Jemis 1:19 - U Bulunagana U Niga

¹⁹ Alimiou go atei sileiam a ka teka, a matsomi koru i tar. Alimiou go hahengo haniga uaiam tara tana katuun ba limiou tema ranga haparami. Alimiou goma raharaha boroboro hasmi.

Jemis 1:19 Iomraidhean Croise

Matiu 5:22

Kaba alia e hatei ragou limiou, te raharahe mia lö e toulamölö, alö e la mou turu kout. Na te ranga hohomi koru namia lö e toulamölö, alö e la uamou turu kout pan. Na katuun te ngöe nei e toulanen a momolö ena mots lauana turu tulana i hel.

U Bulungana u Niga tere Iesu Kristo te kolotein e Mak 12:37

“E Devit noahas te ngöei a katuun teka, A Tsunono. Gime temar hatubuna uana e Mesaia tere Devit?” Kaba e möa ta katuun tega ranga palis. U katuun u parpara koru teka i sasaala mei ti hengo uaien tere Iesu.

U Bulungana u Niga tere Iesu Kristo te kolotein e Mak 2:2

Bu katuun u parpara koru emi gonor ba luma e saputu nitöana, a matana tamana has e möa ta töa ta makum tega ski. Tara pöata te habulungana naia e Iesu u bulungana tere Sunahan, ba tohats a katuun e söate rima a töa katuun a matekata.

U Bulungana u Niga tere Iesu Kristo te kolotein e Luk 15:1

U katunun lulu takis u parpara na palair u katuun u omi i lama memi hahengo ria tere Iesu.

U Bulungana u Niga tere Iesu Kristo te kolotein e Luk 19:48

Kaba nori ima sabe ii ta maroro tegi markato menaien. Taraha? U katuun hoboto i hengo nitöaia tara man raranga i tanen.

Aposol 1:15

Tara pöata teka u katunun tsitsilo tere Iesu ti gono hoboto i antunaia turu 120 a katuun. Be Pita e takeina me tuol na i mataren me poeiena, “A matsi hahatoulana i tar, u raranga te kana turu Buku u Göagono ega butu hamana koru. U Namnamei u Göagono tere Sunahan e ranga silama tere tuburara e Devit i manasa me ranga nena e Judas, a katuun te las rema u katuun ti pile kapiin e Iesu.

Aposol 10:33

Ba lia e hangö boroboro na goulö, na e niga koru mena te la ua mumalö. Na lam e ka hoboto talamia teka i matana e Sunahan, tegomi hengo menai lam a man raranga hoboto te hale ii lö a Tsunono.”

Aposol 13:48

U katuun tima Jiui i hengo u ranga teka, ba nori e sasaala korur, me hanigeier u raranga tere Sunahan. Na u katuun te hopö kapir e Sunahan tegi töatöa nitöa, nori i hamana uu i tanen.

Aposol 17:11

U Jiu teka ima here rai u Jiu ra i Tesalonaika. U Jiu ra i Beria i hakats halesala koru, kaba u Jiu ra i Tesalonaika i hapiou ni u raranga u tsimus. U Jiu ra i Beria i hengo hanigei u raranga tere Pol, na turu mamana u lan nori i taratara ia turu Buku u Göagono bate sakier tego mana uu raranga teka.

Aposol 2:42

Nori i ha hengo hanigan töaia turu hihatuts turu aposol bate singo gono meraren tere Sunahan, na nori i nou gono has mer u aposol.

Epesis 4:26

Te raharaha mia limiou, haka ba neiam a raharaha. Ena mots kato ranou limiou ba limiou te kato homi miou. Alimiou go hakapeiam a raharaha i mam te tsiruku na a pitala.

Epesis 4:31

Alimiou go ba neiam u mar hakats te ka nitöa menami limiou a raharaha. Na limiou goma si koru has mi. Na ego möa lel has ta hiaraharaha na ta hiangenngena na tu hamal. Alimiou go hakapeiam u mamana u mar hakats u omi tara tana katuun.

