jon 8:36

Alia a pien tere Tamar e Sunahan. Te hapurese ragoua lia alimiou, ba limiou te töan tapurese hamana nitöa mou.

Aposol 13:43

U katuun i tarura tala, na u Jiu u parpara na u katuun halhal ti tahongo poutsia turu lotu turu Jiu, nori i kukuteir ere Pol mere Banabas. Ba nori a huol a katuun e hala ner u raranga u niga i taren ba nori e ranga hatagala mera ren tegi ka hatagala uaien tara nihitaguhu tere Sunahan.

Aposol 2:42

Nori i ha hengo hanigan töaia turu hihatuts turu aposol bate singo gono meraren tere Sunahan, na nori i nou gono has mer u aposol.

Aposol 26:22

Na te antunana i romana e Sunahan e taguhe ioulia, balia te tuol gia teka bate hatei negu a manka teka tara katuun papala na turu tsunono has. Na lia e katoegu u mar ranga noa lahas ti katoi u propet na e Mosis i manasa tara manka tega butu.

U pas te koloto menai e Pol turu kristenira i Rom 11:22

E Sunahan e taatagi rena u katuun, na nonei e hahuna has rena u katuun. Röto: nonei e hahuna rena a pala te kato homir, na nonei e taatagi has ranou limiou, tego haniga noahas uaiam limiou i tanen tara nihitaguhu i tanen i tamilimiou. Te möa nen, ba nonei te luba has ranou limiou.

U pas te koloto menai e Pol turu kristenira i Rom 2:13

U katuun te hengo tuun laser a Lo ema matskö ria i matana e Sunahan. E möa. U katuun lasi te kukuteier a Lo, nori te matskö ria i matana e Sunahan.

U pas te koloto menai e Pol turu kristenira i Rom 7:12

Na limiou go atei iam, a Lo e göagonona na e matsköna na e niga koruna. E möa koru ta töa ta makum i tanen tego omi.

U pas te koloto menai e Pol turu kristenira i Rom 8:15

U Namnamei te hala rai limiou e Sunahan, ema kato ranei limiou u katunun kukui puku ba limiou te matout miou. E möa. Nonei u Namnamei te kato ranou limiou ba limiou te galapien uamiou tere Sunahan. Ba limiou temar ngö tala memien teka, “O Tamar, o Tamar.”

U pas te koloto menai e Pol turu kristenira i Rom 8:2

Taraha, a lo turu Namnamei tere Sunahan, te hala ranei ra a nitöatöa tere Iesu Kristo, e purese hakapa raioura. Ara i here ii u katuun ti kitsir na ti roron kaia tara lo tara markato a omi na tara tou mate. Kaba e möa lel tala.

1 Korin 15:58

E markato uana teka a matsomi koru i tar, tuol hakarapotoiam, bate tagala miou, möa tu hasula ba naiam e Sunahan. Kui hatagala nitöa mia tara Tsunono, taraha alimiou e atei silemiou a toukui te katoe mia limiou tara Tsunono ema lala puku noi.

2 Korin 13:5

Alimiou go tara pouts mia i peisa milimiou tego hamana hatagala noahas uaiam limiou. Tema sabie moi limiou e Iesu Kristo e kana i tamilimiou, alimiou e rus moa tara nitorohana teka.

Galesia 2:4

Kaba palair u katuun tima kristen ii hasohaleia a peisaren turu katuun u kristen. Nori emi katsin tari ta saha ka tego katoi lam u katuun tere Iesu Kristo. E Iesu nonei te purese ba raialam tara Lo turu Jiu, kaba u katuun teka i ngilin hakits pouts len raiou lam.

Galesia 5:1

E Kristo e purese ba raia ra tara Lo turu Jiu. Na limiou go tagala tala iam batema katunun kukui puku lel uami tara Lo turu Jiu.

Galesia 6:2

Te ka mena a töa i tamilimiou a nitiama pan, ba limiou te taguhe men. Ba markato teka te haröto nanou alimiou e hengo hanigemiou u raranga tere Kristo.

Kolosi 1:23

Na limiou go hamana nitöaiam bate tuol hakarapoto mia turu nihamana i tamilimiou. Alimiou goma hapolase mi a ka a niga tu hamana mia limiou tara pöata ti hengoe mia limiou u Bulungana u Niga. Nonei u Bulungana u Niga ti habulungana naia turu han hoboto, na nonei a ka teka te kui sile gulia, alia e Pol.

1 Timoti 2:15

Kaba a touhaliou ena lu sila pouts raroua tena posa mera roien a galapien, na tena hamana nitöa uarouen tere Sunahan bate ngil raier a palair u katuun bate kamer u hakats u matskö na u niga.

1 Timoti 4:16

Tara hanigei temar ka uamölö na manka te hihatuts nemölö. Pile hakarapotein a markato teka, ba lö te taguhe mou a peisamölö na u katuun has te hengoe riou lö.

Hibru 12:15

Tara kap haniga raiam a palai bate moa nou ta töa tega habirits ban a nihitaguhu tere Sunahan. Ta töa ena mots tori homina i gusumilimiou bate hatakeiena ta raharaha bate kato homiena u hakats tara palai.

Jemis 2:12

E Sunahan e ona mera nei limiou romana a man lo te purese ba nena a katuun tara markato a omi. Te marka uanen teka ba limiou te ranga hanigamiou bate kato haniga hasimiou.

1 Pita 2:16

Alimiou go markato uaiam turu katuun ti hapurese. Alimiou goma kato silemi tego kato homi uaiam limiou. E möa. Alimiou e kato silemiou tego katunun kui uaiam limiou tere Sunahan.

1 Jon 2:24

Alimiou go pile hakarapoto naiam u raranga tu hengo mam naiam limiou. Na te ka noana u raranga tu hengo mam naiam limiou i torimilimiou, ba limiou te ka gono nitöa memou a Pien Tson tere Sunahan, na e Sunahan e Tamarara.

Revelesin 14:13

Ba lia e hengoegu u töa u raranga i Kolö bate poeiena i tar, “Alö go kolotein a ka teka: Sasaala iam u katuun tara Tsunono tena mate riou te taniana i romana bate la lasina!” Ba u Namnamei tere Sunahan e poeiena, “U mana koru! Nori e husa roua tara toukui i taren. Na markato a niga ti katoeien e la gono has merouen.”

Revelesin 22:14

U katuun te galuser u hasobö i taren egi sasaala. Nori te tatei tasu ria tara tamana tara taun na e tatei nou ria tara huana u rueina tara nitöatöa.