Jemis 1:24 - U Bulunagana U Niga

²⁴ Nonei e tarena a polenen bate lana, ba nonei te solopalena ime temar tara uana a polenen.

Jemis 1:24 Iomraidhean Croise

Matiu 8:27

Nori i asingoto koru me poeier, “A saha a mar katuun koru teka? A lomolomo na u ramun e hengo korueren!”

U Bulungana u Niga tere Iesu Kristo te kolotein e Luk 1:66

Ba u katuun hoboto ti hengoeien e hakhakatsir me poeier, “A pien teka e katuun pan nou romana! Taraha? A nitagala tara Tsunono e kana i tanen.”

U Bulungana u Niga tere Iesu Kristo te kolotein e Luk 7:39

Pöata te tareia e Saimon a ka te kati a tahol, ba nonei emar hakats tuun uana teka, “Sanena tega propet hamanaia a tson teka, ba nonei te tatei atei silena a saha mar tahol te sebele nen, nonei a tahol a omi!”

1 Tesalonaika 1:5

Taraha a pöata tu hala naia lam u Bulungana u Niga i tamilimiou, alam uma ranga papala ii. E möa. A nitagala tere Sunahan na u Namnamei u Göagono i tanen e taguhema u raranga i tamulam, na e haröto hasiin u raranga i tamulam e manana. Alimiou e atei silemiou a markato a niga i tamulam e taguhu has raiou limiou ba limiou te hamana miou.

Jemis 1:23

A katuun te hengo papalena u raranga tere Sunahan batema katoe nei a ka te ranga nanen, nonei e here nei a katuun te tarena a polenen turu galas.

Jemis 1:25

Kaba a katuun te tarena a Lo a matskön töa tere Sunahan te hagum hanige nouen, e Sunahan e luba na noien a man markato a man omi bate sasaala mena a man toukui hoboto i tanen. Taraha, a katuun teka ema solopale nei u raranga tere Sunahan, kaba nonei e katoeiena a ka te ranga nanen.

2 Pita 3:11

Na temar taia tala uana romana a mamanaka tara markato teka, ba limiou te kato hatagala sil talemiou tego niga koru uaiam limiou bate hala nemiou a peisa milimiou tere Sunahan.