Kolosi 3:15

Na a masalohana tere Kristo ega mammam nitöani a nitöatöa i tamilimiou. E Sunahan e ngö gögono hoboto raiou limiou tego kato menai limiou a töa a katuun bate hiakaka haniga hoboto miou. Ba limiou te haniga nitöa uamiou i tanen.

Kolosi 3:8

Kaba i romana alimiou go ba naiam a man markato hoboto teka: a markato te raharaha uaier na markato te omi menari a tai na markato te ranga homi meri a katuun na u ranga homi.

1 Tesalonaika 2:13

Na tana ka has te roron haniga sile mia lam tere Sunahan. Pöata tu piou naia lam u raranga tere Sunahan i tamilimiou, alimiou u ma poeiemi nonei u raranga tara katuun tuun lasi. E möa. Alimiou u hanige men bate hamanemiou nonei u raranga hamana tere Sunahan. Na u raranga i tanen e kato haniga ranou limiou te hamana mena mien limiou.

Jemis 1:16

A matsomi koru i tar, a tana katuun e namots gamo ranou limiou bate poeiena, “E Sunahan e tatei torohanena a katuun bate kato homina.” E möa.

Jemis 1:2

A matsi hahatoulana i tar, pöata te butuna a manka man omi i tamilimiou, sasaalaiam.

Jemis 1:26

Esi te ngöe nei a peisanen a katununa turu lotu batema kahete kap nanei u ranga pinopino i tanen, a katuun teka e gamoena a peisanen.

Jemis 2:1

A matsi hahatoulana, alimiou goma poeiemi a tson moni e nigana na katuun papala e omina. E möa. U mar hakats teka ema niga nei turu katuun te hamana uaier tere Iesu Kristo a Tsunono Pan i tarara.

Jemis 2:5

Hengoiam, a matsomi i tar. E Sunahan e hopö kapir u katuun papala tara han i puta, u katuun te hamana haniga uaier tere Sunahan. Be Sunahan te poeiena u mar katuun teka te ngile nen, e lue riou a Nipepeito tere Sunahan.

Jemis 3:10

U ranga u niga na u ranga u omi e butuna turu töa u mia. A matsi hahatoulana, a ka teka ema niga nei.

Jemis 4:11

A matsi hahatoulana, alimiou goma hiararanga homi mi. A katuun te ranga homi nena e toulanen e ranga homi has nena a Lo tere Sunahan. Na katuun te oneiena e toulanen bate pita pute nen e pita puta hasena a Lo. Kaba limiou go kukute hanigeiam a Lo. Nonei a toukui i tamilimiou. Alimiou goma peiemi a Lo e omina tsi e nigana.

Jemis 5:12

A matsi hahatoulana, u raranga teka e pan koruna: alimiou goma tatei peiemi i Kolö tsi i puta na tu töa tu mar ranga bate hamana uamiou iasa. E möa. Alimiou go pei tuneiam “Aa” te mana nen, tsi “E möa” tema mana neien. E Sunahan ena mots hahuna ranou limiou.

Jemis 5:19

A matsi hahatoulana, te la hatutu ba nena a töa i tamilimiou u raranga u mana, ba tai te lu pouts mena meien tere Sunahan, nonei ega atei sil, te habirits ba nami limiou a tana katuun tara markato a omi i tanen ba nonei te habirits pouts uana tere Sunahan, alimiou e luba has namia a katuun a omi teka tara tou mate. Na e Sunahan e luba has nanou a parpara a markato a omi tara katuun teka. Nonei talasi. Alia e Jemis

1 Jon 2:21

Alia ema poeiegi alimiou ema atei silemi a manka te manana, ba lia te koloto uagu i tamilimiou. E möa. Alia e koloto uagu i tamilimiou taraha alimiou e atei silemiou a manka te manana, na limiou e atei sil hasemiou e möa ta töa ta ka ta gamo tega tatei butuma tara manka te manana.